ذكريات المخضرمين فقط ( 3 )

[الوردة الجوريه]

السلام عليكم ورحمة الله و بركاته



باركوا لي كملت سنة ثالثة في مكسات باشوف نفسي على المبتدئين اهل السنة الواحدة
احتفلت بتفسي احتفال كئيب في قسم الصور قهر والله
بس حبيت ان الاحتفال هنا يكون بذكرى خفيفة ان شاء الله



كتبتها سابقاً في موضوع الصور<<<< فين صافي قبل ما انسى
كنت يومها جالسة اتفرج على ماروكو الصغيرة
ضيعت خاتم امها الثمين وهي الان في ورطة

هل سبق و ان اضعت شيء يخص والدتك

كان عند امي خاتم ذحبي على شكل دبله و كنت البسه
امي بعمرها ما قالت لي شيء و اخذه وهي شايفتني
في مرة من المرات كنت رايحة مع ابويه نشتري التميس
وقع الخاتم من يدي بين المقاعد حاولت استخرجة بشتى الطرق لكن ما قدرت خفت اقول لابويه و انال التوبيخ سكتت ورجعت البيت و قلبي في الارض و خايفة ان امي تفتقد الخاتم
مرت ايام و ايام و امي ما سالت عن الخاتم و انا كنت احاول انسى امره

لحد ما جا يوم و قالوا بنبيع السيارة
يا سلام و الكنز المدفون فيها كيف استخرجه
وقتها بس تشجعت و قلت لاهلي بحثوا عنه ما لقيوا شيء
وإلا اليوم افكر في ذاك الخاتم يا ترى وين راح

خلونا نتكلم عن هذي الاشياء

انا رايحة احتفل بنفسي و اكل ليز حار اشتريته خصيصاً بهذي المناسبة

[Đ Я E A M]

السلام عليكم

كيفكم جميعاً

مبروك جوجو السنه الثالثة في مكسات عقبال العمر كلة..





جبت اليوم ذكرى جميله من دكرياتي

اتمنى تعجبكم .. وهو مسلسل ماما نور ..

مقطع من اليوتيوب هنا

وهذا مقطع اغاني الاطفال كنت اموت عليها للفنان القدير عبد المنعم مدبولي



هنا البطه

توت توت هنا
وهذي كمان اغنيت الشاطر عمر هنا

والى اللقاء

[Hotsuma]

السلام عليكم ورحمة الله وبركاته
***
الوردة الجورية
ألف مبروك اختي الكريمة لسنتك الثالثة في مكسات.
لك وزنك ولك صيتك في المنتدى والكل يشهد بذلك.
وهذا الموضوع خصيصا فيه جلّ مجهودك.
***
قناتا الديرة + عجمان , انصحكم بمتابعتهما لأنهما يعرضان مسلسلات قديمة.
البارحة على قناة عجمان إنتهى عرض مسلسل الخليجي الماضي وخريف العمر(1992)فيه سعد الفرج وإبراهيم الحربي وزهرة الخرجي , والممثلة المصرية بوسي , غالبية المسلسلات من فترة التسعينات , مثلا مرايا 97 وقبل ساعة كنت اتابع مسلسل(شكرا يا)وقبل مدة كان يعرض على عجمان مسلسل مصري من الثمانينات فيه رجاء الجداوي بس أظن إنتهى عرضه .
وفي كم مسلسل سوري كمان كان يجي قبل اسبوعين تقريبا فيه عباس النوري وبسام كوسا , وحتى الآن القناتان متألقتان فأنصح الجميع بمتابعتهما.
***
في آمان الله ... مع السلامة

[اسطورة]

الف مبروك اختي الورده الجوريه وعقبال مية سنه انشالله


بس اتذكر شي اجيكم ركض


ذكرياتي ايام ماكانت المدرسه قمة في المثاليه مهوب مدارس الحين
مهزله والبنات مانعرف البنت من المتزوجه اختلطت الامور الحين

صحيح كانت مدرستنا متواضعه بس مدرسه حقيقيه



ماكانت تجي الساعه 9 اليل الا كل وحده في سريرها نايمه
واحيانا نسولف شوي واحنا مغطين وجوهنا بالبطانيه وبس عيوننا اللي تبان

