Believe in Wonderland ]|

[Rama Primavera]

.
.
.

قبل مدة طويله من الزمن ،، كنت آشوف أنيمي داون و إعلانهم ( تابع معنا وحصريا سلسله Major ) ما تحمست له لكن اتحمست لفكره إنه مواسم و بما إنه رياضي قلت لعل و عسى يكون زي آجواء سلام دانك .. لكن إني فكرت آشوفه مره ماكانت في بالي !! لحد ماجات صيوف وصارت تقول لي ،، ميجور و ميجور ،، و حملته صيوف وبدأت فيه وأنا لسى ما حملته ولا هم يحزنون ،، شويتين كدا صار شغل صيوف الشاغل جورو ،، و يارمرم لا يفوتك و جورو و جورو ،، طبعا لنا سوابق كثيير آنا و صيوف سوا بداية بكونـآآن إصطداماً شديداً مفزعا بـ ون بيس من ثم مروراً بـ تيرا فـ فول ميتآل الكيمست فـ مونيستر فـ جلآس مآسك وصولاً لـ ميجور حالياً آجواء صيفية ربيعيه في عز الشتآآء مليآنه حماس بديت آول موسم لـ ميجور @@ !! على فكره شي تآني غير فكرة إن ميجور مواسم ،، جداً آحب الأنميات الي يكون فيها آكثر من فتره زمنية ،، على سبيل المثال لوفلي كومبليكس و سلام دانك ،، ثلاث سنوات الثانوية إيتازورا فتره الثانويه آعتقد لما بعد الزواج ،، و ميجور الي شويه كسر القاعده من عمر 5 سنوات لحد 30 سنه


...



هذه الفقره برعاية ( إم إند إمز ،، بيسسسلووو )



كل الكلام الي مكتوب حرق في حرق ،، الي يتابع ميجور ولسى
ما آنتهى من الموسم الآول او يفكر يتابعه لايشوف كلامي

إني أبدأ الموسم الآول و آنا عارفه أنه دي الشخصيه الي عمرها 5 سنين في حلقه من الحلقات حتكون في خلينا نقول الثانويه شعور جداً غريب ،، طول الموسم الآول و انا آتخيل جورو كيف حيكون و كيف شخصيته و و و ،، بدأت الحلقه الآولى وشفت جورو و مع شوية آحداث فلاش باك ننصدم بأول حدث موت أمه .. نوعا ما آتوقعته .. لما بدأ الأنيمي كبداية آي أنيمي آحس إني ضايعه ( من دا ،، إيش دا )

و آول حاجة تلفتني في الآنيمي المقدمة ،، لازم آشوفها عشان آعرف أشكال
الشخصيات تلميحات إلخ إلخ فـ الشي الي مرا لفتني هذا المشهد



حسيت إنه في شي غلط حيصير ،، الموسم الآول كان مرا بسيط ،، آحداث مهمه صحيح تبنت عليها أحداث الآنيمي الي راح تجي ،، لكن يضل بسييط
كل شي في بدايته ،، لما شفت الصوره دي و شفت هوندا آبو جورو عرفت إنه له علاقة بالموضوع ،، لحد ماجات المباراه و طلعت شخصيه جو جبيسون
الي ماحبيتها مطلقااً خلاص بدأ كل شي يبان ،، و في اللحظه الي جو رمى الكوره على راس هوندا و تحطمت الخوذه توقعت يموت في وقتها و
قلت ايش الماسي دي من البداية @__@ بس الي فاجئني إنه قام ،، و طول الوقت من بعد دا الحدث و أنا آقول دحين يصير لو شي دحين يصير لو
شي .. لحد ماجات اللحظه الي مات فيها ،،، بكيت من قلبي عليه حزني و حزني جورو آكتر ،، آمه و آبوه و هو لسى صغير وجود موموكو
في بداية الآحداث تدي إيحآآء إنها شخصيه راح تستمر على مدى طوويل ،،



ما استغربت إنها هيا و هوندا ممكن يتزوجو بعد وفاه شيآكي ،،
و كيف إنها اعتنت بجورو بهذا الشكل مرا أثرت فيــآآ ،، =(



جورو في جنازه آبوه لما جا جيبسون و صار يبكي و يقول لو آعده لي ،، قطع لي قلبي
و ماننسى لمـآ جورو رآح لأميريكـا و قابل جيبسون مدري كيف سامحوا انا ما سمحتوا ابدا ولا راح اسامحو






بداية تعرف على توشي كون و جورو في الروضة و كيف كآنو يلعب سوا ،، ترجع ليآ الذكريات دحين
لا يغركم شكل توشيآآ و هو صغير




و طبعا شلة ميفون الكريمه كلها و الفله و اللعب كلها كانت آجواء لطيفه جداً



و ظهور يوكوهاما و البنت الي في يوكوهاما أعجب فيها جورو لما كانت تتكلم عن اللاعب الي مات من ضربة جو جيبسون
وقالت الغلط ع اللعب هوا الي ما انتبه و آنا مع جيبسون و حزنانه علييييه مرا انصدمت حزني جورو و بعدين هيا لما عرفت
إنو اللاعب آبو جورو صارت تبكي و تعتذر من جورو ...



