هذا عرض للعبة سلاحف النينجا الجديد اللي حينزل في سبتمبر 2016 وكشله مرة جميل وحيكون مثل القديمة حق ال80 و 90
بالنسبة لمسلسلات الكارتون اللي انا حطيت روابطها اسمها كالتالي
spiral zone
mask
Centurions
he man
she ra
ههههههههههههههه صافييييي هههههه لا اا تمسك على تكليجاتي شكلي كنت لاكتب شيء و مسحته و نسيت اول حرفين منه
مو مفعله المصحح لو فعلته كان ما وقعت الوقعه هذي هههه بس حاو وقعتي خلتك تتحمس و ترد
ننتظرك
mrmavado
سبايرل زوون هذا اذا ليعملوا له فلم واقعي فلازم يكون محبوك . لان الفكرة نوعا ما بسيطه و تشابه افلامهم المعهوده في الرعب
فمن الضروري يخرجوا بشيء جبار مختلف عن اساليبهم المعتاده او ليتركوا الكرتون ببساطته و جماله
شيرا مسلسلها جميل جدا . اتذكر اول معرفتنا به كانت عن طريق الاعلانات في اخر الشريط
بندول
مسلسل spiral zone هو مو مسلسل مرعب لكن فيه بعض الرعب هو مسلسل اكشن خيالي فيه قليل من الرعب وبعدين الكلام اللي انتي قلتيه مو ينطبق عليه بس لا ينطبق على كل مسلسلات الكارتون اللي انا ذكرتها وكل الكارتون الامريكي حق الثمانينات لانه mask و thundercats - he man - she ra- silverhawks كلها تحتاج مخرجين ومنتجين كبار ومحترفين حتى تنجح
شيرا وهيمان هم في المسلسل بيكملو بعض مع انه لك واحد فيهم مسلسل خاص لكن القصة وحدة وفي شيرا تنكشف الحقيقة
بخصوص اعلانات شيرا يمكن انتي كنتي تشتري او شفتي اعلانات من مسلسلات الكارتون اللي كان يبيعها العاب المنصور اللي كان في طريق المدينة النازل في جدة لانه الوحيد اللي كان محتكر وتلاقي عنده مسلسلات الكارتون الامريكية انا كلها اشتريتها منه وفي نهاية الشريط بعد الدعاية حقه اللي انا فاكره مع تحيات وكالة المنصور وعلى شكل كورة ارضية والوان قوس قوزح تجي دعايات لمسلسلات كارتون امريكية اما باقي الفيديوهات زمان مثل الوان كان نهاية افلامه يجيب دعاية للمصارعة وافلام امريكية اما فيديو عصام كان بيجيب دعاية للمسرحيات والافلام العربي والامريكي
الوردة الجورية ^_^
كنا مستصيبين كيف تقدر تقرا كتاب كهذا لاصور و لا الوان يبدوا لنا مثل كتب الجامعه و تلقائيا اقتنعنا ان قراءته صعبه
دحين بالله قصص المكتبة الخضراء مافيها صور ؟!!! و زي كتب الجامعة؟!!!!! معقول
أنا اللي استصبت من كلامك !! قصص لطيفة و بريئة و فيها صور يمكن مو كثير بس فيها صور و عاملة زي منهج القراءة أو المطالعة فيها أسئلة عن القصة ، اعتبرتوها زي كتب الجامعة ؟
حتى غلافها مصور ^^ ما شوقكم لتصفحها على الأقل ؟ ^^
على سيرة الأسئلة عن القصص كانت عندي قصة عنوانها سلمان وسليمان و هما أخوان أحدهما أكبر من الآخر و الكبير حسن الطباع و الصغير مدلل و سيء الطباع
كان عندهم حقل و كان المفروض يتناوبوا على العمل فيه و لكن الأخ الأصغر " أظن هو سليمان " كان يهمل في الحديقة و الحيوانات و لطالما نصحه أخوه الكبير لكنه كان مطنش
بعدين حصل إن سمع الأخوين عن تفاح عجيب يعيد للواحد قوته و نشاطه فراح الأخ الصغير و أكل من التفاح و طمع فيه فصار يأكل ويأكل و كل ما حس بزيادة النشاط و القوة ياكل كمان لكنه ما لاحظ إنه مع زيادة نشاطه كان يصغر في السن فلما أكل كثير رجع بيبي ^^ و لما بحث عنه أخوه و لقاه عرف إنه أكل كثير من التفاح العجيب وقرر يعتني فيه و يربيه من جديد مع زوجته ^^ تربية صالحة
تكون في أسئلة في نهاية القصة ^^
جبل العجائب ؟ قصتها عن ثلاث اخوات و في ليمونه paranoid
لا ^^ جبل العجائب غير و اللي فيها ليمون اسمها الليمون العجيب وقصتها إن واحد أمير وحيد أبوه رافض الزواج و تعب أبوه في عرض مختلف البنات عليه ولا واحدة عجبته و في يوم كانو على الفطور و جرح الأمير يده بالسكين و هو ساهي فسال دمه على القشطة ^^ و راح فجأة قال لأبوه أبغى أتزوج وحدة لونها زي لون القشطة الممزوج بدمي !!
