غلابه والله يابا . بالعاميه المصريه
غلابه والله يابا
ولا لينا خير فى حد
وحظوظنا مايله يابا
ولا بيتمر فى حد
ومدام قلبت ديابه
وشوكها خنق الورد
هنعيش غرابه يابا
لا نود ولا نتود .
خاب العشم يابا
قصر الكلام بانوا
واحنا اللى يبيعنا يابا
يهون زى اللى هانوا
خساره الطيابه يابا
مع اللى باعوا وخانوا
....
فى الدنيا ديه يابا
احنا اخدنا دروس
وعرفنا أن الرخيص
هو اللى تمنه فلوس
واحنا الغوالى يابا
ولا حدش علينا يدوس
لو كان عالقلب يابا
تحت القدم هندوس
مهما اتملينا يابا
والقلب عاش متروس
.....
ماتخافش علينا يابا
احنا اتخلقنا جبال
ولا ضهرنا بينكسر
مهما نشيل أحمال
لكن مكدبش يابا
ينقصنا راحه البال
عايشين فى الدنيا يابا
كان مش عايشين
عماله تسرقنا يابا
وهلم جره سنين
نزرع فى الفرح يابا
الشكوك يطرح فدادين
واحنا عايشين صبابا
صابرين ومش صابرين
والحمد لله يابا
شاكرين كمان حامدين
....
#الشاعر_عماد_سمرى
.......
غلابه والله يابا
شعر بالعاميه المصرية
الشاعر عماد سمرى
اضافة رد مع اقتباس
المفضلات