من أقوال الأمير ** عبدالرحمن بن سعـود رحمه الله **

[$$ شبيه انريكي $$]

سئل الأمير عبدالرحمن مره عن أحسن هدف شافه لسامي الجابر ..

فأجاب : أحسن هدف له هو هدفه في دعاية شماغ المراسيم ..
************************************************** ***********
ومره في برنامج على الهواء دقت عليه وحده وسألته سؤال مباشر ..

انت أمير مهوب المفروض إنك تجلس في الملعب المفروض تجلس في مكان الأمراء

ورد عليها قال : والله ياأختي لو هي على المفروض كان المفروض أنتي في المطبخ
وش دخلك في الرياضه
************************************************** ***********
وفي برنامج آخر على قناة الجزيره كان الحديث عن إمكانية إستضافة كاس العالم في السعوديه ..
فأتصل شخص من دولة الكويت يقول من وجهة نظره أن السعوديه لا تستطيع
إستضافة كأس العالم ولا تستطيع إستضافة أنديه العالم , لأنها تحتاج إلى
إماكنيات عاليه ..
فأتصل الأمير عبدالرحمن بن سعود .. مباشره بالبرنامج بعد الأخ ..فشكر الأخوان
على الموضوع المطروح وقال : أنا أتصلت تعقيبآ على كلام الأخ الكويتي اللي أتصل ويقول
السعوديه
لا تستطيع استضافة انديه العالم !!
ياعزيزي السعوديه إستضافت دولة بحكامها وشعبها وأنديتها ولمده أطول من كأس
العالم !!!
************************************************* ****************
ومره سئل عن أحسن فنانات الخليج ..

فأجاب : أحلام و جواد العلي
Loool
************************************************** **************
ومره يقولون ان الأمير سلمان بن عبدالعزيز عرض على الامير عبدالرحمن بن سعود

إمارة مدينه الخرج فرفض قائلآ : جماهير النصر أكثر من سكان الخرج ..
************************************************** **************
ومره يقال أن واحد قال للأمير عبدالرحمن بن سعود أن ماجد عبدالله يلبس سلسال ذهب على رقبته !!

رد عليه الأمير مباشره ..: يأخي ألبس رشرش (ذهب تلبسه النساء في الخليج ليلة العرس) وإلعب نصف لعبه
************************************************** *************
وسئل مره ليش دائمآ يقولون الهلال والنصر ! ما يقال النصر والهلال مثلآ ..

رد عليه يأخي بعد تراهم يقولون سيداتي سادتي
************************************************** *************
سألوه وش اغرب موقف شفته بحياتك الرياضيه

قال الله يعزّكم الأول الكلب اللي لحق ابراهيم الحلوه بالأردن اظن في البطوله العربيه والكلب الثاني اللي بإستاد جدّه

يقصد خالد قهوجي يوم يمد لسانه في مباراة النصر والأهلي
************************************************** ************
قال له واحد ان اكثر نادي شعبيه وجمااهير هو نادي الاتحاد..؟؟
قال لو جاء جيب الجوازات بالملعب ماتلقاء ولا واحد

رحمك الله ايها الرمز , بل رمز الكوره السعوديه او باللأصح الاسيويه

[هلالي للنخاع]

الله يرحمه ..

يا بن الحلال .. خلي الأموات بقبورهم ..
ما يصير هالكلام الي تقووله .. حتى ولو أن الكلام صادق ..
بس ما يصير .. الرجاااال متوفي .. وفي قبره الآن ..
ما نبي يجي واحد يتكلم عليه وسب فيه وهو متوفي ..
ولا يجي واحد متعصب مثلك يقول لشخص متوفي ..
الله لا يوفقه .. الله لا يرحمه .. ومن الكلام هاذا ..


ياخي أستحي على وجهك ..
كبر عقلك ..

