تأكد פـبڪ لآخر مآترۆפ الرۆפ ♥♥

[virona]

التكملة يا حلووو

i'am sorry
ok

[virona]

تابع الفصل الرابع
.
.

عبد الله صرخ : هتاان لاااااااااااااا ! "."
صوت الصرخه وصل عند البنات
واولهم انفال اللي قالت : يمه بناااات شفيه عبد الله يصرخ
لين : خلينا نروح نشوفهم
رجعووو بسرعه
وطبعا عبد الله لحق يسحب هتان بسرعه في اللحظه المناسبه
وهي من خوفها غمضت عينها واستسلمت عشاان اغمى عليها
عبد الله توهق لانها طايحه بحضنه
رفعها وحطها بالسياره وتوه بيلف الا انفال والبنات وراه
انفال صرخت عليه : شفييييها صديقتي انت شسويت فيها
عبد الله انخبص : كانت بتصدمها سياره وانا رفعتها عن الشارع بس شكله اغمى عليها من الخوف
لين : اغمى عليها من الخوف ياااي نعوومه
ساره بعربجيتها المعتاده : انتي هيييه ايش ياي ومدري وشوووو البنت مغمى عليها ماتشوفين مع وجهك
لين : يوووه بس كنت اقول انها نعومه يعني
ساره : مالت عليتس يا الشينه
لين ضحكت : يععع مايليق عليك تحكي قصيمي خربتي ام اللهجه
وراحو عند هتان اللي كانت انفال تحاول تشيلها بدون فايده
هتان كانت خفيفه بس عشان انفال نفسها خفيفه ومافيها قوه ماقدرت:/
عبد الله قرب وتوه بيشيل هتان الا انفال تصرخ عليه : انت بعععد عنها ياامعفن
عبد الله تنهد وابتعد عنهم شوي
ساره وانفال شالو هتان من السياره ولين وقفت تاكسي
والبنات طيراان على اقرب مستشفى
.
.

مالك كان توه مخلص الفصل الثالث في الروايه اللي يقراها
بس ماحس انه مندمج مع الاحداث
سكر الروايه وحطها على الرف
كان فيه شي شاغل باله من فتره
كان يفكر بهتان وتصرفها الغريب
لما كلمها قبل فتره وطلعت بدون ماتنتظره يودعها
قال في نفسه : هتان فيها شي
لايكووون بس ....
واعترف انه يمكن يكون مثلها
لكن رجع فكر وضحك على نفسه : ايييش السخافه هاذي كبرنا على هالحركات
قام دق على اصدقائه وطلع معاهم

.
.

عبد الله كان يراقب التاكسي اللي ركبوه البنات
وهو ناوي يلحقهم عشان يتطمن على حالة هتان
بس فجأه رن جواله
كان رقم زياد
عبد الله: آلوو زياد
زياد وصوته متغير : هلا والله عبيد
عبد الله : اخبارك واخبار احمد ؟ الا بشر انت وهالبزر تصالحتو ولا بعدكم؟
زياد : انا بخيير بس احمد ..
عبد الله : بس اييش ؟ احمد ايش فيه ؟
زياد : احمد سوا حادث قبل امس وصار عنده تشوه مرره كبير في وجهه
عبد الله انصدم : يووووووه طيب وكيفه هو الحين ؟
زياد : والله باقي شوي وينجن علينا الدكتور يقول وجهه انحرق مابقى فييه شي غير عيونه حتى شعره راح
عبد الله : لاحول ولا قوة الا بالله طيب انا جايكم بكرى
زياد : باقي بالبحرين اليوم يعني ؟
عبد الله : ايوه
زياد : طيب مع السلامه
عبد الله : مع السلامه

على السرير الابيض في الغرفه اللي ريحتها ادويه وعقاقير
كان احمد قاعد على السرير
يفكر بينه وبين نفسه لييش تشوه وباقي عايش
ليش مامات وارتااح بدل مايعيش مشوه عمره الباقي
وفجأه قعد يصرخ : طلعووووني من هنا
طلعوووني ابغى اطلع انا ما احب القعده انااا موو حرمه عشان اقعد
ويين النيرس طلعيني يا هبله
دخلو عليه 3 ممرضات وبالقوه مسكوه 2 منهم
والثالثه عطته ابره مهدئه
وكانت هاي حال احمد كل يووم
عشان عنده انهيار عصبي لانه للحين ماتعود على وضعه الجديد

.
.

