يالله من وين ابتدي هالرسوم اعجب من العجب القصة غريبه من قلب تبتدي من عند بنت اسمها يوكوناكاجيما هالبنت كل همها انها ترضي الكل فهي هادية وعاقله عشان يقولون عنها "خوش بنت" "بنت جيده" والذي منه
المهم في يوم مثل اي يوم عادي بخخخخ الا يجيها واحد طويل عريض (ايش دخل قصة رومانسيه اللي يقول
وبقوم يعطي يوكو سيف قالها اذبحيه قالت شنو ها انا؟؟ قال يالله المهم ماقدرت فخلى الشيري ماله يذبح اليوماونقلهم لمكان امن......قام كيكي يبي يوكو تجي معاه لعالمه هي تقول اي عالم وايش تقصد؟ المهم قالت انا مب رايحه!! صديقتها عاد مصدقة نفسها(تحسب انها هي بطلة القصه) قالت بنروح واذا هي ماتبي خذني انا! ايش سوى كيكي خذهم الثلاثه وراح على عالمهم
وتفرقوا الاربعه ومن هني تبدي القصه حتفهم شوي شوي يوكو شسالفه بتصير خيانات وسوء فهم كثير وتشوفون شلون يوكو تتحول من البنت الهاديه اللي تسوي كل شي لترضي الناس لوحده ثانيه مابي اقول السالفه واخرب القصهعليكم بس بفهمكم ايش سالفة العالم اللي راحوا له.....!
انه هالعالم تدمر من قبل على يد ال Tentei لان العالم كان في فساد وما الى ذلك....(الآله = Tentei)
فغيروا طريقة الحكم اللي بالعالم
العالم صار 12 مملكة وهم التالي : Hou, Tai, Ren, Shun, Ryuu, En, Kei, Kou, Sou, Sai, Han, Kyou
وتتوسط ال 12 مملكة Island of the Yellow Sea
والبحار هم خمسة: Sea of Emptiness, Red sea, Black sea, Blue sea, White sea
وهذه الخريطة توضح لكم شكل هالعالم اذا تلاحظون مب موجود Sea of Emptiness اسمحوا لي ما عينت خريطة غيرها المهم في هذا البحر تقع Wa or Hourai هذا اسم اليابان بذاك العالم والناس اللي يجون من اليابان لهالعالم يسمونهم Kaikyaku طبعا غالبية الكاي كياكو يواجهون صعوبات لانه اللغة مختلفة وماجاو هني بملْ ارادتهم يجون لما تصير ظاهرة اسمها Shoki هي اللي تنقل الناس ومحد من العالم الثاني يقدر يجي على عالمنا الا ال Kirin (بفهمكم ايش سالفتهم بعد شوي) والكاي كياكو هو وحظه يطيح باي مملكة مملكة تعملهم بطريقة زينه مثل En ومملكة بطريقة شينة مثل Kou السالفة قسمة ونصيب......
وهناك الحريم ما تحمل لا(ولايجي في بالكم العكس لان الرجال هنالك بعد مايحملون
)
هناك المتزوجين اللي يبون عيال يروحون لشجره اسمها Riboku يعلقون عليها شريطة ويصلون للتين تي عشان تنبت فاكهة على شكل بيضه يسمونها Ranka طبعا على حسب صلاتهم متى بتنبت الفاكهة واذا هم صالحين ...الخ فهناك تلاقون انه المرة يعني مساواة بالرجل في فرص العمل وغيره (وبتشوفون شلون البطلة مستغربة خصوصا لانه ابوها مب من الابهات الفري على قولتهم حتى بنطلون مايخليها تلبس)
اوكي الحين اعطيكم نبذة عن طريقة الحكم هناك.....
