وبعدين انت قبل لا تحمل الفلم ، شف معلوماته اول ، وشف الأبعاد
X-Men.First.Class.2011.720p.BRRip.XviD.AC3-ViSiON الأحمر هو السبب ، خذ نسخه بلوريه ، مو B R ريب
طيب تعال ودي أسألك شيء عن تحميل الأفلام الحين أنا بحمل فلم لكن أبعاد الفلم أبغاها تكون 1280x720 لكن الموجود في النت 1280x544 وش الحل يعني أنا الحين حملت فلم X-Men: First Class 2011 ولقيته في النت X-Men.First.Class.2011.720p.BRRip.XviD.AC3-ViSiON وأبعاده 1280x544 أبغى الأبعاد تكون كاملة عطني حل
لا شدعوه
أكيد ما شاء الله عليك شاشتين ومسرح منزلي أكيد يبي يصير عندك سينما لا ويمكن بعد أحسن من السينما
ايه لا انا عندي الأثنين ، بس باقي ما وصلت للـ 21 لذلك انتظر لين الله ييسر يارجال عاد الله اكبر ، اسبر لي يوم واحجد واعطل ، واصقع لي ذيك الشاشة ان شاء الله ببني لي سينما بالغرفه
ايه يدخلونك إذا عمرك 21 ، و تجيب معك البطاقة أو الجواز لا ولو فيه بعد أفلام كان شفت لكن كل الأفلام الزينة شفتها وكانت 9 أفلام
انا قلت انك اكبر من 21 بس ، ما قصدت ان عمرك 21 ايه انا عندي جواز ، وعندي بطاقة احوال ، بس هل بيدخلوني ؟! ، ماشاء الله ، لا بالعكس ماني بقايل مجنون ، لأني انا لو منك بسوي كذا ههههههههه ، كفو والله ايه شغل مكسبة وتجاره
وش دعوة أنا بال 25 بس مب باين من شكلي ، وهذا أحسن لي بعد كل ماكبرت في السن شكلي يكون أصغر يعني أدخل من بطاقة الأحوال بس وعندي بعد جواز ، وأقدر أدخل من الأحوال أو من الجواز كلها تجي أنا الحمد الله رحت أكثر من مرة لدبي سياحة لكن ذي المرة أفلام بس ، شفت 9 أفلام كل من قلت له قال مجنون ايه أنا مثلك بعد ما أشوف الا شي خورافي علشان اتمتع وانا اشوف هههههههه أكيد مب حبا فيني ودهم يكسبون وبس
انا افهم بذا السوالف لأني احب المُتابعه الخرافية للأفلام بكامل المُتعه ، لذلك تلقاني فاهم بالسماعات , والمسارح , والشاشات ، لأني اصلاً انقب عن هالشغلات واشريها .. انت شوف وش الي عندك هوس له ، وبتلقا نفسك تفتي فيه وبخبرة قوية .. فهمتني يعني مسألة اهتمام بشيء مُعين لا اكثر ولا اقل . ايه انتظر افضل لك ، شف الشتاء والصيف بيسون اكيد ، هم واكسترا ، السيريس ( الدفعات ) القديمه بيقل سعرها ويبون يصدرون الجديده ، فتلاقيهم الي باقيه عندهم يخفضون سعرها بشكل حلو علشان الناس تشتري هالبضاعه والبضاعه الجديده توصل ^^ كذا طريقتهم الألكترونيات ،ولا ما يسوي عروض من الله ، ولا حباً فيك يالشاري .. مُجرد تخلص من دفعه لتجهيز الجديده فقط . .. وحنا نستفيد ايضاً من هالشيء لأن السعر يطيح له على الأقل 200 ريال فأكثر .