* ملاحظة صور الشروحات من اليمين إلى اليسار *
قائمة الأدوات
ضبط الصُورة
نبدأ بالأشياء المأشرة من فوق، اللي فوق هذا لما تضغطوا عليه يطلع لكم الصُورة بدون التأثير ..
و بالنسبة للي كأنه إحصائيات هذا يظهر لكم توزع الإضاءة و الألوان في الصُورة بطريقة بيانية، بصرآحة مو كثير فنانة في هالشي فما أحس له فايدة
و اللي شكل إعدادات، هذا بيطلع لكم القائمة اللي على اليسار حتى تتحكموا في خصائص التأثير ..
تختاروا الخاصية اللي تبغوا تغيروها في الصُورة و بعدين تسحبوا بأصبعكم لليمين للقيم السالبة و اليسار للقيم الموجبة في كل التأثيرات في التطبيق تزبط معاها ..
و اللي كأنه عصاة سحرية هذا خيار من التطبيق هوه يعدل الصُورة بطريقة أتوماتيكية للتأثيرات، يعني يزبط الإضاءة و كل شي ..
أحس هذا الخيار " ضبط الصورة " من أهم الخيارات و أولها عشان تزبطوا الصُورة تمام ..
التفاصيل
هذا التأثير مو كثير حبيته، ممكن يفيد في بعض أنواع الصُور لكن كما ترون الصُورة عندي راحت شي عجيب من بعده
ممكن تفيد في بعض أنواع الصُور اللي تكون فاتحة أو شي، ما أعرف بصرآحة ، لانه حتى في الفوتوشوب ما أستخدم فلاتر أو أكشن زي كذا
اقتصاص
هذا عاد من أيام الوورد و البوربوينت و الكل يعرف له
يعني اقتصاص، لو ما عجبك جزء من الصُورة أو كانت الصُورة كبيرة لحد التشتيت عن الموضوع الأصلي للصُورة فالاقتصاص خيار جدًا جيد لاستخدامه ..
تدوير
الصورة في اليمين لتدوير و في اليسار للمنظور
في هذي تقدروا تعدلوا خط الأفق المايل ..
و فيه برضوا فيه العصى السحرية اللي تختار لكم التعديل المناسب، فممكن تستخدموها و بعدين لو ما عجبكم تعدلوا على تعديلها
المنظور
الصورة في اليمين لتدوير و في اليسار للمنظور
في هذي معطينا البرنامج خيارات يا كثرها، يعني لو مثلاً صورت شي مرتفع و طلع واضح جدًا إنه مصوره من تحت، فتعديل المنظور مرة بيكون كويس، أو حتى لو من زاوية جانبية و ما عجبتكم ..
و برضوا التطبيق يعدل بطريقة ذكية بحيث الأطراف يزبطها بطريقة أتوماتيكية على شكل الصُورة ..
توازن اللون الأبيض
شفتوا شكل الـ AW هذا نفسه العصاة السحرية اللي في خيارات التعديل الأخرى ..
و التعديل في الصُورة يكون حسب الحرارة أو التلوين، أحسه يشبه تأثير vibrance في الفوتوشوب ..
و أما أداة القطارة، هذي لو تبغوا توازنوا جو و ألوان الصُورة مع جزء معين من الصُورة عاجبتكم ألوانه و تبغوا تضبطوا الصُورة كاملة زيه ..
فرشاة
هذي لو طلع عندكم فرق في الإضاءات بين أماكن الصُورة، مثلاً لو كان مكان الإضاءة غلط وقت ما صورتم ..
فمداكم تعدلوا على الصُورة بتفتيح الأماكن المظلمة أو المنيرة في الصُورة، يعني ما يعطيكم تأثير كامل على الصُورة بس على الأماكن اللي تبغونها و إنتم تختاروا نوع التعديل زي ما هوه ظاهر لكم في الصُورة ..
المفضلات