طبعا اتجنن الأب من فين يجيب له هذي البنت على طلبه لكن الأمير قرريسافر و يبحث عن بنت بهذي المواصفات و في سفره يلتقي بجنية تعطيه 3 ليمونات و تقول له لما يوصل عند النهر يقطع ليمونة و حتظهر له بنت على طلبه و حتطلب منه يسقيها ، وعليه إنه يسقيها فورا و إلا حتطير منه ، و وصته ما ينسى تعليماتها ، لما وصل النهرو قطع الليمونة خرجت له بنت آية في الجمال و قالت له " اسقني أيها الأمير ! لكنه كان مبلوه في جمالها و ما سقاها فاختفت
انتبه صاحبنا متأخر و قطع الليمونة الثانية فخرجت له بنت أحلى من الأولى و برضو طيرها و انبله في جمالها ، لكنه لما قطع الليمونة الثالثة نفذ وصية الجنية و كانت البنت طبعا أحلى من أختيها و قرر ياخذها القصر ، في الطريق خلاها تنتظره و قال لها إنه ما ينفع تدخل القصر بملابس بسيطة و قال لها إنه حيستعير فستان من أخته ، فراحت و هي تنتظره اختبأت في جذع شجرة ، جات جارية تملي موية من النهر اللي كان تحت الشجرة الي فيها البنت ، فشافت صورة البنت معكوسة على سطح الموية و حسبت إنها صورتها هي فقالت " لست قبيحة كما يصفني الجميع و لا حق لأحد أن يأمرني بخدمته " أو شي زي كدا
المهم و رجعت لسيدتها بدون ما تملي القربة ، و ضربتها سيدتها و أمرتها ترجع تملي القربة فلما رجعت طبعا كانت مقهورة من سيدتها و شافت خيال البنت ثاني على سطح الموية فانقهرت كيف سيدتها تعاملها كدا و راحت بعد ما ملت القربة طلعت من شعرها دبوس و طعنت به القربة فخرجت الموية منها زي النافورة ، البنت المستخبية ضحكت على منظر الموية فالتفتت الخادمة لها و عرفت انها سبب ضرب سيدتها لها ، فتظاهرت بالطيبة و قربت منها و طلبت منها إنها تسرح لها شعرها لما عرفت بقصة الأمير و خطبته لها و غرزت الدبوس في راسها بقوة فصاحت البنت من الألم و تحولت حمامة و طارت ، جلست الخادمة مكان البنت و لما جا الأمير و شافها حكت له إن ساحرة شريرة حولتها لهذا الشكل القبيح و أقنعته إنه هي أميرته اللي حلم يتزوجها
اخذها معاه و عرفها على عيلته و طبعا اتجنن ابوه مرة ثانية كيف انه حيتزوج وحدة بمنتهى القباحة لكنه اقنعه بقصة تحولها بسبب ساحرة شريرة
بعدين جات الحمامة اللي هي البنت و صارت ترفرف عند شباك المطبخ و تتكلم فتعجب الطباخ إنه حمامة تتكلم لكن الخادمة تعرفها فتؤمره يمسكها و يذبحها و فعلا يذبحها و تسيل منها ثلاث نقط دم في حديقة القصر ، و تنبت مكانها شجرة ليمون
و في يوم حفل الزواج كان الأمير يتمشى في الحديقة و شاف شجرة الليمون" ما أتذكر كيف قرر يستعيد البنت اللي خطبها " و يقطف ثلاث ليمونات ويطير البنتين الأولى و الثانية و الثالثة تكون نفس البنت اللي تحولت حمامة و تحكيه على خديعة الجارية ، بعدين بطريقة يتفقوا يفضحوا مؤامرتها و يسأل الملك سؤال على المائدة ، بعد ما حكى قصة مموهة مشابهة لخديعة الجارية ، فيسأل ماذا تستحق المرأة اللي خدعت البنت الطيبة فتقول الخادمة إنها تستحق أن تحرق حية في فرن أو شي زي كدا المهم تحكم على نفسها و ينفذ الحكم و يتزوج الأمير فتاة احلامه ^^
