السلام عليكم و رحمة الله و بركاته ..
يا هلا بالنآس الرايئة اللي فآضية ليآ في هالظهرية يسعدلي جوكم>
سويت صور هالموضوع من جلسة وحدة بما أنه حدث الأمر على سرير أختي و بدون علمها
و في هالموضوع بوريكم الفرق بين تصوير الجوآل و تصوير الكاميرآ
عشآن اللي بيجي و يقول لا أنا عندي جوآل ما أقدر أصور بأمسك هيدر الموضوع البشع ذا و أخنقه فيه
نبدأ بسم الله الرحمن الرحيم ..
ما قبل التصوير
شغلوا كل الأضواء اللي في الغرفة ، و لو كان الوقت صباح أو ظهرية زي حالتي xD افتحوا الشبآك كمان ..
أهم حآجة شبابيك البنآت تكون أراك و لا ترآني- مظللة - ما نبغى مشآكل من الآباء
و جيبوا لكم قاعدة تحطوا عليها الأشياء ، سواءً فلين قماش أو حتى أبلكاش مدري شتسمونها
أنا كانت فيه أبلكاشة بابا مدري أخويا جايبينها لبعض الأعمال و أخذتها برضوا بدون محد يدري صورت عليها و رجعتها
و تحتآجوا أغراض تصورونها أكيدو عآكس للضوء لو ما عندكم عآكس طريقة عمله جدًا بسيطة
طريقة عمل العاكس
تجيبوا قصدير و فلين أو كرتون شي مسطح بالنسبة لي ما كان عندي إلا غطاء وحدة من العلب زي ما انتوا شايفين ، و غلفتها بالقصدير
الأغراض
رصيت القرمبع حقي - أغراضي - xD ، و طبعًا زي ما تلاحظوا يجمعها إنها بتدرجات من الأصفر للبني و فيه ذهبي شويية
و في النص لازم يكون فيه عنصر أساسي و الأغراض حوله زي تكملة عدد مدري كيف أوصفها بس يظل العنصر اللي في النص هوه البارز و ترصوا حولينه الأشياء
الألوان تآخذوها من العنصر الأساسي و بالنسبة للخوآتم و الأغراض المنشورة هذي عشان تولّف بين أجزاء الصورة ..
و فيه بعض الأغراض كررتها بين جزئي الصورة عشآن تسآوي بين الجزأين تقريبًا و ما يظهر إنفصال بين جزأي الصورة
التقاط الصورة
العاكس الجميل حقنآ نحطه في جهة الظلال في الصورة لما تحسوا إنو الظلال اختفت أو صارت جدًا خفيفة
فهذي هيه الزاوية الصحيحة للعاكس و بما أني استخدمت غطاء علبة فعشآن أوقفه حطيت على طرفه كاميرا قديمة و كريم للوجه
و صارت العناصر مرتبة و جنبها العاكس موقفته على أحد الجهات عشان يقلل أو يخفي الظلال حقت العنآصر
كل اللي يبغالكم اللحين إنو تمسكوا الكاميرا / الجوال بزاوية عامودية 90 درجة على العناصر و تلتقطوها
التقطوا أكثر من صورة عشان تقارنوا بينهم آيت أحسن زاوية عآمودية
النتيجة
هذول النتايج إحدى النتيجتين بالكاميرا و الأخرى بالجوال ..
هآه آيت اللي بالجوآل و آيت اللي بالكاميرآ ؟ و آيت فيهم أحسن؟
و أشوف اللي بالجوآل أجمل لأنو الكاميرآ ثقيلة شوية و صعب تزبط بوضع عامودي لكن الجوآل أسهل ..
و أغلب اللي بيسووا هالفن يصوروا بالآيفون أو أيًا كان نوع الجوآل
و عشآن محد يسأل آيش نوع جوآلك ترى هوه galaxy note 4 قديم و رآحت موضته
حتى فوتوشوب ما يعتبره كاميرآ xD بس مع التعديل على الصور كل شي صآر ممكن
و طبعًا شُكرًا لـ عاشق التحدي على فكرة العاكس بالفعل تخلصت من الظلال المزعجة في الصورة
و أنتظر تطبيقاتكم ترى وريتكم التطبيق بالجوآل عشآن أشوف تطبيق الكل
اضافة رد مع اقتباس
المفضلات