السلام عليكم ورحمة الله وبركاته
بقالي زي سنتين لم اشاهد ناروتو وتفاجئت انه متراكم عليا زي 150 حلقة .. المفروض 100 بس اكتر من 100 ما اعرف ازاي .. المهم قعدت اشاهد واستخدم التسريع x2 بالفديو يعني الحلقة ام 22 دقيقة اشوفها بعشر دقايق وطبعا الصوت مسخرة لأنه مسرع بس اهو اترجم من ام الثرثرة ..
انا سمعت ان المسلسل خلص عند الحلقة 500 .. وحبيت استعرض هذا المسلسل وانطباعي عنه ..
اولا : الجزء الأول من ناروتو كان جميل وقتها ومليئ بالجنين
ثانيا : الجزء الثاني شيبودن كان أجمل .. لكن في كم موقف صدموني او جعلني اشعر بعدم الارتياح للمسلسل وفيه شخصيات سقطت بنظري
ثالثا : كاكاشي كان من اكتر الشخصيات اللي احبها .. بس ماضيه لما اتوضح اكتشفت انه سفاح وهو ما خيب ظني .. يعني كان مضطر بس كاكاشي توقعته شخص مثالي ينتصر دون قتل خصمه .. يعني يرح او يضرب ..
رابعاً : المعلم اسوكا وعلاقته بالمعلمة اللي مش فاكر اسمها ويكون ليه طفل غير شرعي ازعجتني .. كان حيحصل ايه لو تزوجوا .. ساعتها شعرت ان حياة النينجا مجرد اجساد تقتل بعضها ولها نزواتها .. وبدل ما كنت اتمنى اعيش في كونوهوا شعرت انهم عشوائيين ..
خامساً : الإيدوتنسي او اعادة البعث من الموت ممكن نكون اتعودنا عليه على سبيل انه يمثل مناجاة مع الميت .. لكنه كان شئ وثني للغاية ومفهوم الاله وعبادته غير موجود بالاساس .. واستشعرت أن العبادة عندهم للذات .. يعني قدرات الشخص او معلمه هو إلهه والعياذ بالله ..
سادساً : المسلل امتلأ بالمؤارات خصوصا فيما يختص بالأكاتسوكي .. يعني هي منظمة لها اهداف جيدة .. لكنها متىمرة وقامت بالتدمير .. وفيها نوايا شر رغم النية الطيبة يعني لخبطة وتغير من النقيض للنقيض .. هو كان مسلي ومشوق ولا بأس به .. لكن لما ترجع تتذكر تحس ان المسألة تافهة وبسيطة للغاية او ان الشخصيات ذات مشاعر طفولية متقلبة ..
سابعاً : لما "بين" احد الاكتسوكي دمر كونوهوا وحسب ما اذكر كاكاشي انقتل وناس ماتت .. يعيد ارواحهم ليعودوا للحياة الطبيعية .. يعني إحياء إلهي وليس استدعاء مثل الايدوتنسي وهو شئ جدا صادم يستحيل اتقبله وماله اي قيمة ..
ثامناً : عالم النينجا والتشاكرا وشجرة التشاكرا اللي وهبت البشرية ثمرة تحوي هذه القدرة وناسك المسارات الستة كل هذا تم توضيحه مؤخرا بعد سنوات طويلة جدا من المسلسل .. اعتقد كان حيكون افضل لو كان هذا الشرح في بداية المسلسل ..
تاسعاً : في الحرب ضد مادرا والكيوبي .. لاحظت ان الاكشن زايد عن حده .. طاقة هائلة تهدر والابطال ينهاروا بعدين ينهضوا تاني ويطلقوا طاقة تانية تهدر وهكذا .. يعني انا مش فاهم ايه لازمته التكرار ..
عاشراً : حلقات الفيلر وتذكر الماضي هي نفس الجزء الاول بس مع اعادة انتاج بشكل افضل وتذكرنا بالماضي اللي نسيناه مع اضافات .. هو شئ جيد وشئ بايخ للغاية لنه اعادة ..
أولاً بعد عاشراً : انا وصلت الحلقة 400 .. وفاضل 100 حلقة .. بصراحة .. النهاية ما حتهمني ولا حتفاجئني .. الاستعراض زاد عن حده ..
ثانياً بعد عاشراً : انا غاضب لنزول جزء ثاني وهو بوريتو لأن خلاص مسخوها .. يكفي ..
ثالثاً بعد عاشراً : في ناس كانت تتابع ناروتو وتترقب نهايته .. لكنها للأسف توفت .. ما عندي تعليق غير اني آسف لما حدث لهم .. لكن مثل هذه المسلسلات الطويلة من المثير للسخرية انها ممكن تكون اطول من اعمار بعض الناس .. ومن المزعج شوية انك تترك كتاب او قصة او مسلسل لم ترى نهايته ..