كمان من الآحداث الي جداً اثرت في لما شيجنو طلب يد موموكو للزواج و رجعت موموكو في وحده من الايام البيت و كانت مو بوعيها
وصارت تبكي بعد ما تخاصمت مع جورو إحساس جورو مرررره صعب ،،



كنت آقول لصيوف ما آبغاهم يتزوجو كنت اكره شجينو ،، بس دحين لآ





فتره المنافسات بين ميفون المدرسة الي يدرس فيها جورو ،، و بين يوكوهاما الي انضم لها توشيا و المباره النهائيه الي صارت بينهم
كانت روووعه ،، كويس صيوف ذكرتيني بالمشهد دا ،، كنت آخده صور للحظه وصول جورو للقاعده وهو منهك جداً كانت مؤثره



بس الي يصدم منجد لما ترك المدرسه جورو بدون
مايقول لآي آحد من آصحابو



وينتهى الموسم الأول ،، بالكثيير الكثييير الكثييير من الآحداث و التنقلات
لدرجة إني مخربطه يمكن في حدث صار في الموسم الثآني
الموسم الآول قعدت تقريباً شهر و آنا آشوفه ،،

مذكرات ميجورية [6\1]
To be continued........................

( الصور المتحركة إبداعات صفصف )

.
.
.

[Rama Primavera]

.
.
.

وقت مستقطع في خضم المباراه الآخيره الي قاعده آشوفها حاليا من الموسم الثالث ،،
قلت آخد بريك سريع آشرب شآي أخضر و نثرثر شويه عن إنطباعي عن الموسم الثآآني لـ ميجووور

( هذه الفقره برعآآية الشآآي الآخضر )





كل الكلام الي مكتوب حرق في حرق ،، الي يتابع ميجور ولسى
ما آنتهى من الموسم الثآني او يفكر يتابعه لايشوف كلامي

الموسم الثاني حسيتو طووويل @@ كآنت الآحداث عباره عن جزئين ، يعني الجزء الأول الآحداث الي صارت في المتوسط ،، و الجزء الثاني إنضمام جورو و توشيآ لكآيدو و اختبارات كايدو ،، لما إنتهى الموسم الآول بـ خروج جورو من ميفون ع الصامت بدون مايخبر آحد كان مرا حدث مؤثر و مرا كان باين دا الشي لما بدأ الموسم التاني و شوفنا حال ميفون المتوسطة ،، شيمزو الي صارت في فريق الكره الخفيفه و سوامورا الي صار كابتن لفريق كره القدم و كوموري مافي غيره هوا و نائبه يحاولوا يلموا شمل فريق البيسبول و اللقطه الي حازت على إنتباهي في مقدمة الموسم الثآني هي دي



آول خبر انصدمت فيه انو جورو آصيب كتفه اليمين بس الشي الحلو إنه صآر آعسر و بدل كل نمط حيآتو عشان يقدر يلعب البيسبول بـ يده اليسـآآر جورو رجع لميفون و كونوا فريق كره المضرب و آي فريق يكون فيه جورو يصير فيه حماس و ثقه عجيييبه احداث كثير حلوه تصير آثناء تواجدهم في ميفون .



حدث تآني جداً آثر فيآ ،، الي صار مع توشيآآ هجر عيلته له مرا حزني ،،
بعد الي صار ،، هدف توشيآ يدخل كآيدو عشآن يرد جميل جده و جدته الي ربوه و آهتمو فيه



وجداً كرهته توشيآآ لما آتحدى جورو و قال لو الي يخسر فينا في المباره الي حتصير بين ميفون و الفريق الي فيه توشيآ ،، يتخلي عن الذهاب لكآيدو ،، اتصرف بلؤؤم شديد هالتوشيآآ و مازال عموما اصرار جورو إنو يهزم كآيدو عجييب ،، الي صار بينه وبين مايامورا جداً غاضه



مع كدا دخلوا جورو و توشيآ لكآيدو و كآن إصرار جورو يهزم كآيدو و هو في كآيدو ،، الآحداث الي تصير وقت التدريب و جزيره الاحلآآم كآآنت ممتعه رغم إني مرا آكررررره كايدو و قوانين و غبائها و كل شي فيها ،، و انبسسسطت جداً وقت المباره الي صارت بين الفريقين الي في كآيدو و فوز جورو و مسآعدة الي في فريقه له خرروووج جداِ موووفق جورو

آحداث المووسم الثآآآني جددداً كثيييره و متشعبه و شخصيات كثيره و شخصيات لا تطاق دخلت موسم دسم احلى من الموسم الآول
وفعلآ زي مآخبرتني صفصف موسم عن موسم الحمآآس يزيد آكثر و آكثر الدليل راح يبآن في مده مشآهدتي للمواسم ،، الموسم التآني
شفته في آسبوع الاول في شهر و الثآني في آسبوع


...

مذكرات ميجورية [6\2]
To be continued........................

( الصور المتحركة إبداعات صفصف )

.
.
.

[Rama Primavera]

.
.
.

