هذا اول موضوع لي في المنتدى واتمنى من الجميع التفاعل مع الموضوع
وهو عن كايبا خصيصا
نبدا بالرواية واتمنى منكم الردود الحلوة يا حلوين
تعريف بالشخصيات الجديدة
الشخصية الاولى وهي بطلة القصة
الاسم:سكارليت دارتس رودس
العمر:17 سنة
لون الشعر:ابيض
لون العينين:ازرق
الصفات:سكارليت حبوبة عالاخر مرحة حيوية نشيطة واهم صفة فيها من يوم كانت صغيرة كانت متمردة بس لما يدوس احد لهاعلى طرف ما تعرف يما ارحميني فيها عناد تاخذ اللي تبي لو من تحت الارض عانت في ضغرها ما يكفي من المعانات لان امها توفيت لما كانت صغيرة بس من يوم ما توفت امها صارت تجيها كوابيس عن موت امها بس ما تخبر بيها احد ماعدا جاكسون نشوف من جاكسون هذا بعدين المهم سكارليت كان عندها اخو اسمه اكيتوس بس طرده ابوه بعد وفاة امهم مباشرة ومنعه من انه يتصل في سكارليت وسكارليت ما عارضت لانها كانت صغيرة وماتفهم بس لين الحين تعرف ان عندها اخو بس ما تدري ليش ما يزورها بس هي تدري ان ابوها مانعه منها وهي في سويسرا واخوها لما طرده ابوها راح للدمينو وعلى فكرة سكارليت فيها جمال الكون كله متجسد في بنت وحدة وهي من عائلة غنية ابوها ما تشوفه كثير وكان كل شغلها الشاغل مدرستها فلذا عرضت على ابوها انها تشتغل معاه وابوها ما كان عنده مانع لان سكارليت معروفة بذكائها ومكرها بالذات وكان يتوقع انها راح تدر عليه اموال بافكارها الرهيبة فلذا اقترحت انها تستلم احدى شركاته وتحولها الي شركه سيارات لان سكارليت احلى شي عندها في الحياة السيارات لدرجة ان اصدقائها صارو يعرفون اذا يبون يهدون لها هدية يجيبون لها سيارة <<<كذا الهداية ولا بلاش
المهم وهي اقترحت على ابوها انها تبني فندق كبير عالمي مشهور بس كان ابوها متردد لكن رغم انه ماهو واثق بالفكرة الا انه يقدر يعتمد عليها في التجارة وبالفعل بنت الفندق واللي كان في الردهه كازينو وشياء كثير واصبح هالفندق عالمي ومشهور وطبعا في شي نسيت اقوله لكم ان سكارليت كانت تستعمل اسم مزور في السوق التجاريي يعني ما احد يعرف من اللي يدير شركة السيارات او الفندق غير واحد اسمه الشبح واللي هو سكارليت استعملت هالاسم عشان تخفي شخصيتها اتوقع بكذا كفيت سكارليت حقها نروح الحين لجاكسون
الاسم : جاكسون ويلسون
العمر :18سنة
لون الشعر :بني
لون العينين:اخضر
الصفات:طبعا جاكسون مرح لابعد حدود يحب سكارليت حب غير طبيعي ويرعاها زي اخته من يوم هم صغار (حب اخوة)وهي تحبه زي اخوها بالظبط وهو اليد اليمنى لسكارليت وبئر اسرارها وكان لا صعب علي شي رجع لها وهي تدبر امورهالحين خلوني اقول لكم وش سالفتهم ابو سكارليت بعد ما طرد اكيتوس اخوها ما هدى له بال لانه طرد سند بنته وكان لازم يلاقي اي حل فلذا اخذ جاكسون وهو صغير من دار الايتام وكبروا الاثنين مع بعض وصار ابو سكارليت يعز جاكسون اكثر من بنته لكن سكارليت ما كانت تهتم لهذا الموضوع لانها كانت تظن ان جاكسون يستحق وكان ابو سكارليت ما يعاملها زين كان يعاملها زي اي موظف عنده ما عمره حسسها بحنان الابو من وفاة امها المهم الحين عرفتكم على سكارليت وحياتها
نجي للجزء الاول
كانت سكارليت زايرة الدمينو زيارة لصديق لها يشتغل مخرج وكانت بترجع في الليل
لما سلمت على صديقها المخرج في المطعم جلست تسولف هي وياه شوي الا ودق جوال المخرج على فكرة اسم المخرج طوني
طوني:عن اذنك سكارليت
سكارليت : لا عادي خذ راحتيك
طوني بعد ما رد:هاه وش قاعد تقول...انت من جدك...طيب الحين وش الحل لازم نلاقي بديل...بعد ما تنهد اوكي خلاص راح الاقي حل وقفل السماعة
سكارليت كانت مراقبه لكل اللي يصير
سكارليت:عسى ما شر وش السالفة
طوني:لا ما شر بس المذيع اللي كان بيقدم الحلقة اليوم انكسرت ذراعة
سكارليت:طيب ما في بديل عنه
طوني :للاسف لا
سكارليت :الله يعينك مشكلة صراحة
طوني:اي والله ...شوي الا ولمعت في راسه فكرة
طوني :سكارليت..ياجعلني فدوة لك انا اصلا اقول من لي غيـــ ..قاطعته سكارليت
سكارليت:اخلص وش تبي تطلب
طوني:هولازم اذا قلت اكون ابي اطلب شي
سكارليت طالعت في وجهه شوي:ايه لازم اخلص وش تبي
تكلم طوني بسرعة:ابيك تقديمين الحلقة اليوم
سكارليت :انت اكيد انجنيت
طوني :ليش عادي
سكارليت:عادي في عينك انت اكيد انجنيت في احد في هذا العالم يطلب من صاحبة شركة تقدم حلقة
طوني جلس يترجى سكارليت: سكارليت الله يخلك انتي الوحيدة اللي تقدر تنقذني تكفين تكفين وبعدين مشكلة الشهره لا تخافين ما احد راح يعرفك بنلبسك باروكة وعدسات وبنغير في شكلك بليييييييييييييز
سكارليت طالعت في وجهه شوي:افففف خلاص مو مشكلة بس هذي اخر خدمة اسويها لك
طوني : اوكي تسلمين
سكارليت:الا ما قلت لي من ضيف الحلقة اليوم
طوني كان متردد يقول لها:السيد سيتو كايبا
سكارليت عصبت:انت من جدك تدري اني اكره روؤساء الشركات خاصة اللي شايفين نفسم ما لقيت الا كايبا
طوني :اوكي عاد وش اسوي كذا حظك
سكارليت:كذا حظي هاه والل مالك الا من خلاك تقدم الحلقة بنفسك
طوني : لا خلاص امزح
وحركوا من المطعم وكل واحد ركب سيارته وراحو للاستوديو
انتهى البارت واتمنى يكون اعجبكم واذا كان في انتقادات انا بتقبلها
واخليكم مع الاسئله
وش تتوقعون موقف كايبا لما يشوف سكارليت؟
وش تتوقعون يصير في المقابله هل ستتم على خير ام لا؟
كل هذا راح تعرفونه في البارت القادم
المفضلات