السلام عليكم
أخواني هذي قصة حقيقية ليست خيالية
أنا بقولها بئختصار
و أنا في المدرسة أختبر طبعا
و أجي عند الوكيل يطبع لي أوراق الاختبار (الملخص عشان أذاكر)
و ألاقي المطر ينزل بغزارة
و أنتظر و أنتظر الورق تم الانتهاء منه
و أجي أطلع بره المدرسة و التوب حقي غرقان
و الاوراق غرقت قعدت أدور على السواق الين لقيه
طبعا الكلام هذا الساعة 11:30
طبعا كنت في حي الجامعه
وخرجت على شارع باخشب مع السواق حق جدي
طبعا قبل ما أقول على جدي بخيل
عنده مشاء الله فوق ال30 مليون مشاء الله
ولكنه جدا جدا بخيل
لاني راكب في سيارة جدي
وسيارة جدي واطية جدا
المهم ندخل على شارع باخشب الصراحة أنا مني قادر أوصف لكم
المويه وصلت لي الشباك أنا كنت حموت من الخوف
الموية تدخل من كل الجهات
ايش نسوي
طبعا في سيارات وقفت وفي وفي الخ...
وفي واحد رجال معاه gmc 2010
قلي أمشي ورايه
وطبعا عرفت انه نصراوي من العلامة الي حاطها
في السيارة من ورا وقلت في نفسي أنا نصراوي 4 ever
ما أدري ليش قلت كدا
والسواق حق جدي المصري يقلي متخفش يا بني
ومشينا طبعا المطر ما وقف
وقفنا شويه لقيت الساعه 2:30
أنا قاعد أستغفر و أدعي
كنت خايف لا أموت
ونمت شويه
وصحيت لقيت الساعه 4:00
مشينه وقاعدين نلف المنطقة لان كل شي مقفل
نحاول نوصل البيت محنا قادرين
المهم
ننتظر قدام ماجد للطيران و ننتظر
والسواق قاعد يدخن و أنا أنكتمت
مشينا الساعة 7:30 تقريبا
رحنا شارع خالد ابن الوليد
قعدنا فيه ساعتين
الموية دخلت السيارة من كل الجهات
ونلف ونرجع و وقفنا جمب محطة بنزين في البلد
طبعا في عمارتين طاحو في البلد و عمارة أنحرقت
وطريق المدينة مقفل
وطريق فلسطين فيه سيل
والطريق السريع في سيل
وفجأه يجي اتصال
من عمي قلي أنا قريب منكم دحين بجيك
جاني وبعدين طلعنا على كوبري الي جمب محمود سعيد و ننتظر مع أقربائي
وننتظر
بعدين أنا نمت طبعا كانت الساعة 11:00
مشينه رحنا شارع خالد ابن الوليد تاني
وقععدنا لي الساعة 2:00
كان في هلكبترات
و عمليات انقاذ
ونمت اني
وصحيت لقيت نفسي في البيت الساعة 6:00 الصبح
يعني 24 ساعة في الطريق
الله يعين أهل جدة
من غدر السيول
و شكرا
اضافة رد مع اقتباس
المفضلات