قلك ابى انام قلك
والله اني خراطه...او بمعنى اصح شيطاني خراط. قاعده اتثاوب من اول, ويوم انجطلت, مافيه نوم. وذحين يوم قمت, رجع النوم
وهانا قاعده اهرج نفسي زي الخبله
نور حبيبتي راجعة لك, بس ذحين مخي متنك من الزكمه
راع مجنح, تراك اخذت الهرجه جد وانا كنت امزح معك حتى لو دققت في هرجتي تلقى الاولى اسلوب نيغيرز, والثانيه اسلوب عجايز
على العموم خلني احط لكم هرجتين تتسلون بها...
بالنسبه لحكاية بياكويا وروكيا, وين شوغا بايبي زعيمة الفان كلوب ما ادت رايها بالهرجه..؟
وبعدين باجيب ياماكي تشرح لكم فلسلفة شعب جنوب شرق اسيا تجاه هذا النوع من الحكاوي لان هي عندها خبره ماشاء الله, واقنعتني ان بياكويا ما يحب روكيا كاخت...
الشي الثاني: يلعن ابو القربعه اللي على الطاوله, اوراقي حايسه
على العموم, أتشيغو التنح, (قامت اختي تكرهني فيه- بس على قولتهم من سبك حبك) هل تعتقدون بان وراه مصيبه كما ذكرت مسبقا؟
ثالثا: ماهي فلسفة اليابانيين تجاه القناع؟ هذي ماهي اول مره اشوف القناع محطوط على ارواح الناس الميته. يعني عندكم قناع الهولو. وكمان شفت نفس الحركه في سبيريتد اواي(spirited away) وبعدين اذا تفتكرون, دايما في اعيادهم يلبسون اقنعه. هل هناك اي احد وسطكم عنده خلفيه عن هذي الحكايه؟
رابعا: هل لاحظتم اي اعتراض من الكاتب, خلال الحبكه او الشخصيات على وجود قوه اخرى تحكم اهل الارض؟ نعلم بان غالبية الشعب الياباني ملحده وقد يكون الكاتب ملحد هو الاخر, لكن لابد من ان تستخدم بعض الاعتقادات البوذيه التي اصبحت الان جزء من التقاليد.
بوذا يؤمن بوجود اله, ويؤمن يوجود جنه, ولو قراتم افكاره لوجدتم ان بينها وبين الاسلام الكثير من القواسم المشتركه. وطبعا ما هو ذنب بوذا ان اللي بعده اتخذوه اله
طبعا لاحظنا بان معظم الكتاب الاجانب, خصوصا بعد العصر الحديث ومع الحرب العالميه, بدأ يشوه المسيحيه, ويدعي بانه لا اله لهذا الكون, وكله من تحت راس داروين ونظرية التطور
هل ترون هذه النظره في بليتش؟
معليش اسئله فلسيفيه بحته؟ بس توني بدأت في ابحاثي, وداخله جو ادبي على الاخر. خصوصا ان معظم ابحاثي تتناول الجانب الديني لكل عمل ادبي فودي ادخلكم في متاهات معاي
واخيرا: انت من انصار اي حركه؟ الرومانسيه, ام التنويريه؟
اللي مايعرف يجاوب هذا السؤال معناته ما قرا كلامي ويا ويله يا سواد ليله اللي ما قراه. ناقص عشر درجات
يالله باروح اشوف لي صرفه في عمري. قاعده اخضرط وراسي يلف من الفلو تاب
سلام
المفضلات