[/QUOTE]حاولت ابحث عن اللوحة اللي تقول عنها ومالقيتها للاسف
اسطورة
مشكورة على محاوله البحث عن الصورة , الصراحه افتقدتها واذكر زمان كان مصيرها غطينا فيها فتحه المكيف الفاضيه لان العاده زمان فى الثمانينات يوم تكون فيه غرفه فى البيت بدون مكيف نحط عليها صورة عشان مايطلع شكلها غلط ههههههههههه اونه عاد نضحك على الضيوف
على طاري المكيفات القديمه زمان تذكرون مانقدر نرقد الا على صوت المكيف المزعج بليل ونحسه مثل النغم فى اذانا ونحنا نايمين والغرفه تكون مسكرة والجو بارد من الخاطر وأسوء شئ لما نكون نايمين الصبح على هذه الانغام الحلوة والجو الرومنسى تجى الوالده وتسكر علينا المكيف من الصبح ونحنا نايمين (عشان نقتصد فى الكهرباء) ونصحى من النوم ونحنا عرقانيين ومضايقين من الجو
هذا عاد داخل الغرفه بس برع الغرفه ماتعرفوا شو يصير...! تذكرون الفتحه الخارجيه للمكيف تقطر ماي ونحط تحتها علبه النيدو عشان يتجمع فيها الماي ولما نرجع من اللعب برع البيت نروح على طول نحط ارجلنا فيها عشان نغسلها من الرمل
ايه والله زمن
مخضرم خجول
ياحبذا لو تحط لى صورة البرايه القديمه المشهوره زمان الى كانت مدوره وفيها مرايه فى النص, كنا نلعوز فيها الطلاب والمدرسين يوم نخلى ضوء الشمس ينعكس عليهم
المفضلات