^
أعتقد فكرة توصيات الكتب والروايات في هالموضوع باءت بالفشل تماماً
والسبب ببساطة : اختلاف الاذواق
كنت أسولف ويا أحد الاصدقاء عن الروايات اللي قريتها وحاولت نصحه ببعض الروايات اللي أبهرتني جداً لكن ذوقه كان مختلف تماماً عن ذوقي فهو يحب الواقعي والسياسي بينما أنا أميل للخيال
واقتنعت بعد عدة محاولات إن ما تقدر تفرض على الناس الذوق اللي أنت تفضله في الكتب
كل كتاب له ظروفه وأجواءه ولحظته المناسبة اللي إذا قريتها فيها راح يخلّد في ذاكرتك
لو كنت أدري قبل ما أقرا "موت صغير" إني بقرا كتاب عن الصوفية يمكن ما كنت راح أقراه
ونفس الشي مع "الساعة الخامسة والعشرون"
نعم أدري إنه صعب إنك تكتم في نفسك الرغبة في مشاركة كتبك المفضلة ، لكن أضمنلك إنه لمصلحة الاخرين
إيجادك بنفسك لكتاب عظيم راح يمنحك شعور لا يوصف
كتابك الخاص بك وطريقك الخاص بك
،،
عبدالله المغلوث قريتله كخة يا بابا قبل مدة طويلة ولا زالت قصة "أتعس فتاة في الدمام" تؤثر فيني إلى هذه اللحظة ، استشهدت كثيراً بالقصة لتدعيم رأيي
أما "لأنك الله" ما أدري ليش نهائياً ما عندي الرغبة إني أقراه ، أحسه بسيط جداً ويشرح شي مفهوم للعامة ( أسماء الله الحسنى )
المفضلات