Play The Game






أنا أبداً ما آنصح آحد يشوف آي شي سبق و شفناه آنا وصيوف و إلا حيصير بحاله من التخبط و الحماس الشديد
يتلوه حلقه مفرغه من الآحاسيس الي مالها تفسير و يلقى نفسه ضااايع بدون الي كان يشوفه وشكراً





( هذه الفقره برعآآية فيمتووو )
كآن ولا بد آصلا من شي بآرد مع هـ الحمآس الميجوري




كل الكلام الي مكتوب حرق في حرق ،، الي يتابع ميجور ولسى
ما آنتهى من الموسم الثالث او يفكر يتابعه لايشوف كلامي

قبل ما آتكلم عن الموســم ،، اللقطآت الي لفتت إنتبآهي من المقدمه
لقطتين وحده حتكلم عنها بعد شويه و التآنيه دي



لما عرفت الحدث الي صار ،،، مرا كآآن مؤثر ،، شيجنو كآن لازم يتقآعد و لما اتخاصم مع موموكو وضربها وطردها من البيت كرهتو من كل قلبي ع الي سواه ،، رجع جورو البيت مصدوم من الي صار لما ما لاقى لا موموكو ولا شنجو ولا شيهارو و قعد يتضارب مع شجينو فـ لما راحو الحديقة شافوها و اتصالحو وصار يبكي ،، مو متقبل فكره إنه يتقآعد ،، موقف جورو كآن خطيير لما قال لـ شجينو الباقي علينا




بمجرد ما بدأ الموسم بهذا الشكل عرفت إنه عاينا خير جورو يلعب آخته الصغيره شيهاآآرو ولا يفوتكم الصوت حآجه تموووت ضحك آنشديت مع آول مشهد في الموسم الثالث .. الآحداث كآنت غير عن الآول و الثاني ،، بدأ الموسم كبداية آي انيمي جديد ،، مدرسه و طلاب و شخصيات جديده كآن نوعاً ما شي مختلف .. بعد ما جورو هزم كآيدو و خرج منها حآول ينظم لآكتر من مدرسة بس إيشيغارا و عمايلو كل المدارس رفضت جورو ،، فـ انضم لمدرسة سيشو الخاصه الي فيها شيمزو و الي مالها سنه و صارت مختلطه كل الآولاد الي فيها مايجوا 7 ومدرسة مافيها نادي كره مضرب القشه التي قسمت ظهر البعير بالنسبه لجورو بس هيهات جورو يحط شي في باله ومايسويه محاولة جورو الجاهده في إنو يضم الـ 7 الي في المدرسة لكره المضرب و الاحداث الي تصير مره كآنت حلوه و ممتعه و بس كملوا العدد من هنا قاموا بنوا لهم ملعب فوق سطح المدرسه ما آكبرها اساسا الجزء كلو كوميديا في كوميديا و كلو ولاتعابير الشخصيات شي عجيييييييييب خدو على سبيل المثال







فريق سيشووو حبيتو من كل قلبي على إنهم اترزلوا لحد ما انضموا للفريق بس مرا كان فريق متعاون و كانت شخصياتهم تجنن ،، فووجي و خباله و تآيجا و تآشيرو الي بجد كآن يد جورو اليمين و وقفتهم مع جورو و حماسهم ،، المشرف ع الفريق و مديراته مبارياتهم تجننن و كلهآ حمآس وضحك و شي رهيييب






مبارتهم ضد فريق ميفون الي فيه كوموري مرره كآنت حلوه و آحلى شي لما خسر فريق ميفون و جورو شآف كوموري على جسر و اتخيل
إنه حينتحر قتلني ضحك لما راح يحاول يوقفه ذكرني بريسـآ لما شافت آوتآني بعد الآختبار مكتئب و تحسبه رسب وراح ينتحر




من الآحداث الحلوه كمـآآن ،، البنت الي في يوكوهاما الي مستحيل اتذكر اسمها راحت تتدرب مع جورو على الكره المنزلقه
بسبب إصابه تايجآ مرا كآآآآنت آحداث ممتعه و حلوووه و ترجعنآآ للموسم الآول لمـآ كآن صغآآآر و مباره فريق ميفون و يوكوهاما



هذي اللقطه الثآنيه الي لفتت إنتباهي جداً ماكنت عارفه ايش حيصير طبعاً و لا لمين حيصير دا الشي مباره استعراضيه
بين فريق كآيدو و سيشو ايشيغارا اللئيم اتعمد إنو يصيب جورو وينتقم عشان ما رضي ينضم لكآيدو


أجبر لاعب إنو يصيب رجل جورو عانى جورو جداً من الآصآآبه دي و سببت لو مشآآآكل كثيييير خصوصا في المباراه النهائيه مابين كآيدو و سيشو جورو لما اخد الحقن المهدئه صدمني بس الي ضحكني حاول ياخد الختم تبع آهلو عشان يختم على الورقه الي طلبها الطبيب عشان الحقن موموكو اتفهمت موقف جورو بعد ماكشفته و ختمت له ع الورقه بنفسها




فوووجي كآن شخصيه لا يعلى عليها في الكوميديآآآ
اضاف للموسم آجواء تموووووت ضحك



قبل مبارة سيشو مع كآيدو الموقف الي صار بين شيمزو و جورو و الآسكريم
و العود الي اداها اياه كآن خطييير متى حتفهم يا ابني متى حتفهم




