قصة بدايتي مع الأنترنت >>> تعال ادخل واعطينا اللي عندك.....
السلام عليكم ورحمة الله وبركاته
لقيت موضوع في احد المنتديات وعجبني فكرتو مرا واستنتجت الفكرة وحبيت اطرحو عندكم
يالمكساوييين
قبل ما اقص عليكم الإجابة على الأسئلة اجباري
1- متي استعملت الانترنت لاول مرة؟
2- اشرح لنا كيف كان هذا اليوم؟
اولا انا ببدأ بحكايتي
بسم الله الرحمن الرحيم
وأول ما دخلت النت كان يوم مدري ايشبس اعرف انو قبل اربع سنوات
يعني والله اعلم كنت وقتها اول متوسط او ثاني متوسطوالحين انا طالع ثاني ثنوي
كدا عرفت لكم من متى عرفت النت
واول مرة عرفت انو في شي اسمو نت وعجبني لما كنت عند خيلان ابويا
وكان عندهم كمبيوتر وكان خالي كمان عندهم خالي الصغير وكان يقعد يدردش في الشاتات العربية
وانا اقرا واطالع بالقوة افهم حاجة
يعني بس الوحيد اللي عرفتو هو كيف اتكلم عالشات
ولو انهم تركو لي الكمبيوتر معرف ادخل الشات مرة مسطوووووووووول خخخخخخخخ
وهذا كان قبل 6 سنوات تقريبا
وبعدها بفترة رحت عند خالي ولقيت عندو الأنترنت شغال 24 ساعة مهتميت بس بعد ما شفت خالي الصغير قاعد يدردش قلت لو افتح لي كمبيوترك ففتح لي وهو سافر وانا واخواتي بنتضارب على الكمبيوتر كل يوم عشان نجلس ندردش مسوينو لعبة ههههههههههه
المهم بعدها من الشات والدردشة الفاضية
رجعت لمدينتي واللي هو المدينة المنوة ولقيت هناك كوفي انترنت كم من مرة رحت ادردش هناك وبعدين هناك تعلمت كل شي وخاصة تعرفت على واحد بالمقهى إلى هادا اليوم اعرفو إنسان خطير بالكمبيوتر فهوا بصفتو معلمي علمني اكثر الحاجات في الأنترنت
وبعدين كمان احب احكيلك قصة المسنجر
مرا كنت عند خالي قلت لي افتح لي ايميل وانا ما اعرف ايش هوا دا المسنجر
قال لي طيب وفتح لي وانا تعلمت كيف افتح بريد
وبعدها قال لي هادا عنوانك والرقم السري حقتك قلت لو طيب
وقلت لو بعدين لو ابغى اتكلم مع واحد كيف اسوي
قال لي تديلو عنوانك وهوا يضيفك
وانا بغباء شديد اقول لو (والرقم السري اعطيلو كمان)!!!
يقول لي انتا غبي تعطيلو الرقم السري تبعك قال لي بس اعطيه العنوان
وبعدين البريد هادا ضاع الرقم السري وفتحت كم بريد كلو على الهوت ميل وكم مرة كمان ضاع وآخر شي فتحت البريد النهائي وللحينو معاية من سنتين
وبعدين كنت اشوف خالي يحمل انميشن يعني افلام كرتون ياباني
بعداها لمن رجعت المدينة المنورة صرت اروح الكوفي وهناك مرة جلست على جهاز لقيت فيه كم حلقة من الأنمي ومترجم عربي كمان
نسختو عندي بالميموري
وبعدها يعني بكرتها دخل علي واحد ملقوف وطالع في شاشتي وانا كنت داخل منتدى الجوكر منتدى الأنمي
وبعدين راح وبعد فترة رجع لي وقام يسألني وانا بسيط خبرتي فيه بس اقعد اتفلسف لو اقول لو اني احمل ببرنامج شاريزا افلام وأنمي وحاجات وبرامج المشاركة وانا مافي في مخي شي
المهم الين ما عجبو افكاري واللي هيا في الأساس ولا شي امام خبراتو وبعدين صرت اتبادل معاه في الأنمي وأحمل وهوا يحمل وماشاء الله دحين عندنا ما يقارب اكثر من 300 جيجا انمي مترجم عربي وجودة عالية
والرجال هادا ما انساه مرا لأنو علمني حاجات كتير مرا
زي الهكر وحاجات الإختراق البسيط والحاجات هادي وانا دحين بطور نفسي
المهم انا طولت مرا واتمنى قصتي عجبكم مع الأنترنت
---------------------------------
وانا انتظر منك التفاعل يا اهل مكسات
تحياتيـ...................MmD
اضافة رد مع اقتباس
المفضلات