مجموعة من روائع الشاعر صلاح جاهين (رباعيات بالعامية المصرية)

**سليمان خاطر** · 17-09-2018, 01:38

1

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

**سليمان خاطر** · 17-09-2018, 01:39

2

أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!

**سليمان خاطر** · 17-09-2018, 01:40

3

انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!

**سليمان خاطر** · 17-09-2018, 01:41

4

نوح راح لحاله والطوفان استمر

مركبنا تايهه ولسه مش لاقيه بر

اه م الطوفان واهين عليك يا بر

ازاي تقدر تبان والدنيا غرقانه شر

عجبي !!

**سليمان خاطر** · 17-09-2018, 01:42

5

يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!!!

**سليمان خاطر** · 17-09-2018, 01:42

6

الفيلسوف قاعد يفكر سيبوه

لا تعملوه سلطان و لا تصلبوه

ما تعرفوش إن الفلاسفه يا هوه

اللي يقولوه بيرجعوا يكدبوه

عجبي !!!

**سليمان خاطر** · 17-09-2018, 01:43

7

يا مشرط الجراح أمانة علـــــــــــيك

و انت ف حشايا تبص من حواليــك

فيه نقطة سوده في قلبي بدأت تبان

شيلها كمان .. و الفضل يرجع إليك

عجبي !!!

**سليمان خاطر** · 17-09-2018, 01:44

8

دخل الشتا وقفل البيبان ع البـــيوت

وجعل شعاع الشمس خيط عنكبوت

وحاجات كتير بتموت في ليل الشــتا

لكن حاجات أكتر بترفض تمــــــوت

عجبي !!

**سليمان خاطر** · 17-09-2018, 01:44

9

فارس وحيد جوه الدروع الحديد

رفرف عليه عصفور وقال له نشيد

منين .. منين.. و لفين لفين يا جدع

قال من بعيد و لسه رايح بعيد

عجبي !!

**سليمان خاطر** · 17-09-2018, 01:45

10

إيديا في جيوبي وقلبي طــــــــرب

سارح في غربة بس مش مغترب

و حدي لكين ونسان و ماشي كده

وبابتعد ما اعرف .. أو باقـــــترب

عجبي !!

**سليمان خاطر** · 17-09-2018, 01:46

11

ا ميت ندامه ع القلوب الخـــــــــــلا

لا محبة فيها و لا كراهـــــــــــه ولا

حتي يا قلبي الحزن ما عادش فيـــــك

معلهش .. لك يوم برضه راح تتملا

عجبي !!

**سليمان خاطر** · 17-09-2018, 01:47

12

عجبي على العجب العجيب العجاب

لما الحقيقة تطل بعد احتجاب

و تروح و تحلا وفجأة تصبح مفيش

كمثل طراطيش بحر ياما خد و جاب

عجبي !!!

**سليمان خاطر** · 17-09-2018, 01:48

13

علم اللوع اضخم كتـــــــــاب في الأرض

بس اللي يغلط فيه يجيـــــــــبــه الأرض

أما الصراحة فأمرها ســـــــــــــــــاهل

لكن لا تجلب المال و لا تصون العرض

عجبي !!!