هم 12 مملكة كما ذكرت سابقا فالتين تي ايش سوى خلى حق كل مملكة Kirin هذيلة مخلوقات مقدسة شكلهم نفس شكل البشر لكن عندهم قوات ثانيه وتحولون على شكل حصان له قرن Unicorn ال ki تعني الذكر و Rin تعني الانثى وكل واحد من هالمخلوقات يتسمى على اسم المملكة اللي هو حارس عليها مثلا اذا كان Ki وحارس على مملكة Kei يسمى KeiKi واذا كان Rin وحارسة على مملكة ال Kei تسمى KeiRin ان شاء الله انكم فاهمين قصدي....وهالمخلوقات تسمى ايضا بال Saihou لكن الناس تقول Taihou لانه الاول يعني نفس مقدس زيادة عن اللزوم وله هيبة مب شي ينقال كل شوي....المهم شغلة التايهو انه يختار الامبراطور او الملك اللي حيكم المملكة اللي هو حارس عليها طبعا بعد وصول مرحلة البلوغ وفي تايهو يوصلها اسرع من تايهو وهشكل... بعد ما يختار الملك او الملكه يساعدهم في اشغال الحكم....وهالملك او الملكة لازم يكونون عادلين ويحكمون باحسن طريقة للملكة اللي اختيروا عليها واذا ماحكموا بالعدل مسكين التايهو يصيده مرض يسمونه ال Shitsodu ويموت واذا مات الملك يموت بعده في خلال سنة لا اكثر ويستبدلون بتايهو جديد وملك جديد عاد في الفتره اللي لين مايطلع التايهو ويكبر ولين ما يختار الملك تكون المملكه اللي بدون ملك رايحه بعينها حرب ومجاعة وال Youma تكثر فيها (وحوش) والشعب يتشتت....وتدور دورة الحياة طبعا التايهو مايموت الا بالشيتسيدو او يقتل والملك او الملكه ياما بموت التايهو او بالقتل فممكن ملوك يحكمون بمئات السنين وبعضهم ما يكملون العشر سنين وهكذا ومع العلم انه التايهو مايسجد الا لمليكه او لمليكته حتى لو انغصب مايسجد لغيره واي لو مات الملك بس على التايهو يختار واحد غيره...والتايهو ينولد من نفس شجرة البشر وقبل ماينولد نوع من انواع اليوما يسمى Hyokai يقوم برعايته لين مايكبر ويتم معاه لين ما يموت هالنوع من اليوما مب شرير....
وفي العالم هذا بعد يوجد ما يسمى بال Hanjyuu اي نصف وحش ونصف انسان مثلهم مثل البشر لكن انهم نصهم حيوان واذا تحولوا على الحيوان اللي هم مولودينه (فار او دب او غيره) مثل ياخذون قوته او سرعته .....
تقريبا هاي مجمل هذاك العالم اي اما الشجرة اللي ينولد منها اليوما هي Thoes الفاكهة نفس الاسم ريبوكو والهانجيو يطلعون لما انسان يربط ربطة ويصلي على شجرة اليوما...
هالانيمي انتاج شركة Studio Pierott سنة 2002 للاسف ان ماتم اذاعة المسلسل بالكامل فقط الى الحلقة 45 وكان باقي لهم حول ال 25 حلقة بعد مادري ايش اللي صار ووقفوا بثه بس هالانيمي مايتفوت وتقدرون تكملونه بالمانجا مع العلم توجد اختلافات بين المانجا والانيمي كالمعتاد..... لكن جيوني كوكاي او الاثنا عشر مملكة تحفه من التحف
ان شاء الله عجبكم التقرير واذا فيه شي غلط او ناقص علموني اوكيكو تموتاتشي واي هالانيمي من اخراج Tsuneo Kobayashi
جاني
وهذه بعض صور المسلسل
هذه الصورة لما يطلعون للسطح يوكو (البطلة) ام شعر احمر وكيكي اللي حذاها واللي ورا كلش ربعها
-----------------------------------------------------------------
هذه الصور ليوكو
--------------------------------------------------------------------
صور لصديقها اسانو وصديقتها سوجيموتو
-------------------------------------------------------------------
وهني الاينهو او ملك En اللي في الوسط صاير له 500 سنه حاكم كما ذكرت
والاشقر هو الاينكي Enki او التايهو هذيله الاثنين ثنائي خطير حق الضحك مافي احسن منهم
والفار اللي معاهم هاي من الهانجيو يعني نصف انسان اسمه راكسو بيصير من ربع يوكو المقربين
-------------------------------------------------------------------
اما هاي ساس البلى هاي روح سيف يوكو يطلع لها لما تكون قريبه من ماي او صاده ماي واذا ماعرفت تتحكم فيه هو اللي بيتحكم فيها
---------------------------------------------------------------------
وهاي ال Hinman هاي بعد يكون مع التايهو وكيكي حيخليه يتلبس في يوكو عشان يساعدها طبعا قبل مايروحون لجيوني كوكاي
----------------------------------------------------------------------
اضافة رد مع اقتباس
المفضلات