آمـا الحمآآآس منجد لما جآآ وقت المباره بين سيشو و كآآيدو قهرررررني توشيآآ لما جورو قابلو قبل المباره
وقال لو إننآ حنتقابل في مباره و قال توشيا ، إنو ماكان يدري يعني زي الي مو مهتم مرا قهررررني ،،



المباره كآآآنت حماس لآبعد الحدود عن نفسي آشوفها جداً متكافئه ،، وكل شي ماشي تمام لحد ما اكتشفوا إنو جورو لسى يعاني من آلام رجله ايشيغارا اللئيم اتعمد ارهاااق جورو لابعد الحدود مع كدا جورو فضل يلعب بكل قوووووته ،،، و على قد ما حاولوا الفريق يوقفه استمر باللعب و كلهم بذلوا جهدهم مباره كانت شي لايصدق مستحيييييييل تنوصف بكلمات مستحيييييييييل



جـورو يرهق و يشيل الفريق عنو ويرجع يلعب و مابين حرب ضرووووووس بينهم ،، اكتشفوا كايدو الي سواه ايشيغارا بـ جورو في المباراه الي فاتتت و احلى شي سجلوا اعترافه و وصلوه للمدير اشفوا غليلي ،، لاني جداً اكرهه كايدوا و غرورهم و كل شي فيهم ،، حتى توشيا احيانا كتيره اكرهه من اسلوووبه و تصرفاته مع جورو



موموكو منجد تجننننننننن تدخل و تخرج من الملعب لا آنها قادره تشوف جورو بهذي الحال ولا قادره تتحمل تخرج @@
حتى شجينو جا المباراه و في الاخير الاتنين دخلووو موقفهم و اهتمامهم بجورو منجد كآنوا ولدهم ،،، مرااااا يأثر فيــآآ بشكل لا يعـــــقل

1\2 يُتبـــع



.
.
.

[Rama Primavera]

.
.
.

آكتر شي خلاني احط يدي على قلبي في المباره لما الحكام قالوا لجورو إلا تورينا رجلك ما نقدر نتغاضى عن إصابتك و الحوار الي دار بينهم و إصرار جورو العجيب الي حتى المشرف خلاه يطلب منهم يعطوا جورو فرصه حتى الفريق رجع رضخ للآمر و قرر يسآآعد جورو بعد ما المباره عقدت و صار في اشواط إضافيه رجع جورو الملعب و الكل واقف معاه ،، بس مين كان يواجهه مايمورا




حآآآل جورو كآآآن فظيييع يترنج و مرهق لحد لايعقل ..
صرت زي شيمزو الي تبكي و تصااارخ من آآخر الملعب



و آحلى شي في قمة إرهآآآآآآآق جورو طلع هوندآآآآ
آقول لصيووف هوندا آحبه جداً جداً ،، رغم ظهوره البسيط لكن مررره الشخصيه دي مميزه آول ماطلع نطيت نط من الحماس



بس الشي الي مرررره ما اتوقعته ع الآاخيييير ...
جورو ما اتحمل آكثر من كدا







سقوووووووووط جورو كآآآن فظيييييييع آتآثرت جداً و رغم كدا نشووف إنهم فازوا في المباراه ،، لو مو خطط آيشيغارا و إصابة جورو ماكان خسروو مرااا كان الموووقف فظيييع شيء لايعقل ،، المباراه كانت رااااائعه كل شي كآآآن مذهل لحد آخر لحظه ... جورو قبل دقايق داخل الملعب واقف يلعب بآقصى قوته خرج من الملعب على اكتاف اصحابه مع كدا خرج و هو منتصر









وتمر سنه و جورو يترك اللعب في فتره التأهيــل و آحلى شي لما يفك الجبيره شي الفرحه الي اعترته ،، و تجي لـ جورو عروض للاحتراف من فريق المحيط ،، شجينو فرحان بولده لدرجة قايل لفريق المحيط يعطوه رقمه ،، جورو كان على اساس يروح للمحيط ،،، لحد ما شاف جيسون و كلامه الي وجهه لـ جورو @____@




بعدها يقرر آنه يروح آميريكا .. ماحزني غير شيجنو ،، للحظات اقول لصيوف حسيت إن جورو فعلاً اناني ما آدري بس حزني شيجنو فرحان بجورو و متحمس و انصدم لما قال له إن حيروح لآميريكا و يترك المحيط و الي آحزني آكتر و آكتر لما موموكو قالت لو روح و آنا راح آشجعك و آقنع شيجنو ،، لانك حتظل إبن هوندا جورو بيروح لآميريكا عشان يقابل خصم آبوه هوندا ،، ودي فرصتوا الوحيده ،، جيبسون عمره 41 و في آي وقت ممكن يتقاعد لو ما آستغل الفرصه جورو

هـ الموسم بجد غيــرر كل شي فيه غير ،، يمكن آنسى كل شي عن الموسم الثآلث بمجرد ما آشوف باقي المواسم ، بس حالياً جداً جداً عجبني الآحداث الشخصيات سيشو و طلابها و مبارياتهم كآنت شيء جداً مميز تتطور الشخصيات القديمة مذهل الرسم كل مالو يتحسن آكثر ،، إن كان الموسم الآول فـ شهر و الثآني في آسبوع فـ الثآلث إنتهيت منه فـ آربعه ايام

2\2 إنتهـى

مذكرات ميجورية [6\3]
To be continued........................