رابعاً بعد عاشراً : جيرايا المحبوب كان بتاع نسوان للأسف وكان حيكون المسلسل أفضل لولا هذا الامر .. أما تسونادي ففكرة انها مقامرة وطبيبة مش راكبين على بعض .. كان ممكن لو انها شاربة خمر او ثملة اتقبلها لكن المقامرة والفلوس الحرام هي تعكس روح خبيثة .. فكون انه يتم عرض هذه الشخصيات ذات الفضائح باسلوب محبب وكانه امر طبيعي .. لكن الهوكاجي كانوا محترمين وحت تسونادي بطلت المقامرة وتحملوا المسؤولية فممكن نتقبل هذا التخير الايجابي ..
خامساً بعد عاشراً : زعيم الانبو حسب ما اذكر اسمه دانسو او داتسو هو يمثل الظلام .. والظلام يعني جرائم .. ويمكن هو تسبب بكوارث لكونوهوا مالها داعي .. وفكرة ان الظلام يخدم النور هو مبدا "شيطاني بحت" .. وكمان ارادة النار أوحى لي بعبادة النار .. بمنى اني استشعرت الوثنية التامة للمسلسل ..
سادساً بعد عاشراً : انتحار ابو كاكاشي عشان عار خروجه عن قوانين النينجا .. امر ازعجني ويتنافى مع المبادئ السامية اللي يدعيها المسلسل ..
سابعاً بعد عاشراً : شخصيات ناروتو بالكامل بما فيها نيجي وغيره شعرت انهم مبعث للكآبة .. وحتى هيناتا اللي كن اشوفها قمورة وعسل بريقها قل كثير يمكن انظلمت بالرسم او لما كبرت بقى فيها نوع من الهطل .. مش عارف .. لكن ماعداوا يبهروا زي زمان ..
ثامناً بعد عاشراً : كمية الكآبة والنكد في ناروتو جعلت القلب ميت لدرجة ان اي احداث نصر او سعادة او حتى كوميديا لن يكون لها طعم ..
تاسعاً بعد عاشراً : الرومانسية ضعيفة وسطحية ومستفزة وكتومة فوق الوصف .. يمكن فيه بعض الكوميدية لكن المستوى مؤسف .. كمثال حب جيرايا لتسونادي اللي ما تحقق لأن الطرفين سلبيين وان جيرايا يدور نساء يشبهوا تسونادي يعني هذه طريقته بالحب ! هذا غير ساكورا ما اقد اوصف مشاعرها بانها لها علاقة بارومانسية اصلا اتجاه ساسكي وما تفهم هل ليها مشاعر اصلا ام انها عشوائية .. وهيناتا رأيي كانت كتومة بشكل كان واضح وطويل وعدم احساس ناروتو اتوقع ان ناروتو كان قدوة او اعجاب اكثر من كونه حب فعلي .. وممكن اختصر وصف الشخصيات بالمسلسل بأنها "قاصرة العاطفة على المستوى الشخصي" .. وحتى اوبيتو والخراب اللي تسبب ليه بسبب عاطفة قوية في ظاهرها لكن كتومة بشكل مبالغ ..
عشروناً : اسم المسلسل "ناروتو" بدأت افهمه الآن .. لأن ناروتو هو محور هذه الاحداث .. لانه المرتبط بالكيوبي ومرتبط بمشروع القمر .. وانه اكثر الشخصيات قوة بفضل الكيوبي بمعنى انه الشخصية الرئيسية .. اما ساسكي اللي اعتبرناه شخصية رئيسية أنا انظرله كشخصية مساعدة او "عامل محفز" لناروتو .. لأنه لو كان رئيسية كان اسم المسلسل "ناروتو وساسكي" .. وحت كاكاشي المعلم اضبح تلميذ يتعلم من ناروتو .. كما انه اكثر شخصية مسالمة وتستحق المحبة والتعاطف .. يعني بريق بقية الشخصيات تلاشى .. وناروتو اللي كنا نعتبره شخصية هزلية كوميدية اصبح هو الكل بالكل ..
:
أولاً بعد عشروناً : انا ثرثرت كثير وكنت ححط الكلام بالمدونة بس قلت احطه بالتون بعد ما عملت جريدة وانا بلا وعي .. لو كان الموضوع مقبلو بالتون كويس واتمنى اشو آراء .. ولو مش مناسب أحطه بالمدونة ..
ثاياً بعد عشروناً : عارف انكم بتتريقوا عليا عشان كاتب "أولاً بعد عاشراً" ومنين جبتها وهل هي صح او لا :: اسألوا حد بالعربي انا كتبتها كذا اللي اعرفه من اولا لعاشراً بعد كذا ايه ما اعرف ::
أحلاماً سعيدة وحياكم الله =)
وأوصيكم تستغلوا وقتكم بما هو مفيد "حتى لو نوم أبركلكم" .. وأعتقد ان ناروتو اخذ من وقتنا ما يكفي .. ومش ناقصة مسلسل تاني اسمه بوريتو وبعه بوريتو شيبودن وبعدين خرابيطو وخرابيطو شيبودن .. ناروتو طلع ديك أم الواحد عشان يخلص .. ::
واعذروا انفعالي انا مضيع X_X محتاج احمل 90 حلقة والنت زفت ..
المفضلات