+؛+|| :: رابــطة الكره القطـــريه ::||+؛+

[A.N.G.E.L]

لن اغلبيه ربعي اللي يشجعون الريان .. دايما يسبونا وجي .. لدرجة اوصلت ان اذا فزنا عليهم مايلكمونا .. يحقدون عشان فريق او شي .. ولو فزنا يقولن بالغلط

خخخخخخخخخخخخخخخخخ ...
والله هااي الوكره لو تشوفين شيصير عندنا في الصف ..
احنا نكون 6 .. 2 يشجعون السد و2 العربي و2 الريان ... احيانا نتهاوش بدرجه انه في الـ 5 دقايق المدرسه كلها متيمعه عندنا ... صراخ وسووووووالف ما تخلص .. والحين هديينا وانشاء الله مع بداية الدوري كلشي بيرجع .. والله احلى شي .. وحتى لو تدخلين منتديات الكوره القطريه شوفي المشاكل ..
ترى هالشي عااااادي تعودنا عليه وفي كل الدول موجود لكن بدرجات مختلفه

على العموم مبروك فوز المنتخب .. >> والله عيب جابوا علينا قوول حلو بعد من فاول .. وقول قطر الاول من بلنتي غلــط .... والمعلق يقول حلم كاس العالم صارله 6 سنين .. مفهي الريال الحين الحلم صارله 76 سنه وهاي يقول ست سنين

[missme]

سكوال

أولاً مبروك علينا فوز المنتخب

اشوى لحقت على الشوط الثاني

خي خي خي !
انا مالحقت لا عالاول ولا الثاني .. كنت مشغولة ولم رحت بشوف الشوط الثاني الا المباراة مخلصه
<<تو الناس

عااد انا غيييييير

حلو ..

ومشكوور سكوال عالاخبار الريانيــه ؛^^؛

[missme]

آنجل بدون نقط

احنا نكون 6 .. 2 يشجعون السد و2 العربي و2 الريان ... احيانا نتهاوش بدرجه انه في الـ 5 دقايق المدرسه كلها متيمعه عندنا

خخخخخ .. من يكفخ الثاني ؟

صراخ وسووووووالف ما تخلص .. والحين هديينا وانشاء الله مع بداية الدوري كلشي بيرجع .. والله احلى شي ..

لا بل
الحين احنا ماظن يصير عندنا جي
لن كل بنات صفي فلسطينين ومصاروة ورفيجتي قطرية بس والله حتى ماتعرف ليش يعطون كرت احمر
عشان جي ماظن حد يتحدى او شي

على العموم مبروك فوز المنتخب ..

الله يبارك فيك ..
ومبروك للكل ^_^! ..

والمعلق يقول حلم كاس العالم صارله 6 سنين .. مفهي الريال الحين الحلم صارله 76 سنه وهاي يقول ست سنين

خخ عيل شقول انا في مباريات الوكرة ماسكه دفتر وقلم وامسك الحرقات والسوالف اللي كلها غلط في غلط ..

[missme]

يبت لكم المجموعات والجداول ..عاد على ماظن يايبتهم من هاي موقع اللجنه الاولمبيه مادري مادري توني يايه من المدرسه ومفهية





جدول المباريات

وسلام .. بالتوفيق بكرة للوكرة .. اخخخخ ام يفوزون علينا معيذر شي عجييب <<

[missme]

الموج الأزرق يغرق مرمى معيذر بأربعة أهداف نظيفة


حقق فريق الوكرة فوزاً كبيراً بتغلبه مساء أمس على فريق معيذر بأربعة أهداف مقابل لا شيء في المباراة التي أقيمت بين الفريقين في إستاد ثاني بن جاسم بنادي الغرافة ضمن منافسات المجموعة الأولى لبطولة كأس الشيخ جاسم لكرة القدم.
وسجل أهداف الوكرة ميرغني الزين د(45) وحسن القاضي د(55) وعبدالله الدياني د(85) وفواز أمان د(88).


