السلام عليكم و رحمة الله و بركاته
كيفكم يا من منتظر جديد مواضيعي؟
إنشاء الله بخير؟
أقدم لكم مجموعة أشعار في قمة الروعه و الإحساس
أتمنى إنها تعجبكم
انا كل ما لمحتك قلت يا ربي .. عساني ما اختلف ويبان في عيني
تجيني بكل برود الكون وتسلم .. يصافحك الحكي كله بيديني
احبك اعشقك لو كانت تكفي .. غيري في الغلا لا ما تكفيني
انا لو ما كتبتك فوق بشموسي .. والبسك النجوم اللي تضويني
انا لو ماعطيتك عمري لك كله .. وسكنت في كل لحظة حب في سنيني
اكون مقصر في حقي قبل حقك .. يا ليتك مثل ما اعطيك تعطيني
كلمات: سعود بن محمد العبدالله
احكي بهمسك حبيبي توّها تغفي جروحي
لا تصحيها ترا تنويمها عندي صعب
ليه متأخر حضورك ؟
راحت ايامي وروحي !
لي ثلاث سنين بحدادي على قول العرب
احرجوني في سؤالي عنك وما اقوى ابوحي
كل ما قالولي وينه ؟
قلت .. ماربي كتب !
ايش اجاوب ؟
وانت داري عارف الحال بوضوحي
من يصدقني اذا قلت الفراق بلا سبب ؟!
توّها تنزل دموعك !
جعلها تكفير نوحي ..
الله يسامحك مابي ادعي بلحظة غضب
صرت ماضي في حياتي وانت بالماضي طموحي
دارت الدنيا وياما دارت الدنيا عجب !
خذ جنودك من خفوقي ما بقى لك بي فتوحي
جيشك اللي مارحمني .. بعد مافاز .. انغلب!
لا تجيني ودي تنسى دربي وترحم جروحي
خلها تغفى طلبتك هذا هو آخر طلب
كلمات:العالية
من قال بموت لا من طحت من عينك
ولا تنسيت حبي قامت الساعه
يمكن شويه غلا من بيني وبينك
سويتها سالفه و الروح ملتاعه
اتموت ما جبت راسي لو كثر زينك
واموت ما يشتكي قلبي من اوجاعه
ياللي تبي تطعن فوادي بسكينك
النفس تامر ولكن ما لها طاعه
صدقت نظرت عيونك في محبينك
والعين يا زين بعض احيان خداعه
لا تحسب انك ملكت القلب بيدينك
بدري على مثل سنك يلوي ذراعه
ما همني لو فنت في حبي سنينك
قلبي لي يَ صد ، صد ويصعب قناعه
غرك جمالك حبيبي ربي يعينك
الزين قال المثل من زانت اطباعه
م اذكر ل يَ غبت عني اسالك وينك
ياللي سيوف الجفا بياديك قطاعه
مات الغرام و وروده في بساتينك
قلبن جرحته طوى من حبك شراعه
كلمات: هزاع بن ناصر الهاجري
مرت سنة والعين يعشقها السهر . . . ومرت سنة والشوق باقي ما انمحى
ومرت سنة والقلب ذابحه الهجر . . . ومرت سنة والهجر عيّا ما استحى
ومرت سنة ومرت سنة وأنا أنتظر . . . ومرت سنة والوصل نايم ما صحى
ومرت سنة ما جا من الغالي خبر . . . ودارت على حّب المحبّين الرحى
ومرت سنة صابر وعذري في الصبر . . . شماتت أصحاب الشوارب واللحى
وعيونه السود وشفايفه الحمر . . . وجديل يضىفي فوق متنه لا انتحى
وصدرٍ يسد الليل عن نور القمر . . . وخدٍ يسد الصبح عن شمس الضحى
ومرت سنة واخاف لا يروح العمر . . . وأنا أنتظر والشوق باقي ما انمحى
كلمات: فزاع
الله يغمرك بالهنا والسعاده .. ياللي جعلت ايامي افراح وياك
في نظرتك هيبه شموخ واراده .. وفي وقفتك تكثر بعيني مزاياك
واشوف ليلي بشعرك وسواده .. واشوف شمسي مشرقه في محياك
واشوف في رمشك جيوش الاباده .. واشوف في عينك مدارات وافلاك
سماع صوتك حزة النوم عـــــاده .. صار السهر .. شي اساسي بلياك
طلع معي سكر على غير عاده .. وهذي سبايب كثر وصلك ولاماك
في شفاتك الثنتين سكر زياده .. حاول تقلل نسبته في شفايااك
يمشي على شورك ويترك مراده .. قلب يحبك لأن .. ما عنده ادراك
وان غبت قلبي معلن لك حداده .. وان جيتني .. متعه حياتي بلقياك
خلاص انا قررت .. وبــلا هواده .. أفارقك واشبع خفوقي بفرقاك
تعبت من كثر الفرح والسعاده .. ابغي اجرب طعم الأحزان وياك
كلمات:فزاع
تفرقنا السنين ونجتمع والجرح نفس الجرح
على درب الفراق دموعنا تسبق خطاوينا
شرحت ظروفنا للوقت لكن مافهم للشرح
صبرنا والصبر جمره وراء الاضلاع كاوينا
ترى وجه المتيم لو تبسم لاتحسبه مرح
امانيه تهاوى من عيونه مثل امانينا
بنى من ذكرياته في محيط العاطفه كم صرح
لكن هاج المحيط ومالقاله ساحل وميناء
ياناس العيد ماله لون ولاله طعم ولا له فرح
واذا قلتوا وش الاسباب قلت الله يعافينا
نلوم الوقت والقصة ماتبغي جمع ولا طرح
لأن العيب من ربي خلقنا ساكنٍ فينا
كلمات:فزاع
غلطة وحده ولا يهمك واعتبرني ما أحس
أنت قلبك دوم يغلط جت على هذي وبس
ما في داعي لإعتذارك هذا جرحي وفك بابه
يكفي إني من عذابك صارت جروحي تشابه
مدري أخطيت بشعوري ولا أنا أخطيت بغلاك
دلعك قلبي شسوي ما يبي إلا رضاك
تغلط بحقي واسامح وانت ما همك رضاي
اغلط أكثر لا يهمك المهم تبقىمعاي
كلمات:هزاع بن ناصر الهاجري
وفي الختام....أتمنى إن الأشعار عجبتكم
وكل ما لقيت أو قريت أشعار حلوه راح أحطها
في أمان الله
المفضلات