انا ردي وينه
أنا من زمان كنت أحاول أتأقلم باللغة مع الي أتكلم معاهم يعني مثلاً إذا واحد يتكلم سعودي أحاول استخدم نفس الكلمات والمصطلحات الي يستخدمها و هذا الحال مع أي واحد من وين ما كان بس الحين ما اهتم بس أشوي أحاول أراعي الناس إذا حاولت أتكلم و في كلمة إماراتية أتكون صعبة على الي مب إماراتي أنا على بالي أن أنتي مصرية في البداية بس بعد التفكير قلت سعودية على حسب الكلام الي أقراه شكلج كنتي أتحاولين تتكلمين سعودي لان على بالج أنا سعودي معاي خذي راحتج في الكلام لإني أولاً أتابع مسرحيات كويتية أنا و في الجامعة معاي طلاب كويتيين بعد فالامور طيبة معاي
انت تبي تسبب لي جلطه و سكته مو صدمه
Wt* تتغشمر كلامك كانه كويتي مو اماراتي لاع ماني سعوديه كويتيه بحت انا خخخخخ اتكلم سعودي لان مرات محد يفهم الكلام الكويتي حتى لغه عربيه ومصريه كتبتها xD منها سوري بعد خخخخ
من أي كلمة قلتها أنا خلتج أتفكرين إني كويتي ؟! أصدمج مرة ثانية ؟! أنا إماراتي و مب كويتي ! أنتي سعودية صح ؟
انا مو منصدمه من الانمي حاليا منصدمه اني توني اكتشف انك كويتي كلامك و كتابتك كويتيه xD عبالي سعودي هههههه شوف ناروتو انا معاك بالضبط ، بوروتو للاسف موقادره اتقبله لكن بحاول معاه ، جيرايا شي ما ابي احرق عليك أتاك اوف تايتن للاسف بسبب أحداث المانجا و ملل الاعضاء وبعد الكل حرق الانمي اصلا من استغرام ون بنش مان انصحك ، الانمي حلو حيل ورهيب بكل صراحه . مصارعه انا مو قاطعه انا نسيت شي اسمه مصارعه بص مرات اطمش يوتيوب حق اندر تيكر ون بيس مو الكل حبه ، انا خلصت 50 حلقه حتى حبيته xD وبصراحه انمي بطل خصوصا ايس مواجع . ناقش بموضوع الشيت شات هناك الكل بعطيك انميات ويناقشك
نسيت ون بيس ! بس أبداً مب من معجبين ون بيس ون بنش مان أعرفه بس ما تابعته لين الحين، و قريب بقرا سولو لفلنج وبعد في أشياء وايد بصراحة في عالم الانمي لازم أتفضي نفسك عشان أتابعهم/تقراهم في أشياء ثانية بعد بس مب قادر أتذكرهم الحين
أتابع أنمي بس ما أظن إني تابعت مثل العدد الي تابعتيه أنتي تقريباً أتوقع يمكن الانميات الي تابعتها أنا تنعد على الاصابع مثل : دراجون بول : هذا الانمي أتابعه و أنا صغير و ما زلت أتابعه لين الحين و أقرا المانجا حتى لو قصة الانمي تقريباً تتكرر في كل جزء الا ما أدري شو يجذبني إني أرجع أتابعه و أقرا المانجا نارتو : تابعته كامل و خلصته مب متقبل لبورتو و كيف خلو أشكال الشخصيات القديمة بس أطمشت أنا أشوي بعد ما حرقت على نفسي وشفت أنهم رجعوا جيرايا فجذب انتباهي هذا الشي فقلت لنفسي لعل و عسى أن أن هذا الانمي أتحسن الحين و أن البداية كانت سيئة بس ما أدري رجعت و سحب عليه شفت هنتر أكس هنتر بس ما خلصته لين الحين بس حرقت على نفسي أرك النمل أشوي و شفت أتاك أون تايتن كامل و يوم أقول كامل أقصد الانمي و المانجا ! ما قدرت أصبر لبداية السنة عشان ينزل السيزون الرابع فقريت المانجا و بالنسبة لي مافي أنمي يتغلب على أتاك أون تايتن ! بس متفاجى أنا إني ما أشوف حد يتكلم عن أنمي أتاك أون تايتن في قسم الانمي ! ما في حد تابعه أو في أنميات أنا ما أعرف عنها تتغلب عليه ؟!
اعترف الاكل منافس قوي صراحة بس الحمد لله إني من النوع الي ياكل كل شي و ولا يزيد كيلو واحد ! مع التحليل الي عرضتيه ما شاء الله ما أظن أن بتكون لي فرصة إني أخلق منافسة بيننا تحليل جميل و مرتب و بصراحة اتحمست إني أشوف الانمي أما عن المصارعة فأظن إني أكتفيت منها إذا بتابع أخذ لي نظرة سريعة، يعني مثلاً العرض مدته تقريباً ثلاث ساعات، أنا أخلص العرض في خمس دقايق ما توقعت إني يوم أفتح عرض مصارعة و أشوف مصارع واقف في الشاشة و أنا ما أعرفه ههههههه حتى اسمي حالياً الي يرمز لواحد من المصارعين مب عاجبني بس هذا الي الاغلب يتذكرني فيه أتوقع إني كنت غامض جداً أيام زمان قبل فترة كنت أكلم واحد من الاعضاء و كان منصدم مني لاني كنت أتابع كرة قدم ! و الحين أنتي منصدمة مني إني أتابع أنمي ! لي فترة طويلة و أنا أتابع أنمي بس أتوقع غلطتي إني ما كنت أتكلم معاكم عنها أو لاني كنت حابس نفسي في قسم المصارعة و مب راضي أطلع منه أو أدخل أي قسم ثاني
موو مشارك بعد وانا داخله هجوم تحفيزي الاستسلام جميل اذا حق الاكل طبعا تباً كنا نببي نشارك ضدك زي الايام الخوالي كيف المصارعه معاك تدري انصدمت انك تتابع انمي حتى