.
.
.
منقول

----
مبروك علينا ..
عاد عقبال الفوز على افرقه اقوى

[missme]

نتايج مباريات أمس

الخور × الشحانيه
4\0

الوكرة×معيذر
4\0

السيليه × قطر
5\2

السد×الشمال
4\0

====
غريبه كل 4
زين في تطور

ويلا بالتوفيق للريان اليوم

[A.N.G.E.L]

طبــعا انتهت مباراة الريان بأكبر نتيجه 5/0 ..

الي جاب الاهداف ..

امبينزا هدفين
وليد جاسم
عادل لامي
والحارس قاسم برهان

وهــذي باقي النتايج ..

العربي × ام صلال
1 × 1

الغـرافه × الخريطيات
4 × 0

الاهلـي × مسيمير
2 × 2

[missme]

طبــعا انتهت مباراة الريان بأكبر نتيجه 5/0 ..

الي جاب الاهداف ..

امبينزا هدفين
وليد جاسم
عادل لامي
والحارس قاسم برهان

مبروك مبروك

وهــذي باقي النتايج ..

العربي × ام صلال
1 × 1

بل!

^^^
ومشكور انجل على النتايج ..

[A.N.G.E.L]

هلا ..

امس انتهت مبـاريات مجموعة السد

طبــعا الكل يعرف نتيجة السد على معيذر 21/صفـر ..
والوكره والشمال 0/0
السيليه والخور 1/1
قطــر والشحانيه 2/0

الســد والسيليه تأهلوا والوكره وباقي الانديه طلعوا كلهم

واليوم الريان ظامنين تأهلمهم 99% لازم يخسرون ومسيمير يفوزون 9/0 علشان يطلعون ..

[squal]

هااااي..


انتهت قبل شوي مباراة السد والريان

وفاز السد بالكاس..مبرووك

والريان اذا تموا بهالمستوى الحلو عيل ابشروا بالخير

آخر الدقايق منزل وليد شبيسوي يعني
.
.
.
لاحول الله..
احساسي يقول اول مدرب بينشال هو لوزانو

[A.N.G.E.L]

^^

المدرب كــان يجرب اللعيبه

احساسي يقول اول مدرب بينشال هو لوزانو

هذي اول مبــاراه يخســرها ..
من يوم ما استلم الفريق

الفريق ناقصه صانع العاب محــترف
وبيكتمل 1000000 %

[KWAN]

تسلمي على الموضوع
و ان شاء الله يكون موضوع حلوو

[missme]

هلا ..

مبروك علينـا الفوز امس .. ^^؛ .. عاد مايندرى مع مباراة العربي شسالفه

المهم يبت لكم الجدول عاد هالمرة ماقدر ارفع وجي لن بمووت عشان ارفعه ولا بينرفع لي

يبت لكم الرابط على طوول .. ^^مباراتكم بكرة عاد مع الغرافـه أواب يشجع الغرافة

جدول المباريات

سلامـ ..

[missme]

تسلمي على الموضوع
و ان شاء الله يكون موضوع حلوو

العفــو ..

[missme]

نتائج مباريات هالاسبوع

الوكرة ×قطر
2-0

الاهلي×ام صلال
0-4

السد ×الشمال
3-0

الغرافه×الريان
3-1

العربي×الخور
2-1

[A.N.G.E.L]

الغرافه×الريان
3-1

مالت ع الريان والي يشجع الريان>> اعني نفسي لحد يقول شي
... والله هذي بدايه قويه ما شاء الله
ثلاث اقواال >> الحمد لله انه ثلاثه مب 8 وله 9

الله يستر من ام صلال ... انشاء الله ما يصكونه بعد

[squal]

هااايووو ^_^

ألف مبرووك ميسموو على الفووز

مالت ع الريان والي يشجع الريان>> اعني نفسي لحد يقول شي
... والله هذي بدايه قويه ما شاء الله
ثلاث اقواال >> الحمد لله انه ثلاثه مب 8 وله 9

الله يستر من ام صلال ... انشاء الله ما يصكونه بعد

ماقلت لك اني حاس ان اول مدرب بينشال هو لوزانو عيل هذي تشكيله بالله عليك؟

انت قلت:

المدرب كــان يجرب اللعيبه

الظاهر للحين قاعد يجرب

هذي اول مبــاراه يخســرها ..
من يوم ما استلم الفريق

وهذي الثانيه والبقية في الطريق ..ياحسافة والله..لا بعد مستانسين لابسين نفس قمصان لعيبة إيطاليا

الفريق ناقصه صانع العاب محــترف
وبيكتمل 1000000 %

وليد يقدر يصنع ألعاب ويسجل اهداف لكن ذكاء المدرب خلاه يحط وليد في الاحتياط
.
.
الله يستر من ام صلال..