( الصور المتحركة إبداعات صفصف )

.
.
.

[Rama Primavera]

.
.
.












WHATO !?
( جالاكسي ريبل يرعى هذه الفقره للجزء الرابع وشكراً )



كل الكلام الي مكتوب حرق في حرق ،، الي يتابع ميجور ولسى
ما آنتهى من الموسم الرابع او يفكر يتابعه لايشوف كلامي

أمانةً و صدقاً !! ماني عارفه أكتب عن آيش ولا أيش ناسيه و الله ناسيه اختلط الحابل بالنابل

لكن أكثر شي واضح في هذا الجزء ،، أميريكــا ،، جورو بعد تخليه عن آوشن يروح آميريكـآآ و تبدأ عاد المواقف الي حدث ولا حرج !! من لما حط رجله في المطار آنسرقت شنطته بكل بلاويها دا غيــر يعني إنو مايعرف يتكلم كلمتين على بعض و سانيكو و سوري و وات كان غير مرا عن باقي المواسم اجواء ثانيه تماماً ،، اللعب بطريقه تآنيه المباريآت غير عن سابقها في اليابان !! الي خلاني آقيم هـ الجزء بـ 9 في MAL مو 10 ،، اني حسيت جورو لحاله !! ماحسينا بباقي الشخصيات ،، فقدت تواجدهم جداً جداً مع كدا جورو يكفي




هذا اللقااااء الي كررررهني بآل جيبسووون كلهم ياااإنه قهرني بشكل هالجونير
أجل يهين هوندا و يقول عنه غبي و يقول كل هالخرابيط لما التقى بجورو و عرف إنه إبن هوندا لييييش



بكآآآني جورو لمآ دمعت عيوونو بعد ماقال جونيور الكلام داك عن هوندا اساسا جورو بعد ماضربو
و صارت بلاوي في المباراه عاقبوه و نزلوه لمستوى اقل من من مستوى الفريق الي يلعب فيه ،، الي هوآآ الـ BATS




جميييييلين معطين جووو للمباريات رهيييييب ،، ذكروني بالشله الي مع ليتون هيوت لاعب تنس آسترالي ،،
لو يروح يلعب في الآسكآآ يروحوا يشجعوا ،، شله غلبه و بس تصارخ و تشجع تعطي مباريات ليتون جوو عجييييب



من الآشيآآء الجميله الي ظهرت رووي ،، كآن مع جورو ضمن فريق الـ BATS و مديرتهم الخطيره المباراه الي صارت بينهم وبين الفريق الي فيه جيبسون جونيور جداً كاااانت حماسيه و آعصاااااب منجد مرا كانت حلوووه اهم شيء جورو رد اعتبار الموقف الي صار يوم جونيور اهان هوندا



صار رهان بين جورو و جيبسون جونيور ،، إذا جورو آخرج جونيور من المباراه .. راح يسافر جونيور لليابان لقبر هوندا عشان يعتذر منه ع الإهانه ،،
و لو جونيور سجل هوم رن على جورو فـ يترك جورو اميريكا و يرجع لليابان ،،اهم شي آنو جورو آخرج جونيووور



أحلى شيء بعد المباراه لما جيبسون سأل جورو عن مكان قبر هوندا و قعدوا يتكلموا في النهايه
قال جورو لـ جونيور إنه مافي داعي تروح ،، أنا و أبي غنيان عن إعتذار لامعنى له



و لما رجع جورو لليابان و شيمزو عرفت و خرجت من المعهد مابقي مكان مادورته فيه لين لقيتو عند قبر هوندا
وراحت قابلته و احلى شيء إنو نفذ وعده معاها و آول توقيع لجورو كان لشيمزو بالكوره الي حقق فيها نقاطه الآولى مع فريق الـ BATS

كَآن الجزء الرابع كله في أميريكــآ و تطور جورو بفتره مابعد الثانوية و الفرق الي إنضم لها و شفنا الفرق في المهارات ،، غير ظهور جو جيبسون جونيور نوعاً ما كان هادي من ناحية مباريات و حماس أكثر من الثالث ،، عدا طبعا المباراه و التحدي بين جونيور و جورو الي كانت شعلة الحماس في الجزء الرابع الي يميزه بشكل كبيره الكوميديا الي فيه كانت فيه كمية كوميديا قاااتله جورو خبلني بخباله و حركاته ونرجع مره ثآنيه نقول ،، الآول في شهر ، الثآني في أسبوع ، الثآلث و الرابع في آربعه آيام

مذكرات ميجورية [6\4]
To be continued........................

( الصور المتحركة إبداعات صفصف )

.
.
.

[Rama Primavera]

.
.
.






