حوار حصري وخاص بين(ساندي بل واوسكار)..

**اسطورة اوسكار** · 09-10-2006, 12:15

السلام عليكم ورحمه الله وبركاته ...

اعضاء وعضوات المنتدى الغالين اليوم جايبه لكم حوار جديد ومميز wink

ما ابي اطول عليكم تفضلوا ...

اليوم هو اول يوم في مدرسه الانمي والكل جاي متعطر ومتكشخ والبعض فرحان
بمستوى الشهرة الذي وصل له مسلسله والاخر منقهر ان المسلسل الي سواة ما عجب الا القيل المهم
صاحبتنا ساندي بل اليوم متونسه على حدها امها الي سوت لها الفطور وعطتها بوسه على خدها قبل ما تطلع (مسكينه البنت عاشت بدون ام لمدة16 سنه خلوها تفرح) ولما دخلت الفصل شافت حنان واوسكار جالسين جم بعض يسلفون قالت خليني اروح اسلم عليهم ......

ساندي بل :السلام عليكم
حنان واوسكار :وعليكم السلام
حنان : اسمحوا لي رايحه اعطي منال دفترها
اوسكار :اوكي نشوفك في الفسحه
ساندي بل : من جالس جمبك اوسكار
اوسكار :ما احد تفضلي انت جلسي جمبي
ساندي بل : شكرا
اوسكار : للحين ماغيرتي تسريحه شعرك متى ناويه تكبرين
ساندي بل : والله انا ما افكر اغير تسريحه شعري لانها تخليني شخصيه مميزة ومرحه
اوسكار : بلا مرحه بلا خربوطه خليك رزينه وشديدة
ساندي بل :ههههه ليش تعقدي الامور
اوسكار : لا ما اعقدها
ساندي بل : انزين خلاص من يقدر على اوسكار لمن تعصب غير اندريه
عاد لما قالت ساندي بل اسم اندريه خلاص اوسكار احمر وجهها
اوسكار : شوفي عاد لاتدخلي اندريه بالسالفه
ساندي بل : الله يخليكم لبعض
اوسكار : وش تقصدين
ساندي بل : اقصد يعني الله لايفرق بين الحب الي جماعكم مثل ما صار مع فيرسن
اوسكار: لا انا وفيرسن قلوبنا عند بعض وان احترمه وله منزله كبيرة عندي مو اقل من اندريه
ساندي بل : بس الكل يقول انك خلاص تركتيه
اوسكار : يعني انا تركت عشقه لكن ما زال حبه في قلبي بعدين انت بعدك صغيرة على هذي
السوالف
ساندي بل : لا مو صغيرة انا اعرف كل شئ
اوسكار: ههههه اجل ليش كلما يشوفك صديقك ماراك يهرب منك
ساندي بل : ماكان يهرب مني
اوسكار : الا كان يهرب منك
ساندي بل : اهو كل الي بالموضوع انه وعدني انه ماراح يرجع لي الا لما يحقق حلمه بان يكون رسام
اوسكار: تفاعلت البنت بالموضوع بسرعه
ساندي بل : ايه هذا مارك وانا ما ارضى عليه
اوسكار : خلاص سكري الموضوع مالي خلق سوالف الحب هاذي
ساندي بل : تعرفي اش الشيئ المشترك بينا ؟
اوسكار: مممم لا
ساندي بل : انا وانتي ما نحب سوالف البنات والدلع
اوسكار : ايه معك حق هههههه
ساندي بل : بسالك ابوك انتي كله يكفخك وما تصيحي ولاشيئ ولاتتاثري ليش؟
اوسكار: لاني ما احب ان احد يشوف اني حساسه وكل شيئ ياثر فيني
ساندي بل : احسن مني انا ذاك اليوم صفعني ابوي وما قدرت اسكت الا لما راضاني ههههه

وبعدها دخل اندريه الفصل ...
اندريه : مرحبا اوسكار
اوسكار : مرحبا
اندريه : اش رايك نروح الكفتريا ونشرب لنا كاس عصير مع بعض
اوسكار : اوكي .....باي ساندي بل

ساندي بل : باي وخليك رقيقه مع الولد مثل لما كنت ترقصي مع فيرسن
اوسكار :هههههههه

ــــــــــــــــــــــــــــــــــــــــــــــــــ ـــــــــــــــــــــ

نلتقي في حوار اخر بين طلاب مدرسه الانمي gooood

تحياتي .......

