~ ♥ 彡 تــ ., ـو آقـ ., ـقِيـ . ✿ , ـعـي 彡 ♥ ~

[~ذكريات~]

شسوي بصيغة بنج .. الخلفية بالرفع طآلعة
برفع بموقع ثآني

[~ذكريات~]

الله يسآمحهآ هيكآري ., ملاك مآ لهآ دخل بموضوعهآ

[~ذكريات~]

من زمان ما كتبت بهالمربع شي ..
عندي كلام واايد و دي أقوله ..
إكتشفت هالمنتدى لما كنت أدور على صور أنمي .. شفت منتديات وايد .. بس هالمنتدى كان غير ..
تعلمت شلون أشترك .. و أول منتدى إشتركت فيه كان هالمنتدى .. و كانت فرحتي كبيييييييييرة ..
من 2005 إلى 2010 خمس سنين ..
كنت وايد متحمسه أنزل مواضيع و أشارك و أحط تعليقات ... إلخ
بس ألحين أنا متحسفه على كل دقيقه مرت لي في المنتدى ..
محد بيفدني في النهاية .. كنت وايد أسمع هالكلمات .. و كنت أسوي لها طاف .. بالكويتي..
بس بصراحة أنا مقتنعة فيها ألحين أكثر من أي وقت مضى ..
فكروا فيها ..
تتعب تحط مواضيع وتصير مميز و بعدين مراقب لي مشرف لي نائب بعدين إداري سابق شنو إستفدت ..؟؟
كل إلي بس سوونه تصميم صغير يسمونه وسام يحطونه بملفك .. و يكتبون عليه إداري مميز .. و ينتظرونك تحيهم و تشكرهم ..
هذا رأيي الشخصي .. إلا إذا المنتدى بعد يمنع الأراء الشخصية ..
لا تقولولي صداقات هذا موضوع ثاني .. و أنت شدراك إلي تحاجيه بنت و إلا ولد .. إحلف على القرآن إذا كنت صاج .. و ما راح تحلف !!
كانت عندي صداقات وايد بس كنت دايما أشك فيهم مع إحترامي لهم .. بس شنو إيأكدلي بأنهم بنات ؟؟
.. تعرفت على أعضاء كثيرين .. و قلة منهم كنت أراسلهم و أحاجيهم .. و أغلبهم صداقة مصالح .. من إلي يقولون إنتي مصممة بارعة تقدرين تصمميلي .. و بس تقولين حاضرة تدزلج طلب الصداقة قبل صورة التصميم .. و كنت أنتظرها تتحجى معاي .. المشكلة إنها ما تعرف غير تقدرين تصمميلي .. شني أشتغل عند أبوها .. و لما أقول لها لا تحمق .. أتذكر و حدة طلبت مني أصغر لها صورة صغيرة أصلا .. شوفوا الطلب .. ممكن إذا أنا صغرته لها يطلع كبير .. ما أدري شايفتني .. مع إحترامي لها ..
نبتعد عن هالموضوع ..
أنا كتبت هالكلام و أنا نادمة إني إشتركت هني .. أتمنى إني أقدر أمسح عضويتي من وجود المنتدى كله ..
ما ادري شنو مستفيده .. غير مضيعت الوقت .. و نصيحة من القلب ..
خلوا عنكم المنتدى و جابلوا دراستكم .. باجر إذا تخرجتوا بمعدل ضعيف ..
حتى حفارين قبور ما يبونكم ..
فكروا بمستقبلكم .. إذا بتشاركون بالمنتدى على راحتكم بس فكروا بدراستكم قبل لا تندمون
و المنتدى لا حقين عليه ما راح يطير .. إلا إذا مركبيله جنحان يعني ..
ودي ألحين أمسح إسمي و عضويتي و مواضيعي و كل شي لي إهني ..
ألحين مسحت قائمة الصداقة و بعدها المرفقات ..

و أتمنى إلي يقرا رسالتي يقول :

سبحان الله . الله أكبر . لا حولا و لا قوة إلا بالله .
أستغفر الله الذي لا إله إلا هو و أتوب إليه
سبحان الله و بحمده . سبحان الله العظيم

ممكن أكسب فيكم أجر ..

و السلام عليكم ..