D.R.E.A.M





ويبدأ جزء جديد و حماس ميجوري جديد و آحداث غير غير عن ماسبق !! آجواء تآآنيه تماماً ،، في الرابع آفتقدت كثيييير من الشخصيات بسبب تواجد جورو في آمريكـآ بس في دا الجزء كل ميجور في آميريكـآ آهم حدث في هذا الجزء الي سلب عقل جورو لما عرف عنــه ،، الي هو كأس العالم للبيسبول من هنا من هناك جورو إلا بيدخل فيه آنواع لفت الآنتباه و التحايل عشان يشارك بالمنتخب الياباني ،، وتتقدم نخبه من اللاعبين المبتدئين مايمورا و توشيا و القائمه تطول و طبعاً بدون جورو مايمشي الموضوع


كل الكلام الي مكتوب حرق في حرق ،، الي يتابع ميجور ولسى
ما آنتهى من الموسم الخامس او يفكر يتابعه لايشوف كلامي

مره عآجبتني موموكو طااالعه حلووووه بهذا الجزء
و أنا الي كنت خايفه عليها من علامات التقدم بالسن لما يكبر جورو




ونجييي للحظات الي كررررهت جورو فيهاااا و كنت آبغى آضرررب فيه لين اطلع كل حرررتي شيمزووو ياحبة عيني مبسوووطه عزمتو على حفله ماتوقعت آساسا إنه راح يوافق و قال لها راح يجي و تغمرها الفرحه و تروح بآفضل حالاتها متأنتكه و متشيكه و يا آرض اشتدي ما عليكي قدي و تستنى جورو الي كان خارج من البيت و شيجينو رجع قعدوا يتكلموا عن دوري كأس العالم للبيسبول و جورو مو بس نسى شيمزو نسى نفسه اساسا و المسكينه تستنى و تتصل عليه ولا هو عندها لحد ما موموكو اتفاجئت إنه جورو لسى في البيت و ماراح عصبت منو ولما دق التلفون طلعت شيمزو ياعيني تحسب صارلو شي عشان مامعاه جوال و بكل برووووود يقول لها استجد شي و نسيت خلاص ادخلي من دوني عشان ما تروح عليكي بالله آعطوووني شيء اضربووو فيه



من آطرف الأحداث الي صارت لما بدأ يكتشف مشاعر شيمزووو و آخيررررراً وليس آخراً <- اذاعة على غفله ،، كانت حلقآآت جداً ممتعه لدرجة جورو كان منجد ناسي البيسبوول مااا اكبرها مشكلة جورو ماكانت شيمزو !! مشكلتو بس إنها بالنسبه له صديقة طفوله ولا فكر في يوم إنها تكون شيء آكثر من ذلك و آجمل مافي الموضوع كلو تعليق الجميل فوجي ( مازلت كاورو تركض خلف الكره بيأس لتشعر بآنها قريبة قليلاً من لاعب كره القاعده المجنون الذي غادرها )




و كلووو كوم و اليوم الي راحو للملاهي كوم تاني و جورو الي خايف من كل الآلعاب و آنواع المكابره شيمزو في ديك الآوقات تكتشف جآنب تآني تماماِ من جورو الي ع التل و جورو مجنون البيسبول و آهم شيء العبارات الجميله الي آمطرت



جووورو و الجانب الي آحنا ما عهدنا منه و كمان سفر موموكو لآميريكا عشآآن جورو دي بئى حكاية تانيه خاااالص




من الآحداث الي بجد آثرت فييآآ و حسيت إن كرهي لـ جيبسون مررره خف عن ما سبق لما اكتشفت إنه تعب و صدمة جورو إنو وصل لحد قريب من جيبسون و حيواجهه إلا إن جيبسون تعب و ماراح يشارك مع المنتخب الآميريكي @__@ بعد ما شيمزو ساعدت جورو عشان يتخطى صدمته راح لجيبسون في المستشفى



آساساً الي صار كلو آليييييييم ،، كان من زياره جيبسون لقبر هوندا طول فتره بقائه باليابان ولا من مقابلته لـ موموكو و عدو لها بإنه يكون لاعب محترف لحد مايكبر جورو و لا من طلاقه ولا من وفاة زوجته و بنته و الحياه الي عاشها جيبسون جونيور باليابان الي خلاه يحقد على جورو ولا ايش بالزبط



كمــآآن الشخص الي كنت متوقعه ظهوره بأي وقت ،، آي شخص كان يكون من آهل توشيـآآ آختـه وظهورها بأميريكــآ و لما قابلها توشيا مع شيمزو و جورو بالصدفه و قابلها و تجاهل تماماً معرفته لها و الآزمة الي مر فيها و عودته مع آخته مره ثانيه و كل الآحداث الي صارت كانت روووعه



بالنسبة للمباراه الي صارت بين المنتخب الآميريكي و المنتخب الياباني ،، آغلب الي باليابان راح آميريكــآ يشجع المباراه آقل مايقال عنها إنها حماااس مرهق للغايه جداً كانت رااائعه ، آهم مافيها حدثين !! آولهم رجوع جيبسون لآرض الملعب عشان يواجه جورو و مضرب ساتو الي انكسر ورجع خبط بصدر جيبسون و سقوط جيبسون بعد الآجهاد الي تعرض له في المباراه و خروجه منها