أما جبل العجائب فقصته أخ و اخته وحيدين ^^ و كان الأخ يهتم بأخته ويلبي كل طلبتها لكنها ما كانت تقتنع دائما تطلب أشياء أكثر و كانت لها طلبات عجيبة " ما أتذكرها " لكن الأخ يسافر في محاولة لتلبيتها و يروح جبل العجائب ويرجع بطلب أخته ، و في سفره كان يمر على شيخ عجوز يدله على طريقة الحصول على طلب أخته ، في المرة الثالثة تطلب طائر معين يتكلم ، و طريقة الإمساك به إنه ينتظره ينام بعدين يمسكه ، لكن إذا ما مسكه و طار يتحول لحجر ، و فعلا تحول أخوها لحجرلأنه ما صبر وقت كافي حتى ينام الطائر تماما ، تقلق أخته عليه من تأخره و تقررتسافر تبحث عنه
و تقابل نفس الشيخ فيدلها على مكانه و طريقة إمساك الطائر و طريقة إرجاع أخوها لحالته الطبيعية ...
اخر تعديل كان بواسطة » مايـا في يوم » 14-02-2016 عند الساعة » 22:55
http://www.quranflash.com/
اللهم أنر و أفسح قبور أمي و أبي الحبيبين
و خالتي الحبيبة
جمعني الله بكم في الفردوسرب آنس وحشتي و كن معي
اوه شكرا لك يا مايا اما اني لخبطت او اني نسيت
بالنسبه لكتب الجامعه
يا مايا احنا كنا اطفال و الكتب كانت غير ملونه و ايضا وجهين كاملة من دون صورة غير ان الورق المستخدم كان يوحي لنا انها ليست فصص للاطفال
[IMG]20160220_101122[/IMG]
السلام عليكم ورحمة الله وبركاته
اود أن اعتذر لكم لتأخري في التقرير الذي وعدتكم بخصوص كمبيوتر صخر نظرا لانشغالي الكامل بالعمل. أيضا حاولت ادراج صور للتقرير ولم اوفق!
لذلك اود المساعدة وشكرا لكم.
وعليكم السلام ورحمة الله وبركاته
حياك الله ايها الزمن الجميل ومليون مرحبا
انا لما احب ارفق صور في ردي اقوم بالضغط اسفل على الوضع المتقدم عشان يفتح لي صفحة رد فيها كل الادراجات
أكتب ردي الين اصل لسطر جديد ابغى ادرج فيه صورة مثلا
اخلي المؤشر مكانه واروح بالفارة اضغط على ايقونة ادراج صورة
اذا ماعرفتها مجرد مرور مؤشر الفارة على الايقونات يعطيك وظيفة كل ايقونة
عموما ايقونة الصورة هو اللي فيها برواز بني وداخلها شجرة خضراء هههههههههه
اذا ضغطته يظهر لك صندوق الصق فيه رابط الصورة ونفذ موافق حتلاقي الصورة جت مكانها وسط الرد
طيف كيف الصق رابط الصورة
نفترض لقيت الصورة في قوقل او في موقع معين تفتح تلك الصفحة وتضغط على الصورة بالزر الايمن للفارة وتضغط خصائص
حتظهر الخصائص ومنها عنوان رابط الصورة url
هذا الرابط هو اللي تحدده وتنسخه لكن انتبه غالبا يكون الرابط طويل ويستهلك اكثر من سطر ومايظهر كامل قدامك فعندك احد خيارين الاول تحدده من بدايته وتقعد ماسك الفارة ونازل للاسفل الين ينتهي تحديد الرابط كاملا وبعدها تسوي نسخ او تضغط ثلاث نقرات متتالية بالفارة على الرابط ليتحدد بالكامل بشرط تنقر في اسفل الرابط ونهايته وليس بدايته
بعدها تجي في صندوق ادراج صورة وتلصق الرابط المنسوخ ويظهر بعون الله
لما تحب تدرج صورة تخلي مؤشر النص على
ما أعز من الولد إلا ولد الولد
سامحوني ياجماعة اذا قصرت في حقكم واذكروني بالخير
و بإمكانك إذا أردت نقل صورة من الانترنت تعمل لها نسخ بكل بساطة و تلصقها في المكان المطلوب في خانة المشاركة