وفي مكان ثاني
ورا اسوار مستشفى ابن النفيس الطبي <
كانت الدكتوره تطمن البنات على حالة هتان واستقرارها
كان عندها اغماء خفيف من الخوف وحالتها تستغرق نص ساعه وتقوم من اغماءها
ولما راحت
كانت انفال تشوف ورقة الوصفه
وفجأه صرخت : بناااااات بنااات
ساره ولين : ايييييش فيك ؟؟!
انفال : بكرى عيد مييلاد هتان يابنات
ساره : معقووول
لين : واحنا لساتنا ندري
انفال : طالعوو احنا لازم وحده منا تقعد معاها والباقي يروحون يشترون لها هديه
مو حلوه بحقنا وهي صديقتنا مانذكر عيد ميلادها ولو هاي هتون مو آي وحده بعد
ساره بسرعه : انا بجلس معاها وانتي ولين روحو سوا
لين : طيب مشينا يا انفال
انفال : يلاه بس تكفين سوير لو قعدت حاولي تغفلينها بأي شي
ساره : لاتوصي حريص
وطلعو لين وانفال من المستشفى وتوها لين بتوقف تاكسي
الا انفال تقول : خليني ادق على كايل من فتره ماكلمته يمكن يوصلنا
لين : طيب
دقت انفال على كايل رد عليها من ثاني رنه
( كلامهم بالانج بس انا مسويه فنتكه بكتبه لكم بالعربيه الفصحى )
كايل : مرحبا انفال
انفال: اهلا كايل كيف حالك
كايل : كيف لا اكون بخير وقد سمعتَ صوتك
انفال تنهدت : ههههههههه شكرا على اطرائك اذاً كايل هل لي بخدمه؟
كايل : بالطبع تفضلي
انفال: اريدك ان تأخذني للسوق انا وصديقتي لين فغداً عيد ميلاد صديقتي هتان ونود شراء هديةٍ لها
كايل: حسنا انا قادم الآن لكن اين انتِ ؟
انفال : في مستشفى ابن النفيس
كايل: حسنا الى اللقاء
انفال: إلى اللقاء

وقعدت على الكراسي قدام المستشفى هي ولين ينتظرون كايل
.
.

يتبع بعد الردود

[ᴆ α ℓ α ᶚ]

انفال : في مستشفى ابن النفيس

أحلى شئ

حلٌو البآآرت ,, امآ مآآلك ,, مسكين أستخفً أحسه
و زيآد والله مذًكرنيُ بأحد ,, بسً مآدري منُ << حلفًي
هتآآن النعوُمهً فديتهآ ,, بس لآ تسويُ اشيآء خطيُرة

يلآآآآآه كمُلي البآآآرت يآ دوبآآ ,,
بالأنتًظآآرَ

[● Yunetta ●]

تسلمي عالبااارت

وننتظر الباقي

[virona]

أحلى شئ

حلٌو البآآرت ,, امآ مآآلك ,, مسكين أستخفً أحسه
و زيآد والله مذًكرنيُ بأحد ,, بسً مآدري منُ << حلفًي
هتآآن النعوُمهً فديتهآ ,, بس لآ تسويُ اشيآء خطيُرة

يلآآآآآه كمُلي البآآآرت يآ دوبآآ ,,
بالأنتًظآآرَ

xD
اييه مسكين
ههههههههههههه ان شاء الله مو اللي فـ بآلي
ايه طل
يصير خير

[virona]

تسلمي عالبااارت

وننتظر الباقي

الله يسلمج يويو

[virona]

♥ الفصل الخامس ♥

.
.