**princessofUSA** · 09-10-2006, 15:33

لوووووووووووووول هاهاهاهاههاهااه عاد فعلا اوسكار مو لايق عليها الدلع و المستحى كلش ... شكرا اسطورة أوسكار على الموضوع الروعة و ننتظر التكملة

**اسطورة اوسكار** · 09-10-2006, 16:10

الرسالة الأصلية كتبت بواسطة princessofUSA

لوووووووووووووول هاهاهاهاههاهااه عاد فعلا اوسكار مو لايق عليها الدلع و المستحى كلش ... شكرا اسطورة أوسكار على الموضوع الروعة و ننتظر التكملة

العفو ...
والتكمله انشاء الله راح تكون اكشنxاكشن biggrin

**TOHEARO** · 10-10-2006, 06:23

والتكمله انشاء الله راح تكون اكشنxاكشن biggrin

[/QUOTE]

shawaqteeneee 3aaaaad .. countinue countinue nervous

**فرحان الثاني** · 10-10-2006, 07:58

تقولن التكمله راح تصير أكشن راح تصير هوشات
وضرب بين ألأعضاء
لأن احب الهوشات
تراني مستعد للفزعه بس اطلبوني

ترا معي خبرت هوشات 5سنوات
في جميع مجالات الهوشات

**حلم صيفي** · 10-10-2006, 16:35

وعليكم السلام ورحمة الله وبركاته

الله يقطع شرك ياشيخة
فرقعت من الضحك
ياسلام على أوسكار وهي تحط عقلها بعقل ساندي بل
سؤال ليه خليتي الحوار بين ساندي وأوسكار ليه مو شخصية ثانية

**^Heart Beating^** · 10-10-2006, 17:10

ههههههههههههههه

رهيييييب الحواار عجبنيي gooood

بس اسمحيلي اغير في الحوار شوي ..

في هذا المقطع ..

ساندي بل : اقصد يعني الله لايفرق بين الحب الي جماعكم مثل ما صار مع فيرسن
اوسكار: لا انا وفيرسن قلوبنا عند بعض وان احترمه وله منزله كبيرة عندي مو اقل من اندريه
ساندي بل : بس الكل يقول انك خلاص تركتيه
اوسكار : يعني انا تركت عشقه لكن ما زال حبه في قلبي بعدين انت بعدك صغيرة على هذي
السوالف

ساندي بل : اقصد يعني الله لايفرق بين الحب الي جماعكم مثل ما صار مع فيرسن
اوسكار:نعم!!.. ومن الي قال اني احب فيرسن اساسا!!
لا انا وفيرسن اصدقاء وبينا زمالة واصلا ماعمره صار شي بينا ولاحب ولاخرابيط
كان مجرد وهم ..
ساندي بل : وشلون يعني مجرد وهم!! وكثير يقولون انك تحبينه!! ..
اوسكار:من يقول!! طالعة اشاعات علي confused

انا بس كنت متوهمة وشوي كان ودي اجرب شعور ماري
اصلا وشلون تبيني احب واحد يحب وحدة متزوجة.. ولا.. صايع بعد
الله يخلي اندريه .. واحد محترم قلبه طيب ويموت علي ..
ولحظة.. وش اللي مخليني اقول هالكلام لوحدة حاطة قرون بشعرها!!
بعدين انتي مالك بهالسوالف .. انتي بعدك صغيرة عليها ..

الخ

الخ

biggrin

خخخخخخخخ والله عجبتني سالفة الحوارات ..

بانتظار حوارات الآكشن gooood

**اسطورة اوسكار** · 10-10-2006, 19:16

Tohearo
و
فرحان الثاني
(مشكورين على المرور الحلو والتشجيع الرائع))..

وعليكم السلام ورحمة الله وبركاته

الله يقطع شرك ياشيخة
فرقعت من الضحك
ياسلام على أوسكار وهي تحط عقلها بعقل ساندي بل
سؤال ليه خليتي الحوار بين ساندي وأوسكار ليه مو شخصية ثانية

هلا والله منورة الموضوع يالغاليه ...
في الواقع انا معجبه في شخصيته ساندي بل واحبها كثير وكمان لاوسكار مكانه كبيرة عندي
عشان كذا خطرت في بالي فكرة اني اجمع بين الشخصيتين في حوار واحد
كما اني اخترت شخصيتي نبينهم تنافر كبير حق يكون في جو خارجي عن المعتاد ...

وتسلمي على المرور العطر منك ...

رهيييييب الحواار عجبنيي

بس اسمحيلي اغير في الحوار شوي ..

اهلين ...والله عاطيه الموضوع نكه ميزة
وانا مستانسه انو عجبك
اووكي سمحت لك تغيري في الحوار بس بشرط مو تصيري مركز الزهرة وتحرفي القصه ههههههههه
مو تاخذيها عن جد تراني امزح

بس بصراحه ابدعتني مررررررررررة في حوارك خلاص حوارك غطى على حواري لان فيه تحليل منطقي اكثر
لا تحرمينا من ابداعاتك ...

ــــــــــــــــــــــــــــــــــــــــــــــــــ ـــــــــــــــــــــ