إلا إذا كان الموقع حق الصورة يمنع خاصية النسخ
تسلمي مايا ع الرد ^^ ~
يب يب كان اللحن موحد ماادري ليش ~
بالرغم من الانتقادات عليهـ بس كنا نفهم وسالكين في الدراسهـ ~
خخخخخخ الممتع فيها انو بعد ماتنفخيها تقدري تمسكيها مو زي فقاقيع الصابون ~
ايوا واللهـ نص الكميهـ راحت مع هالتنقيط ~
+
كنت ابغى اعرف لو اكلتو من هالحلاوهـ ولو تنباع الين دحين ~
كان اخويا داايما يجيبها لنا ~
كمان لعبة المونوبولي بس الاصدار القديم مو الجديد ~
هدا نفسو اللي كان عندنا دورنا عليهـ ومالقينا غير الجديد المعفن ~
ماشاء اللهـ عليكم تبحروا في الماضي ~
الفتى الطائر، عدلتو ~
غندرة ^_^
الله يسلمك ^^تسلمي مايا ع الرد ^^ ~
فعلا كيف تكون بعض الأشياء موحدة بين مختلف المناطق ^^يب يب كان اللحن موحد ماادري ليش ~
بالرغم من الانتقادات عليهـ بس كنا نفهم وسالكين في الدراسهـ ~
لكن فقاقيع الصابون جميلة و هي تطير و تعكس الألوان ^^ و لما تحاولي تنزليها على يدك و تجلس شوية و بعدين تنفجر ^^خخخخخخ الممتع فيها انو بعد ماتنفخيها تقدري تمسكيها مو زي فقاقيع الصابون ~
ايوا واللهـ نص الكميهـ راحت مع هالتنقيط ~
و أحيانا كنا نتبارى في نفخ أكبر فقاعة تجلس لأطول فترة ^^
كنت ابغى اعرف لو اكلتو من هالحلاوهـ ولو تنباع الين دحين ~
كان اخويا داايما يجيبها لنا ~
أيوا أكلنا من نوع شبيه بهذا ، ما كنت أحبها ملمسها زي حبوب الحموضة رينيه " هههههي " لما تذوب في الفم نفس ملمس الحبوب
الله ! مونوبولي !!كمان لعبة المونوبولي بس الاصدار القديم مو الجديد ~
هدا نفسو اللي كان عندنا دورنا عليهـ ومالقينا غير الجديد المعفن ~
كنا ننطق كلمة مونوبولي كدا : مينيبولي ^^
ايوا لعبنا فيه و كان عندنا الإصدار القديم أبو قطع حديدية ^_^ و كنت أختار السفينة و أحيانا القبعة
و هذي القبعة لاحقا احتفظت في ها داخل صندوق صغير من خشب الصندل كنت مجمعة فيه لآلئ ملونة من اللي تستعمل في التطريز ^^ و بعدين لقيت حديدة رفيعة قد الكبريت حطيتها معاهم و تخيلت القبعة و العصا حقت الساحر ^^
كانت فيه سيارة و سفينة و قبعة و مكواة و كلب و جزمة ... و ايش كمان ؟ نسيت ^^ و للا هم دول بس ؟ ^^
و مرة سهرنا عليها أنا و أختي العزيزة للفجر ^^ رجعنا من سهرة في بيت عمي و كان باقي قليل على أذان الفجر فقررنا نستنى الصلاة و جلسنا نلعب و خلصنا اللعب في ساعتين كملنا بعد الصلاة ^^ و طبعا فازت أختي بحكم معرفتها أكثر ^^
و بعدين اختفت المونوبولي الأصلية و أظن اشترينا ثانية و كانت برضو نفس القديمة و كمان اختفت و بعدها ما عاد في إلا التقليد
قطع التحريك صارت زي كشتبان الخياطة ^^ بلاستيك
حتى أمي قالت هذي تصلح كشتبان ^^
و تغيرت ألوان كروت الفرصة و صندوق الجماعة و صارت ألوان اللعبة أبهت و جودة الكرتون أقل حتى ألوان الفلوس صارت أبهت و الورق أخف
أتذكر من كروت الفرصة اليوم هو عيد ميلادك على كل لاعب أن يدفع لك 10 جنيهات ! ههههههههههه
و للا لما تعدي من خانة البداية تحصلي على 200 جنيه من البنك ^^ يا سلام !