آخر المباراه و الآعصاب مشدووووده جداً و التحدي في آوجه !! جيبسون جونيور و جورو @@ نقطه المباراه الي خلتنــآ على آعصاااااابنا صعب ينوصف المشهد بـ كلمات صعب جداً ،، اكتفي بالصور و الي ماشاف ميجور حَ يفوت على نفسه كثييير كثيير



جورو مصدووووم جداً ،، خساره ماكانت بالحسبان عشان كدا كنت آقول ثقتو العمياء و المفرطه بنفسه ما آحبها عرفنا جورو و حنعرف ايش حيصير لما يثق بهذا الشكل و ينتهى بشكل مأساوي الآمر زي ماصار !! لدرجة جورو يرجع اليابان و يقرر يعتزززززززل



شيمزو آبداً ماتتركه لحاله ،، تجمع كل لاعبين ميفون و سيشو و يلعبو سوا كلهم مباره
كلها مشاااعر جورو الي يشوفهم من بعيد يبدأ يتذكر كل شي




و احلى مافي الموضوع الحوار الي دا بين جورو هوندا و جورو شيجينو
و يتخطى جورو الآزمه و يرجع لآميريكـــآ آخيراً مكانك ياجورو الميجور و بس

جزء جداً مذهـــل !! آحداث جداً كثييييره !! حمـــآس لا يوووصف آجواء جداً ممتعه آنتهيت منه في يوم ١٥ حلقه الصباح و باقي
الحلقات آخر الليل .. يعني تعتبر يومين بما إنه بعد ١٢ في الليل بجد كان جزء مآآستر بيس جداً جداً

مذكرات ميجورية [6\5]
To be continued........................

( الصور المتحركة إبداعات صفصف )

.
.
.

[Rama Primavera]

لربما ،، نرجع نكمل تدوين ميجور للموسم الآخير و الآوفآآ !!

[Rama Primavera]

مكان للآوفا في حال رجعنا !!

[Rama Primavera]

10\2\2004
10\2\2013

سلامٌ سلام ،،
لا شيء سوا أني أتممت تسع سنوات مكساتية




خطر على بالي السنة أزور الوندرلاند و آحتفل بالتسع سنوات مكساتية .. و كـ مظهر من مظاهر الإحتفال ،،
( قهوة عربية ، سينا ستيكس من دومينوز بيتزا و أنيمي على الشاشة و صلى الله وبارك )
رغم إني من الساعة 12 بالليل الليلة الماضية و المفكرة ترن ،، إلا إن النوم من ثم الدوام الطويل غلبوني
و تركولي وقت بسيط جداً فـ انتهزت الفرصة الآن عشان آزور راما في كهفها آصحصحها قبل آن تعود لسباتها العميق مجدداً
* يُغض النظر عن أن تاريخ المشاركة السابقة كان في عام 2011 + مارجعنا للآوفا ولاهم يحزنون

[Rama Primavera]

[Rama Primavera]

هيلوو ذير ايفري ون

ليـآ فترة آحوم حول الحمى اشتقت لأجوائي في الوندرلاند و لتدويناتي و لكل شيء مضى + عندي إصرار عجيب إني
آكمل تدوين ميجور الموسم السادس و الأوفا ،، بحثت بحث مضني عن الأنيمي بجهازي و بسيديهاتي و آغراضي مالقيت له آثر يذكر عموما الآن
مو حديثي هذا لأني بإذن الله بإذن الله راجعتلك ي ميجور

طبعا مازلت راما هي نفسها راما لسى ون بيسية آيسيآآ كونانية صحيح تزعزعت علاقتي مع الآنيمي شويا إلا عن ون بيس وكونان لكن
نظل أوتاكوو في قلووبنا أخيرا السنة الجاية بترمها الأول إن شاء الله نتخرج و نسير أخصائييّ إظطرابات لغة وتواصل أدعولنا





تلقيت من فترة الهدية الجمممميلة جداً أعلاه من أختي بعد تشبدي طبعا مدري إذا لازم آعبر ،،
الي يعرفوني يعرفو إيش كانت ردة فعلي بالزبط و الدموع وكل شي خخخخخ






قبل فترة لقيت تاق أسمو This or that فـ قلت يلآ فرصة نرجع فيه للوندر لاند التاق عبارة
عن عدة اقسام ميك اب \ فاشون إلخ إلخ .. المهم خيارين راح ألون خياري باللون العودي نبدأ بسم الله

Makeup





blush or bronzer
lip gloss or lipstick
eye liner or mascara
foundation or concealer
neutral or color eye shadow
pressed or loose eye shadows
brushes or sponges



Nails





OPI or china glaze
Long or short
Acrylic or natural
Brights or darks
Flower or no flower




Body





perfume or body splash
lotion or body butter
body wash or soap
lush or other bath company



Fashion






jeans or sweat pants
long sleeve of short
dresses or skirts
stripes or plaid
flip flops or sandals
scarves or hats
studs or dangly earrings
necklaces or bracelets
heels or flats
cowboy boots or riding boots
jacket or hoodie
forever 21 or charlotte russe
abercombie or Hollister
saks 5th or nordstrom



Hair






curly or straight
bun or ponytail
bobby pins or butterfly clips
hair spray or gel
long or short
light or dark
side sweep bangs or full bangs
up or down




