ايش هذي الاسامي الغريبة اللي تجبينها يابنت :محمد خيري ,هادي صوعان مين هذوووول؟؟؟؟ والله مااعرفهم
ايه احنا عائلة رياضية بقوووة من اختصاصاتنا :جري,مصارعة حرة,كرة قدم
بالنسبة للركض هذي لازم نسويها كل يوم في البيت عاد انا سريع في الجري والله قبل كم يوم كنت الحق ورى اختي اشوتها بالكورة هي تهرب وانا الحق وراها عشان اضربها بالكورة
اما المصارعة الحرة تعرفون برنامج WWF اللي كان يجي على القناة الثانية اغلب الحركات اللي في WWF كان اخوي يطبقها علي عاد هم كانوا يطبقونها تمثيل لا هذا يسويها من جد ويقول لي هذا مزح وانا قاعد في امان الله هذا يجي مسرع لي ويبدأ استهبال علي اما يرفعني فوق ويقطني عالسرير او يزنط الرقبة و مايهدني الا اذا شاف نفسي بينقطع او يجيب البطانية ويلفها علي يكتمني ... في حركة يسونوها المصارعين انهم يضغطون عالراس باليد مره سواها فيني من فترة قريبة والله ماهدني الا لما جت امي تضربة بالشبشب {الله يكرمكم} اللي كانت لابسته سمعتني وانا اصارخ {يا امي يا امي الحقي علي} من كثر ماضغط على راسي اول ماهدني انا اشوف الدنيا قدامي تلف وتدور والله قعدت يوم كامل وانا راسي مصدع
القانون السائد عندنا في البيت البقاء للأقوى ... اخوي كان متسلط علي وانا كنت متسلط على اختي عاد دائما كانوا الأثنين يتفقون علي اذا اذيت اختي واخوي سمعنا يجي يلحق وراي و يسحبني الغرفة وينادي اختي ويسدحني على الارض و يمسك يدي ورجلي و يقفل الباب عشان اذا صارخت امي ماتسمع ويقول لاختي خذي حقك منه واصقعيه كفوف اول ماتصقعني كف كان يقول لها لا هذا خفيف اعطيه زي كذا عاد اللئيمة ما كانت تصدق والله تصقعني كف بكل قوتها طراق يجيني من اخوي وطراق منها ما يتركوني الا اذا اعتذرت من اختي واقول لها {ياعمتي ........ انا آسف}في البداية ماارضى اقول الجملة بس تجيني دفعة جديدة من الطراقات فاضطر في النهاية استسلم خلاص خدودي احترقت
اما كرة القدم فانا اعشقها منذ الصغر ليومنا هذا كانت الكرة ماخذه عقلي<<<كابتن ماجد على غفلة
على ايام اول اما اني العب الكورة مع عيال الحارة او نلعبها عالسيجا او play station واذا رجعت البيت اكمل لعب الكرة مع اختي دائما اخليها الحارس واقعد اشوتها بالكرة او نلعب كورة بالسيجا ... بس حاليا فقط اتابع المباريات على الإي أر تي الرياضية واكثر شيء اتابع الدوري السعودي و الاوروبي ... فريقي المفضل الإتفاق السعودي ... عاش فريق الأتفاق عاش فريق الإتفاق ولتسقط الأندية الأخرى عاد وانا اطالع مباراة لحد يقعد جمبي لاني اتفاعل مع الاهداف امكن من الفرحة لا شعوريا اعطي اللي جمبي طراق و لازم مع الهدف اخذ لفة عالبيت واصارخ Go0o0oo0o0o0o0o0oL عاد كل البيت يتجمعون وش فيه انا اجاوب جبنا
Go0o0o0o0o0o0o0o0oL
الله الله يا منتخبنا
ان شاء الله تحقق أملنا
بأسم الوطن ... العب بفن
هز الشباك جمهورك وراك<<<انفعل الولد مع الكورة
<<<ثلاث رصاصات في الجو
)
حلقة و لا اروع
المفضلات