[$$ شبيه انريكي $$]

ياخي وش تبي

وش دخلك

وبعدين انا كتبت الموضوع علشان اذكر النصراويين فيه

هذا عمك , وحارق دمك

اجل انا اسب فيه يا . . .

( ان لم تستحي اصنع ما شئت

[Mŕ.fάнάd]

الله يرحمه ويسكــنه جنة الفردوس

[$$ شبيه انريكي $$]

الدقيق \ امين يا رب

مشكور على المرور

[Senichi]

ما أقدر أقول أكثر من الله يرحمه و يغفر له

كيف تبغى رد على موضوع محتواه أقوال انسان ميت

احترامي / متقدمـ،،

[الألماسي]

الله يرحمة ويدخلة الجنة لاكن كلامة فية سوء ادب

[y.w.i]

اذكروا محاسن موتاكم

و هالموضوع ما له داعي

[شـــون بـــول]

موضوع ماله داعي ياشبيه إنريكي صدق انت تحب المشاكل .. حتى الأموات ماسلمو من إيدك . جايب لنا اقوال اغلبها اقوال فيها قله ادب .. اقول بس الله يرحمه كان ملح الرياضة والله

[عاشق 07]

شبيه انريكي


لا تعليق

[تمر سكري]

مأقول الا الله يرحمه ويسامحه


بصراحــــــــه :انت تبكي وتقطع القلب ؟"""ماعندك الا ذا الكلام كبر عقلك اشوي """



ولاتعليق اكثر من كذا

[crazy shark]

والله يا شبيه انريكي انا معاك في كل شي الا في اخر عبارة
وانتبه لألفاظك
مع تحياتي

[Tђ£ LεGεηĐ]

ههههههههههههههه

الله يرحمة..والله رجل بمعنى الكلمة .. واحب ازيد..

سألوه مره عن احتراف سامي باقابر في انكلترا..

قال: يا أخي الكريم .. الانجليز دائما ما ضحكوا علينا وخدعونا.. فنحن خدعناهم بإرسالنا سامي اليهم ..

والله يا شبيه انريكي انا معاك في كل شي الا في اخر عبارة
وانتبه لألفاظك
مع تحياتي

للمعلومية .. ترا قال هالكلام من دافع حب وعشق للنصر .. وليس كره في الاتحاد..


وشكرا يا شبيه انريكي

[Nistelrooy 17]

الله يرحمهــ
ويسكنه الجنهــ






سي يا

[Blood Tiger]

الله يرحمه أنا متذكر أيامه

أيام ما كان النصر في عصره الذهبي


بس على حسب رأيي بعض الأقوال لو ما كتبتها كان أفضل

لو جبت كلام من كلامه كان وقتها وقت الجد كان شفت رجااال

[Kla$ 187]

مشكور اخوي شبيه انريكي

الله يذكره بالخير

[~~~الفارس~~~]

الله يعطيك العافيه شبيه انريكي
الله يرحمه .. ويغفرله
ومثل ماقلت هو رمز الكورة الأسيويه
وشكراً

[محمد العُمري]

الله يرحمة ويغفر له ولجميع اموات المسلمين ..
وانا مع اخوي كريزي شارك عندي تحفظ على النقطة الاخيرة..

[The_Dark_Knight]

ما أقــول الا الله يرحمك يا بو فيصل...

وهذا الموضــوع أرى فيه إظهار التعصب النصراوي..

وانتظار الــرد الهلالي والاتحادي..

وهذا سيسبب التجريح والإساءة لشخص انتقل إلى عالم القبر والآخرة ولم يبق له الا الحساب والجزاء..

لا ينبغي الا أن نذكر له الأفعال الطيبة..

شبيه تريكي...

موضوعك يدل على حبك لهذا الرمــز... و لكن طرحك له سيؤدي إلى التجريح به...

مع تحفظي على بعض ردود الإخوان

اعلموا أني غير متعصب لأي نادي...

تقبلوا سلامــي..

[عالم المعالم]

الله يرحم الرمز
ومشكور على الموضوع الحلو