السلام عليكم و رحمه الله و بركاته
و اخيراً قررت حبداء اتعلم الرسم
و اتمنى اجد مكاني بين مُبدعي الرسم
صراحه من زمان نفسي اعرف ارسم لكن رسمي + خطي شي اليم
فـ قررت بعد ما قراءه وحده كاتبه ع التويتر جلست ٣ سنوات ووصلت لمستوى مانجكا مشاء الله
@dee_juusan هذا حساب التويتر حقها للي يبغ يشوف مستواها
هذي احد رسوماتها مستوها مشاء الله عليها فـ قررت انه خلاص لازم اتعلم
فـ حبداء من الان اشتغل ع نفسي و بحط كل يوم رسمه رسمتها "يعني يوم يومين اكون مشغوله XD"
بإذن الله لين ما اوصل للمستوى إلي ابغاه
+
حضيف المراجع او الكتب الي جالسه استخدمها في التعليم بإذن الله
و بإذن الله حيكون لكل شهر موضوع ابتداء من اليوم بنسبه للايام الي فاتت حكتب التاريخ على الرد
هذا الموضوع حيكون للتعليقات و التطبيقات يكون في موضوع الشهر
مم بصراحه ما عرفت إذا مفروض احط الموضوع في قسم الدروس او القسم العام ؟؟
لانه مو دروس تماماً هو ٢ في واحد انا حطبق و اضيف المراجع و البقيه يطبقوا إذا حبوا ^^
ملاحظه مهمه بنسبه لحكم الرسم:
الرسم الي يجوز هو انه يكون اما للاطفال فيه ولتعليمهم "القصص المصوره للاطفال"
او انه يكون الراس بدون الجسم او الجسم بدون الرأس
او ملامح الوجه غير واضحه
فـ غير كذا انا ابراء إلى الله
و الله اعلم لكن هذا الي بحثت عنه ولقيت حكمه من مواقع فتاوى
ممكن تدوروا بحثت من فتره فـ الي يحب يبحث و يتأكد بنفسه
لانه القضية طويلة ^^
المفضلات