Random





Rain or shine
Summer or winter
Fall or spring
Chocolate or vanilla

[Rama Primavera]

10-2-2004 | 10-2-2015

يالله ١١ سنة مرت ،، إحساس جداً غريب ، دخلت مكسات عشان اشوف موضوع مواقيت عرض الرسوم المتحركة بميجا تون
كنت ابغى اشوف اي شي من الزمن الماضي ع التلفزيون ،، ما آبغى احمل .. و كالعادة اخدني الحنين بين المواضيع هنا و هناك
و اتذكرت اننا في فبراير ، صحيح اليوم 18 ، بس مايمنع اني اتذكر تاريخ تسجيلي ، و كل لحظة مرت عليا بمكسات في السنين
الي راحت ، يمكن من 2011 انتهت ذكريات مع مكسات او قبل حتى ، لكن احساس اني كنت متواجدة بدا المكان قبل 11 سنه
من عمري ، تقريباً كنت طفلة ، مرت مراحل كثييير بحياتي و احداث كثييير ،، لما ارجع لدا الموضوع و اشوف بعض الاشياء الي منزلتها
على طول اتذكر ايش كان وضعي بديك الفترة كيف كانت حياتي ايش الاحداث اللي مريت فيها ،، سبحان الله ،، إحساس غريب ...


من الصدف الجميلة ، إن الرد السابق كان بنفس التاريخ لكن قبل سنتين ،،

[الدونا جوجو]

راما الون بيسية ^^
الي عارفه انها ما راح تدخل بعد ردها الا بعد سنتين ههههههه
انصدمت انك اقدم مني ايش كان اسمك السابق؟
اعجبني كلامك جداً مؤثر
مكسات و ذكرياته عالم لا ينتهي و لن ينتهي عندي حاسة نففسي زي اهل الاحياء القديمة الي تركوها سكانها و ما بقي فيها الا افقر واحد فيهم ههههههههههههههههه


عموما اتمنى عودة جميلة من جديد و حياة مكساتية سعيدة ^^
فين وصلتي في ون بيس

[Rama Primavera]

10\2\2004 - 10\2\2016
قبل منامي مر ببالي وحي سؤال .. !


كان من المفترض تكون المشاركة دي نازلة امس بتاريخ ١٠ لكن مشاغل الحياة بطريقة و آخرى اشغلتنا !
و بالصدفة كالعادة اتسلل مكسات خفيه خجلة من لقاء الاصدقاء المقصرين في وصلهم الباقين في ذكرانا ،،
دخلت و تفاجئت أن التاريخ 10 فبراير ! ياترى ايش السر اعتقد لتاني مره او تالت مره يحصل نفس الشيء انقطع
بالفترات الطويلة جداً و ما آدخل الا و يكون ذكرى تسجيلي ، ما آقدر اقول مر ليا 12 سنة مكساتية لأن عمري
المكساتي توقف عند سبع سنين فقط مانقول حزينين ولا نقول مبسوطين ، هيا مرحلة في العمر كانت جميلة
و آبت انها تزيد رغم عدت محاولات كلها بائت بالفشل ، ولكن الحنين للايام الجميلة دائما يسرقني للتجول بين
طيات الصفحات و استرجاع عبق الماضي الجميل في مكسات بصحبة الصديقات الحبيبات ،،
أكتر شيء آجبرني على الرد السنة رؤيتي لكثير من الصديقات المكساتيات و كيف الحياة تغيرت و نضجت
حسيت باحساس جميل جداً تذكرت احلامهم وطموحاتهم في السنوات الماضية حسيت بسعادة تغمرني ،،
و طبعاً تحية لـ جوجو المخضرمة الي زادت الحماس للرد مفاجئة لطيفة جداً بأخصصلها رد خاص لحالها :قلب:
( نسيت كيف استخدم السمايلات ياويح قلبي .. )

[Rama Primavera]

جوجوو المخضرمة
مفاجئة جميلة لطيفة و الله طلتك

الي عارفه انها ما راح تدخل بعد ردها الا بعد سنتين ههههههه
انصدمت انك اقدم مني ايش كان اسمك السابق؟

هههههههه كيف بس و انا جايتك بعد سنة
اسمي كان فشيلة استري عليا الله يرضى عليك

اعجبني كلامك جداً مؤثر
مكسات و ذكرياته عالم لا ينتهي و لن ينتهي عندي حاسة نففسي زي اهل الاحياء القديمة الي تركوها سكانها و ما بقي فيها الا افقر واحد فيهم ههههههههههههههههه

يعجبني تمسككِ بالماضي جداً ماشاء الله

عموما اتمنى عودة جميلة من جديد و حياة مكساتية سعيدة ^^
فين وصلتي في ون بيس

آتمنننى و الله ياليت ترجع الايام
وصلت لظهور سااابووو

سعيدة و الله بوجودك جوجو

[حلم صيفي]

مشاهدة اسمك مره أخرى يجعل الذاكرة تمر بعاصفة هوجاء
تعيد منها العديد من الأمور الممتعة , المبهجة , الحماسية , الون بيسية , الميجوريه الخ الخ الخ @_@

كوني بخير دوماً رمرم @_@