فتحت عينها تبي تعرف هي في ويين
ناظرت السقف ورجعت لفت وجهها على جنب شافت الباب
سحبت نفس طويييل وقامت من على السرير
توها بتلمس قبضة الباب بس وقفت لماحست ان فيه احد بيدخل
كانت ساره
اللي يوم شافتها واقفه قالت : هتوووون!
الله يهديييك لييش قايمه لحالك كنتي ناديتيني او ناديتي الممرضه تساعدك
تعالي اقعدي الحين مو وقته تسوين فيها شهيييده
هتان ابتسمت بألم وماحاولت تقاوم ساره وقعدت معاها على الكراسي
كانت ساره تقول لها عن كلام انفال عنها وتحاول انها تصفي النفوس
عشان ماتبي صديقاتها يكونون متزاعلات او يصير بينهم حقد ولا كره مهما كان بسيط
بس هتان كان بالها في مكان ثاني
كانت تفكر في مااالك ماتعرف لييش بس تحس انها تبي تفكر فيه
من فتره ماكلمته وتحس انها مو عارفه تسوي شي لو ماكلمته الحين
طبعا وهي تفكر مالاحظت ان افكارها مسموعه للي قاعده جنبها وهي ساره
كانت مفهيه وتقول بصوت شبه مسموع : يعني انا احبه ؟ معقوله انا حبيتك بهالفتره القصيره يامالك !؟؟
ساره سمعتها بس سوت انها ماسمعتها
وصفقت بيدها وقالت : هلووووووو ؟؟ هتون انتي معاااي ولا كيف يعني ؟
صارلي ساعه اكلم حالي مثلا ؟
هتان وعت لنفسها من تصفيقة ساره ولفت عليها تناظرها بإهتمام
: ايييه ايييه معااج بس كنت افكر...
ساره : واييش اللي تفكري فييه ؟
هتان: سوييير انا فيه شي ابي اتأكد منه بس مو عارفه شلون
ساره قلبها بدأ يدق بقوه لانها خااافت هتاان تكون حبت مالك فعلا
كفاها اللي صار بينها وبين صديقتها هيفاء اللي انتهت صداقتهم عشان الشي المشترك اللي كان يجمعهم وهو حب مالك!!!
وقعدت تتذكر اللي صار قبل كم شهر لما كانت في السعوديه
( هيفاء : سوسووو تعرفييي انا رايقلي مالك ذاا
ساره : جدددد هيووف والله حتى انا
هيفاء بمزح : آممم طيب لو صار وشبكت معاااه راح تزعلي مني مو ؟
ساره كانت خجوله ومتحفظه لأبعد الحدود ماقدرت تبين غيرتها قدام صديقتها ولاحتى انها راح تهتم لو صار بينها وبين مالك شي فـ قالت : هاااه لا لاااعادي هو حر بإختياره يختي
وبعد كم اسبوع دقت هيفاء على ساره وخبرتها انها ومالك خلاص صارو حبايب رسمي
بمعنى آخر هيفاء قدرت تشبكه
ساره انصدمت وقعدت تصيح وتصيييح بس مابينت هالشي لـ صديقتها
حاولت تخلي مشاعرها بارده ومسكت نفسها قدام هيفاء
طبعا عشان مالك وساره اصدقاء من فتره
كاان لازم يخبرها انه مشبك بنت الحين ويعني عااشق نفس مايقولون
ارسل لها رساله في المنتدى بكل عفويه يبي يشوف رايها بإعتبارها صديقه
اما ساره فكانت حالتها ماتنوصف بالكلاام :/
تحاملت على نفسها عشان مالك ما اختارها هي اختار صديقتها والحين هو وصديقتها حبايب وهي بعدها تحبه وفي النهايه هو صح ماكان يدري عن مشاعرها تجاهه لكن يرسل لها رساله يخبرها انه مشبك صديقتها؟؟ هالشي اللي ماقدرت ولا بتقدر تستحمله
كانت مقابله لابتوبها وعيونها على الرساله
تقرا ودموعها على خدها ومو عارفه شلون ترد عليييه
بدووون وعي منها وفي لحظة تهوور قالت له عن مشاعرها تجاهه
مشاعرها اللي صار لها فتره مكتومه ومتحمله
طبعا هيفاء زعلت من ساره واعتبرتها خاينه
ومن بعد هالرساله انتهى كل شي بين ساره وهيفاء =(
بس ساره ومالك باقي اصدقاء وكأن شي ماكان
لكن ساره طبعا باقي تحبه.... )
هتان صرخت: هييييه سوير ويهد اكلم روحي انا
ساره نقزت : وجع ان شاء الله خرعتيني اييش في ؟
هتان حست انها مست وتر حساس في ساره من يوم طرت سيرة مالك على لسانها
قالت في نفسها : والله لاقتل حبي له في المهد عشانج
ابتسمت وناظرت صديقتها مره ثانيه : سوير الحين انا بخير والحمد لله مافيني شي
يصير نطلع نتمشى انا مستاااااااانسه
ساره استغربت : ااا..او..اوكيه !
هتان وهي تقوم : الا وين باقي البنات؟؟
سوير توهقت : هااه اييي ايي هاذي خالة لينوو وزوجها توهم واصلين البحرين في المطار عاد اهلها كلن مشغول بشغله وانفال راحت مع لين عشان يستقبلوونهم
هتان رافعه حاجب : اهااا انزييين يلاه مشينا
ساره وهي تضحك : نزلي حاجبك لاترفعييه شكلك يطلع كأنك رئيسة عصابه
هتان : انااا ؟ هييين اللحين اوريج رئيسة العصابه شتسوي
وقامت ساره تركض بسرعه في المستشفى طالعه من الباب الرئيسي
وهتان تلحقها
فجأه صقعت بوحده وطاحت عليها < هالبنت ماتستحي دايما طايحه بأحضان خلق الله
حطت يدها على راسها وقامت وهي معصبه : انتييي هيييه ماتشوفين وعمى بعينج ان شااء الله اكثر مما انتي عميه
كان شكل البنت لايق على حفله ولا طلعة مول اكثر مما هو لايق على وحده مريضه ولا وحده تزور مريضه مثلا
كانت لابسه برمودا اسود لين الركبه وتيشيرت بيضاء عليها رسمات جماجم باللون الاسود
وفاكه شعرها وحاطه عليه نظارتها اللي واضح انها ماركه
وحاطه كحل بعينها وشوية ميك اب خفيف وماسكرا يشبه اللي تحطه هتان احيانا
مع شوية اكسسوارات باللون الابيض والاسود على يدها وسلاسل بأطوال مختلفه
كان شكلها كأنها مغنية رووك مع الحلق اللي حاطته على حاجبها اليسار
عكس هتاان اللي كانت لابسه ليقينز ابيض مع فستان برتقالي يفقع العيين ورافعه شعرها الطويل بشكل خلاها تطلع في قمة البراءه
وتوها البنت كانت بتتكلم الا هتان صرخت : مرررررررررررام !!!!

