ابو خالد
سالفة (
لعبة تحية ) اذكر واحد ضربته و طاح في الأرض وصار يرجف كأن فيه سكني (جن ) المهم كان قبل نهاية الفسحة بدقيقتين
وكانوا المدرسين يطردون العيال للفصول يوم طاح الولد تخيل تجمعوا كل الطلاب في المدرسة والمدرسين والوكيل والمدير والي يطل من فوق في الأسياب
وناس يصارخون فيه واحد مقتول والي يقول هوشه وانا في رعب مدري وش اقول وش اسوي وفي ملاقيف اسمعهم يقولون هذا هو المجرم وجا الهلال الأحمر
وانا سحبني المدير مع اذوني وانا اسحب الله يكرمكم الزبيري وقاوم المدير
وخذ يا تشليخ بالخيزرانه وانا ما اقول شي لا اح ولا اي ولا خلاص ساكت ولا صوت ( يزعط قوي ) المهم المدير كسر على ضهري ثلاث خيزرانات يبيني اقول اهـ اح شي علشان ابو الولد يتنازل لا يشتكي في الشرطة و انا معطيه اشكل
المدير المسكين يبي ينقذني من اني اروح الأحداث وانا اتحداه لين داخ وترجاني وقالي ياولدي ليه ما تبكي علشان لا يشتكي عليك ابو الولد قلت له انت ما تعرف تضرب ( زعاطة ) وياليتني ما قلتها له ضربني ضرب سنة في ساعة
وين ما يوجعك بكل حقد لين انا دخت بس ما قلت اهـ بعدين حطوني في غرفة الوكيل طبعا الكلام هذا صار قبل لا يجي ولي امر الطالب الي طاح ويوم جا قاله
المدير سامحه الولد صغير ( انا ) و انا خذت حق ولدك و امسحها بوجهي واعتقد ان المدير تمنى انه ما قال امسحها بوجهي لأن ابو الولد قام للمدير وخذ يا مديرنا
تهزيء انت مدير فاشل انت وانت وانت .....الخ تدرون ليش راح اقول لكم ليش
بعد ما هزأ المدير المدير صار يترجاني ويعتذرلي ويقولي لا تقول لأبوك اني ضربتك ولا بيفصلوني وانا راح انجحك وراح اعطيك اجازة اسبوعين طبعا هذا
الكلام في مسجد المدرسة قدام الطلبة يعني رد اعتبار بدال الطق الي في الساحة
المفضلات