[BL@CK DE@TH]

مشكورين على الاخبار الحلوه
والدوري القطري دوري جميل

[A.N.G.E.L]

ماقلت لك اني حاس ان اول مدرب بينشال هو لوزانو عيل هذي تشكيله بالله عليك؟

الله يهداك .. لوزانوا غلــط بس انت شفت اللعيبه .. لو اييون فريجنا بنمصخرهم ... ما يقدرون يركضون ..
ما يركضون ....

الظاهر للحين قاعد يجرب

ما تقدر تحط كل اللوم على المدرب .. اللعيبه عليهم اللوم الكبير ..

وهذي الثانيه والبقية في الطريق ..ياحسافة والله..لا بعد مستانسين لابسين نفس قمصان لعيبة إيطاليا

اذا كل مدرب بينشال من اول مباراه يخسرها بتصير مشكله .. رابح ماجر بهدل الفريق ومحد طاح فيه جي ..

وليد يقدر يصنع ألعاب ويسجل اهداف لكن ذكاء المدرب خلاه يحط وليد في الاحتياط

المدرب بنفسه قال ضروف المباراه هي الي خلته ما يدخل وليد .. الطرد والتبديلات .. مافي حد من اللعيبه لعب مثل الناس .. وليد لو دخله من بداية المباراه في هالحر بيلعب شوي وبيوقف

[squal]

A.N.G.E.L

الله يهداك .. لوزانوا غلــط بس انت شفت اللعيبه .. لو اييون فريجنا بنمصخرهم ... ما يقدرون يركضون ..
ما يركضون ....

انا اعترف ان اللعيبة بعد غلطانين..لكن مو كل الغلط عليهم ترا المدرب وايد تسرع وسوا تبديلين بنفس الوقت وانا من راي الربع في المجلس يوم قالوا لو دخل لاعب وسط وغير الدفاع بأن جازك باك يكون ليبرو نفس الخطة اللي كان يلعب فيها الريان من قبل جان على الاقل تعدل الوضع

ما تقدر تحط كل اللوم على المدرب .. اللعيبه عليهم اللوم الكبير ..

انا ما ألومه بس بط جبدي بالتغييرات...
وعلى فكره يعني انا يعجبني لوزانو مو اني اكرهه بس بعد الغلط مانقدر نسكت عليه

شفت مباراة الرديف؟
حتى الرديف فريقنا متهالك اللهم غير الكابتن وليد جاسم هو اللي يشتغل ومعاه الحارس سلام اما البقية حدث ولاحرج..

اذا كل مدرب بينشال من اول مباراه يخسرها بتصير مشكله .. رابح ماجر بهدل الفريق ومحد طاح فيه جي ..

اتمنى تتعدل الاوضاع ويعدل المدرب لوزانو خطته اللي ماجربها إلا ليلة المباراه << لانه وايد عبقري!

المدرب بنفسه قال ضروف المباراه هي الي خلته ما يدخل وليد .. الطرد والتبديلات .. مافي حد من اللعيبه لعب مثل الناس .. وليد لو دخله من بداية المباراه في هالحر بيلعب شوي وبيوقف

على سالفة الطرد مبارك رشتيه لاعب ماعنده احساس بالمسؤولية يعني سخافة صراحه فريقك محتاجك وتوك داخل ماصارلك 5 دقايق تروح تتحرش باللاعب ولا بعد تاخذ كرت احمر...
صج يعني قهرني..
.
.
يلا الله كريم..والله يستر من "كمبيوتر" حرمة الله جان مايسويلنا ديليت من الدوري بخسارة كبيره