السلام عليكم ورحمة الله وبركاته~
كيفكم؟ بتمنى تكونوا بكل خير وصحة
~
أخيرًا وبعد طول انتظار وعناء،، بنزلكم موضوعي لـ مسابقة [ صوّر مَدينتك ]!
~
~بسم الله نبدأ~
للي مابيعرف،، أنا عايشة بالإمارات وحاليًا بالشارقة
^ فـ تصويري حيكون بهذه المنطقة..
لمّا نزّلت هانا المُسابقة على طول شاركت فيها، لكن بعدين احتست بحالي
وين بروح؟
شو بدي أصوّر؟
يا ترى أصوّر القسم الحديث من المدينة؟
ولا تراثها وشعبها الأصيل؟
وبعد يومين من إعلان المسابقة كنت بتصفح الجريدة<~ مُثقفة الأخت
ولقيت ضالتي //
إعلان عن مهرجان [أيام الشارقة التُراثيّة] و وين؟ بقلب الشارقة! <~ تعتبر من المناطق القديمة بالشارقة وحكومة المنطقة حافظت عليها وخلتها مركز الشارقة و[قلب الشارقة]
المهم، فورًا رتّبت طلعة مع صحباتي وجهزت الكاميرا للتصوير للمسابقة
صحيح كان في رطوبة مو طبيعية بذاك اليوم
لكن لعيون المسابقة والتصوير بروح لهناك
ما اتوقعت ابدًا تكون الأجواء بتلك اللطافة <~ اقصد اجواء المهرجان نفسه وليس درجات الحرارة
الكل مبسوط، وفي كثير مواطنين<~ ما شفت تجمع للمواطنين بتلك الكثرة بعمري
وكلشي تُراثي وقديم،،
في عموات [جمع عمو ] مجتمعين سوا وقاعدين يضحكوا ويسولفوا
وشباب يرقصوا رقصهم الشعبيّ
ومجموعة من المشاركين بالمهرجان قاعدين يطبلوا
والنساء قاعدين بـ خيمة شعبيّة يعملوا اشياء من القش<~ اعتذر عن نقص المصطلحات لكن ما بعرف شو كانوا عم يعملوا
وطبعًا شادو طيران لعند الأكل تشوف شو عندهم
أكل من جميع الأشكال والألوان،
واهم شيء اللقيمات مع الدبس
والبراتا مع شبس عُمان
وغيرها الكثير
بنفس الجريدة اللي قرأت فيها خبر المهرجان كان مكتوب إن هذه المنطقة مشهورة بالأسواق القديمة [أسواق من الذكريات] وهكذا كان عنوان موضوعي
~
الإلتقاطات بالردّ القادم،، وبعطيكم شويّة نصائح ممكن تساعدكم بالتصوير وتتفادوا أخطائي
~
المفضلات