.
.

في السيتي سنتر
كانو البنات في محلات الحواج لانهم بعد تفكير قررو يشترون لـ هتان عطر لآكوست
لانها قالت قبل فتره انها تمللت من اسكادا وتبي تغير
اما كايل ماقدر يوصل البنات لان سيارته تعطلت فجأه
كانو توهم داخلين المحل و انفال توها نادت الموظف, قالت له اسم العطر وحجم العلبه المطلوبه
كان الموظف وسيم حبتين لابس بدلة سوداء والقميص مفتوح من فوق
وكااان كفاايه طوله اللي خلا لين تذووب في مكانها
انفال: لينووو ويعه ان شاء الله خزيتي الريااال خز استحي شوووي ترا الحيا نعمه
لين كانت ذاايبه : نووووفي شوووفيه يهبل يمه من طووله
الموظف مد يده لانفال بالعلبه
ولين كل شوي تلف عنه وترجع تناااظره
الموظف فجأه ناظر ليين بعديين غمز لها ورمى عليها ورقه
انفال مالاحظت لانها كانت مشغوله تشوف حجم العلبه
اما لين فتحت عينها ورفعت حااجب
معقووله يكون لاحظ انها تشوفه كل هالوقت ؟ بس هاذا رمى عليها ورقه ؟
قالت في نفسها : صحيييح انه يهبل ولحس مخي بس لااااااااا عااد الى هنا وستوب
لين وساره كانو يلبسون العبايه لما يروحون المدرسه بس في طلعاتهم العاديه لا
كانت لين لابسه جينز اسود وتيشيرت ازرق يعكس بياض بشرتها مع شعرها الاشقر الثلجي طااالعه واااو
اما انفال فكان ستايلها قريب من الـ EMO كانت لابسه تيشيرت سوداااء كامل وعليها علامة اكس بالابيض وتنوره سوداء قصيره وتحتها ( شراب طويل ) على قولتكم
ومثل البنت اللي صقعتها هتان في المستشفى كانت انفال حاطه سلاسل واكسسوارات بأحجام مختلفه والوان متعدده وكفايه قصة شعرها اللي كانت تغطي عينها اليسااار تطيح الطير من السماء xD
صرخت لين: اييش قلة الذووق هاذي!!


