يعطيك العافيه اختي الورده الجوريه
ابصراحه شريت الكارد وماازان معي ماادري شسالفته بس ان شاء الله احاول ازينه او اخذ كورس منكم او من النت
المهم اني صورت ليزا للي يحبون ليزا
هذي من الفيلم الاستعراضي "" مولد نجمه"" بطولة ليزا واحمد بدير ترا الفيلم يجنن حق الاطفال طبعا واللي كانوا اطفال عشان مايزعلون
ماتلاحظو ن ليزا في بلسانها شي ماتنطق حرف الرا صح
طبعا هالسلسال اللي على شكل كف هذا حقي يوم اني صغيره اسألوني ليش حطيتيه ؟ عشان كان كل البنات عندهن ايام العيد نتكشخ بالذهب حركات والله
اما الثانيه اول ماطلعت اغنية رهيب تذكرون خذت جو تذكرون الفيديو كليب يوم عبد المجيد معه كاميرا فيديو وحركات ماادري الظاهر كان التصوير بلندن ومعه اثنين من ربعه نسيت والله
هالعلك الين الحين يبيعونه والكاوكاو اللي جنبه كنا نشتريه من واحد يبيع نقوله الراعي ايام زمان يدور على البيوت
هذا بسكوت بو تمره اكيد تعرفونه وجنبه البسكوت حق الباندا والعلك هذا مااعرف اسمه ابصراحه يمكن كنا نقوله مشاكس او ميكي ماوس
هذا الالبومات حق الستيكرز ياكثر ماعندي من الستكيرز يمكن النت مايكفي عشان اصورها
اما هالستكر اللي على شكل بنت تتكلم بالتليفون ترى قديمه حييييييل هي تكون بارزه شوي كن فيها قطن من تحت او شي يعني مو مثل الستيكرز اللي الحين ومن فوق مثل البلاستيك واللي جنبه دفتر عندي مرسوم عليه السنافر تصدقون اني كاتبه فيه الناس اللي احبهم واللي اكرهم والين الحين نظرتي ماتغيرت لهم سبحان الله وفيه اللي تغير للأسوء بس مااحد تغير للأفضل
اما الاستكيرز اللي في الالبوم هي كابتين ماجد والنمر المقنع والغريب ان صور الستكيرز اللي انتوا شايفنه انه كابتين ماجد اصلا هو نصه كابتين ماجد ونصه رابح شلون مدري بس موب واضحه في التصوير
هذي حقت زينة الشعر كلنا حطيناها في شعورنا يوم كنا صغيرات اللي لونها وردي حقتي زمان "" الونها ازين من الجديده صح ""بس الثانيه حقت اختي الصغيره تعرفون حنا اهلي لازم كل وحده تشتري مثل اللي شرته اختها بس بشكل جديد والمصيبه الموضه تطاوعهم وتنزلهم اشيا مثل اللي كانت عندي
هذي بروشات عمر ذياب ومصطفى قبل ماايستشور شعره هههههههه وابصراحه سيلر موون هذي مااكنت اعرف اسمها اناديها ام شعر اصفر والبروش اللي جنبها انا شاكه انها رانزي واللي جنبها الخبل سمبسون وعندي وحده ثانيه مع اهله
وانشاء الله اشوفكم قريب
المفضلات