المثل حقيقة "" اخواتك شمعاتك ""
لكن الله مارزقني بأخوات يشاركوني لحظات حياتي بالبداية يوم كنت صغيرة كان الوضع عندي عادي لان اخواني كانوا صغار مثلي ومالين علي حياتي ولكن يوم كبرت وصرت بفترة مراهقه حسيت باهمية الاخت وانها مهمة ومالي غنى عنها لكن ماقدامي غير الصبر واحتساب الاجر كنت اشوف الوحده تتكلم عن اختها وهي متشققه من الفرحه وانا بداخلي احس بفراغ كبير وخاصه ان ماعندي صديقة مقربة لي تشاركني هاللحظات فمن هذيك اللحظه قررت اتعرف على صديقات واخلي عني التفكير بالاخت لانها خلاص صارت مستحيلة وبديت احاول اني اكسر الحاجز الي كنت مسويته حولي لان اخواني خلاص كبروا وصارت لهم حياتهم واصدقائهم الي مااقدر اختلط فيهم مثل اول
كانت هذي المقدمة الي مالها داعي في نظركم لكن قلت هالكلام عشان تعرفون ايش سبب الموضوع وايش الموضوع اصلا
الموضوع هو اني حبيت اكتب مشاعري تجاه صديقاتي الي تركوا اثر في حياتي وحطوا لهم وسااام في قلبي وعن الاوقات الي احتاجها فيهم او كيف اثرهم في حياتي هذا الجزء الخاص بي
اما الجزء الخاص بكم بتحصلونه اخر الموضوع
لاني بصراحه انا ماكنت اظهر مشاعري لكن ادركت اهميتها في الفتره الاخيرة وقررت من اليوم ان مشاعري تكون واضحة للكل ولان ابداء المشاعر للغير يزيد من المحبة ..
الموضوع بيكون عن :
صديقاتي في المدرسة والجامعة..
صديقاتي من بنات خالاتي..
صديقاتي من النت..
^^صديقاتي من المدرسة والجامعة^^
$SwEeT SoS$
سوس من صديقاتي المقربات جدا جدا احبها من اعماق اعماق قليبي غلاها كل يوم يزيد وانا تعجبني شخصيتها الي نادر ماتلقاها في بنت بهالزمن تعجبني اذا عصبت اقعد اضحك عليها وانا اعتبرها مثل امي:: ماما سوس << تذكرونها يابنات المدرسة .. دايما تنصحني وتوجهني ويعجبني فيها انها تخاف علي لاني انا وحده متهوره ومطفوقه وعلى نياتي وهي الي دايما تنبهني وتعلمني فيها حكمة الجدات وعطف الامهات وقرب الصديقات قلوا لي انلام اذ حبيت هالبنت؟؟
اذا قلت لها شكرا والا تشكريات << مثل ماتقولها هي مابتوفيها حقها
وماانسى انها هي الي ارمي بدلو مشاكلي مع ((....)) لها واكيد مايخلاش الحكي من نصايحها وانا اطيييير من الفرحة اذا شكت لي شي << مو عشان صار لها مشاكل لا لاني هذا يدل على اني قريبه منها انا اتمنى لها السعادة دايما
انا لو العالم بيحسدوني بيحسدوني على سوس وحتى الباقين مايهونون انا الحمدلله انحسد على الكل
%ThE LoVe AnGlE%
هذي خويتي الخبله هههههههههههههههه << اعرف امدح
لا بس انت اكيد تعرفين ليش قلت عنج خبله << ترا اسمك بالجوال كذا
هذي البنت بس يكفي لو تجبونها لي وتحطونها جنبي اي لان انا افرح واحس بالوناسة بمجرد وجودها بالمكان الي انا فيه ..
الي يشوفها من بعيد يقول عنها يييي وش هالمغرورة بس اقعدوا معها مثل ماانا اقعد معها والله انها سمن على عسل ياوااااااد بس هي مشكلتها تكش بالبداية من الناس الجدد بعدين لو قعدت معهم شوي تطلع شخصيتها الحلوة انا احبهااااااااااااااااااااا اكثر من الشكولاته وهي تشاركني طفولتي المحرومه كلنا نحب الانمي ودايما اعل قلبها اتصل (( انجل وش في ذا مايشتغل )) ادري اني علت العلل بس ذنبها انها صديقتي احب اشوف ضحكتها واحب سواليفها وتعليقاتها على احلامي الغبيه والمتهوره واحس اني لو بتكلم عن شي يخصني وابي راي احد برجع لها او لسوس ..
شخصيتها غريبه ودها تصير كبيرة وماودها
#BoSy#
ضحكتها كلام ثاني تنفع نغمة جوال شخصيتها مرحه بشكل كبير وحسااااااسه على طول تتاثر بالكلمة ويبان على وجهها الصدمة خاصه لما اجدع عليها كلمة ويبان على صوتها بس انا حماره مااعتذر لاني ابيها تبطل من حساسيتها الزايده اكثر يوم انقهر منها وودي ادعسها بالسيارة اذا غابت ليش عشان تبي تنام اكثر شي تحبه الكلام يعجبني في شخصيتها اخلاصها لصديقاتها ولكن نفسي تبطل تهورها الزااااااااايد وعدم تقديرها للعواقب ماانسى اليوم الي ارسلت لي فيه صينية ساندوشات تونه لبيت جدتي والله يا عليها خلطه للتونه لاتفوتكم
$DaLOo3a$
بس اتذكرها اضحك هذي صديقتي بالجامعة وهي الوحيدة الي من بنات الجامعة صداقتي لها صارت عميقه مطفشتها وعاله قلبها اكثر كلمه تقولها لي "" حسبي الله عليك "" او "" حسبي الله على عدوك "" بس اعلق عليها وهي تضحك والا العكس هي الي تعلق علي وانا اضحك << مجانين صح حياتنا بالجامعة كلها تعليق x تعليق البنت هذي دخلت قلبي بسرعة لصفاء شخصيتها وطيبتها << شفتوا فائدة الشخصية الصافية والشفافية بصراحة الجامعة بدونها عفن في عفن استانس على استفزازها وانا اموووت من الضحك اذا جيت الصبح ولقيتها مشمره عن ساعديها وبتكفخن ليش لاني ماضفيت كشتي على قولتها امنيتها في الحياة اني اجي ضافتن كشتي وحاطه مكياج ومتعدله يعجبني فيها سنعها وحبها لاخوها الصغيرون ..
خلت الجامعة لها طعم ثاني هي الي اشكي لها من بعض الاشياء الي تضايقني بالحياة اليوميه واقص لها كل الي يصير بالنت ..
احمد ربي اني طحت عليها من بد بنات الجامعة
هذولي البنات اقرب الصديقات لي لكن في صديقات غيرهم اكيد
المفضلات