.
.

وتوها البنت كانت بتتكلم الا هتان صرخت : مرررررررررررام !!!!
وقفت البنت تنفض ثيابها وهي عارفه صاحبة الصووت زين
على طول البنتيين ركضو وحضنو بعض هذيك الحضنه اللي خلت ساره تفقع ضحك عليهم
: استحوو انتي وياها اييش الحركات الخكريه هاااذي قال اييش قال تحضني وجع انتي وياها ماشبعتو من بعض
هتان وهي توها فاكه البنت : ليييش ماقلتي انج رجعتي ؟
البنت : كنت حابه اسويها مفاجأه
هتان : اهاااااااا
سوير وصمه هاااي مرمر الهبله ماعرفتيها ؟
ساره بسرعه : الااا الاااا
وراحت بسرعه تسلم عليها
( مرام كانت صديقة هتان منذ الطفووله بس كانت مسافره المانيا تتعالج لانها مريضه بالقلب)
مرام : عيل شتسوين في المستشفى هتووون؟
هتان : ماااسوي شي كنا نلعب انا وسوير
المهم الحمد لله على سلامتج ياحمااااره ووووو شسمه ..
ياربي نسيت شنو كنت بقول
ساره : اييه اكيد تبغي تقولي ومتى موعد عملية الليزر ؟
هتان : ايييه مالت عليج يا الساحره شلون عرفتي
ساره : بعد خبررره
مرام : ههههههه بعد اسبوعين ان شاء الله
ساره: اهااا
طيب بنات خلونا نروح الصيدليه عشان ناخذ الادويه المكتوبه في ورقة الوصفه
هتان ومرام : يلااااه

.
.
عبد الله كان في الفندق وتوه رافع السماعه بيدق على هتان يشوف حالتها
دق عليها مره وماردت
رجع مره ثانيه ورددت
هتان : انت شتبي تراااك لوعت جبدي اقوول لاتدق على رقمي مره ثانيه لا افقع عيوونك
انسااني انسى وحده اسمها هتان وانسى هالرقم اوكيه ؟ باي
وسكرته
عبد الله انصدم من حركتها
بس قال في نفسه : طيب ياهتان تبغيني اجيبك بالعافيه يعني؟ طيب بجيبك
وما اكون ولد ابوي ان ماخليتك تبوسين رجولي...

.
.

يتبع بعد الردود

[$@TU PAC@$]

آول وآحد يقرآآه

[ᴆ α ℓ α ᶚ]

أفآآ انا مو الأولى تبآ

حجزُ

( مرام كانت صديقة هتان منذ الطفووله بس كانت مسافره المانيا تتعالج لانها مريضه بالقلب)

حرآآآآآآآآآآآآآآآآآآآآآآآآآآآآآآآآآآآآم و قسمُ حرآآآآم ,,
بآقولُ حقً بعضً النآآس الحينُ

بس حلو ستآآيلهآ صآآرحه
آآآآي آآي عفيُه رآآآوي عبدالله

يلآآه ننتظرُ التكملًه

[● Yunetta ●]

هيي فيروووه حمستيني على راعي المحل

جلست اتخيله لين دخت >>>

ننتظر التكملة

[ᴆ α ℓ α ᶚ]

أول شئ متُى نآآويه تكمليينُ

ثآني الشئ ,, اللي تونيُ لآآحظتهُ

كان شكلها كأنها مغنية رووك مع الحلق اللي حاطته على حاجبها اليسار

خيرُ أن شآآآء الله ,, هذًي غلطُ ,, نوُ ويُ يآآ بنتُ
مآآفيُ عيبُ مآ أأرضى
مآآآآفيُ ترى أقتلٌ يوُ

عقلُي و لآ تزيُدينهآ و لآ تطيحينُ على خلقُ الله ُ << كٌف

[virona]

آيم سوري قايز
معليش مشغوله حبتين

برب ولي رجعه بعد العيد ق1