أتذكر مرة و احنا نلعب كنت مفلسة بسبب الضرائب و الإيجارات قامت قالت لي وحدة : دحين تتصدق عليك البداية بميتين ^^
هههههههههههههههه ^^
حتى الأونو صارت أقل جودة من ناحية الورق و أبهت في الألوان
من كثر الحنين ... ^_^ماشاء اللهـ عليكم تبحروا في الماضي ~
اخر تعديل كان بواسطة » مايـا في يوم » 23-02-2016 عند الساعة » 02:45
بالحديث عن ألعاب زمان ^^
تعرفوا الكمكم ؟
قد لعبتوه ؟ ^^
صورت لكم صورة بالجوال بس ما فلحت انقلها ع الكمبيوتر ^^ فنقلت لكم هذي من الانترنت
بعد 3 ايام سأكمل 14 عاماً في هذا المنتدى الرائع
الايام تمضي بسرعه
تحياتي لكل الاحبه
مسافر
اخر تعديل كان بواسطة » مسافر في يوم » 23-02-2016 عند الساعة » 03:59
صباحكـ خير مايا ~
واياكـِ ^^~
هو اكيد حلو هالشعور وخصوصا لو طلوت كاتر فترهـ تحس انكـ نفخت شي مميز عن البقيهـ ~
ههههههـ متعقدهـ من هالحبوب كنت احبها اكتر من حلاوهـ بيض النعام اللي كانت لازم تزين علاقات حلاوة العيد ~
واا طلعت بيننا قواسم مشتركهـ في محبة هاللعبهـ ~
صح شوفي القطع اللي تلعبي بيها ~
طبعا كنا نتخاصم ع المكواهـ لأنها خفيفهـ ومنبسطهـ ع الارض وسهلة الزحلقهـ < براا ~
واخس شي الجزمهـ والكلب ~
احنا عشان كان عددنا كبير ماشاء اللهـ كنا نتضارب ونسوي قرعهـ عشان نعرف مين حيلعب ~
واللي مالو نصيب نوظفو البنكـ عشان الصرف ونحوهـ ~
بس في قانون كنا نمشي عليهـ واتضح انو غلط >< ~
انو اللي يطيح في ارض الغير يدفع إجباري لصاحب الارض , إحنا كنا نخليها بالحيلهـ يعني لو ماشاف واللي عدو رمى النرد خلاااص راحت عليكـ ومالكـ فلوس < غش وجشع من الصغر ~
شوفي الفلوس حقت زمان بس الالوان شويا مضروبهـ >< ~
هههههههههـ ايوا اوراق الفرصهـ وصندوق الجماعهـ ( كنا نقول صندوق المجاعهـ ) راائعين ~
واحلى شي لما تجيكـِ الورقهـ اللي تطلعكـ من السجن تحسي انو عندكـ وااسطهـ ~
ماادري صح والا غلط بس احنا كنا نبيعها لو نبغى لأنها ماتخلي الواحد ينحرم من 200 البدايهـ لأنو دخل السجن ~
عيبها انها طويييلهـ ولو وراكـِ شي تحسي انكـ تلعبيها دهر ~
هههههههههههـ حلوهـ الصدقهـ كلنا كنا نستناها ~
اما عن مايفير ف محسووود اللي ياخذها وع طوول نخرب عليهـ ونسقط على باركـ لين لو ماني غلطانهـ ~
فعلا كل شي صار بدون جودهـ ماادري ليش ~
واللهـ الحنين يفيض مننا بس الظاهر الستنا معقودهـ ~
عدد زوار الموضوع الآن 3 . (0 عضو و 3 ضيف)
المفضلات