اهلا اخوي صافي مشكور جدا على ردك الجميل
بس كيمي كلاس صحيح انه كان بتسير فيه معاكسات وهل كان طعمه لذيذ لهذي الدرجة اللي شهرته؟
بخصوص سوق القافلة ياما رحناه واحنا صغار بس والله الان لمن خلوه مرحبا صار مو حلو وحتى الذكريات الجميلة معاه راحت بس كمان تفتكر مركز المنصور اللي في البغدادية الغربية بجانب ال stc حاليا كان ينافس سوق القافلة ويمكن يتفوق عليه لانه كان سوق وسوبرماركت وفيه العاب دخلته كثير وانا صغير وكل ما اشوف لعبة اشبط فيها ياشيخ حزنتني كثير ليه كذا فاكر محلات الرياضة اللي في البغدادية كانت محلات العاب جميعها وكان عزها في وقت ظهور سلاحف النينجا من منتصف الثمانينات الى نهاية 95 كانت شغالة نار وزحمه عليها سلاحف النينجا كثير كانت الموضة وقتها يا سلام
بالنسبة لملاهي السندباد كانت انجح ملاهي هي ليه اتقفلت فجاة هية وصالة الليزر؟ وكمان لونا بارك ليه قفلوها مبكر جدا وحتى الالعاب ظلت فترة جوة الملاهي وهي مغلقة ما عندك صور لهم
ندخل الان في موضوع الفيديوهات وقلي ايه ذكرياتك معاها
انا ذكرياتي معاها كالتالي
فيديو الوان اللي كان عند الجوازات في الكندرة خلف مطعم ابو الجدايل فاكره
فيديو ماجد اللي كان في شارع الملك خالد تقريبا بعد مخابز ابو نار
فيديو مازن اللي كان في البلد قدام عمارة البنك الاهلي محله حاليا عمارة العيسائي الجديدة
فيديوالليالي وفيديو المرام والهنا اللي كانو في الهنداوية
كنا نشتري الاشرطة الاصلية ب15 ريال وكان كله تسجيل لسه مافي شركات ميجاستار وفيدو ماستر وكنا نبدل بخمس ريال يا سلام على ذكريات لا فيه واتس اب ولا جوال وامبي فور يا حظ جيلنا
المفضلات