نصحى مع الوالد الله يرحمه لصلاة الفجر امي اللي تجلسنا وكنا نقوم بسرعه ونصلي ونجهز مراييلنا
المريول كانوا يعطونا اوراق مرسوم فيهم الزي المطلوب وكنا نلتزم بالمرسوم عكس الحين
الطالبات صاروا عارضات وكأنهم في فاشن مول


شوفوا البراءة الله يحفظهم كنا نلبس هذا المريول بس احنا بالدمام كنا نلبسه كحلي




وهذا زي الطلبة كاشخين




والله يكرمكم الجزمه والجوارب وتسوي امي الفطور لنا اللي هو

كاسة شاي بالحليب





ا مع لفة خبزة فيها جبن طبعا هذا الفطور يوميا







وبعدها امي تحط حق كل وحده منا ريال في جيب المريول وعصير في الشنطة
طبعا يكون الوالد مالي المخزن بالعصيرات السنتوب والسن كولا بجميع انواعهم
واحلى يوم يوم اللي يدخل الوالد بالعصيرات قبل المدرسه بيوم






وكان عصير الاناناس والفواكه المشكلة دائما يبقى اخر شي لان طعمه غير مستساغ

واحيانا كنا ناخذ المطارة بس مادري شتسمونها بصراحه
كان في نوع يجي مع شنطه من نفس الخامه نحط فيها الخبزة والشبس اللي عندي كان لونها برتقالي على بني ومرسوم عليها دبدوب ماسك باقة ورد






امي كانت تمشط شعرنا من اليل قبل ماننام وكل وحده لها ربطه خاصه بشعرها عشان ماينعفس بالليل
وكانت تقصر لنا القذلة كل جمعه عشان ماتضايق عيوننا
وكل وحده تسوي شعرها جديلتين وتربطه بالربطه الخاصه وتعطيها عشاها وتقوم عند التلفزيون وهكذا بالدور وحده وحده

بصراحه اللي يخلي امي تجهزنا من الليل ماكان عندها خادمه تساعدها ومنظمه وقتنا مثل الساعه
وربي وربي لو في تكريم للام المثاليه كنت رشحت امي الله يعطيها الصحه والعافيه والله ما انسى اللي سوته لنا ولا انسى شلون كانت ماشيه على نظامها حتى وهي مريضه

والساعه 6 الصباح نبدأ بالتحرك للمدرسه كنا نروح مشي مع بنات عمي اللي كانوا ساكن قريب لنا حيل
بس بنات عمي كانوا كل يوم يتاخرون

مرة ناسين الفسحه ومرة الجزمه ضايعه ومره امهم ماجلست ومحد مشط شعرهم ومرة اصلا ما جلسوا من النوم الا متاخرين

نوصل للمدرسه واول شي نشوفه غرفة الفراش( الحارس ) الله يرحمه جنبها شاي على الجمر وندخل نروح الفصل على طول نحط شنطنا وجري على الساحه وانواع اللعب ومع ان مدرستنا كانت بيت بس اجمل مراحل الدراسه كانت فيها

اتذكر لما تجي حصة التدبير المنزلي ونلبس المريله حقة الطبخ مع القبعه يالله نشوف نفسنا على باقي الطالبات في الفصول الثانيه ونمشي طابور ننزل لغرفة التدبير واحنا نطالع باقي الفصول ومغترين بهاللبس

هذي مريلة الطبخ للي مايعرفها بس حقة المدارس كاروهات ابيض وازرق






واحنا ماندري ان اشكالنا بهاللبس تشبه الشغالات في المسلسلا ت المدبلجه

كانت معلمة التدبير المنزلي فعلا الابله المثاليه تفتش على اظافرنا اذا طويله وعلى شعرنا اذا فيه قشره او قمل يع وكانت ماتسمح بالتجاوزات وتعلمنا التهذيب وطريقة الكلام المؤدبه وشلون نكلم اهلنا وكانت حازمه جدا جدا وملتزمه بالزي المدرسي للمعلمات تذكرني بفاتن حمامه في ضمير ابله حكمت

كانوا يحطون لنا شرايط صغيره بالدبوس على المريول كل لون له معنى الاخضر الابيض الطالبه النظيفه
الاحمر الشاطره الاخضر المرتبه اعتقد والاسود الكسلانه

وكنت احب حصة الرسم اعيش جو ثاني بعيد عن جو المدرسه ارسم وانا في عالم اخر

ويافرحتة البنت اللي تطلب منها الابله انها تجمع الدفاتر او تجيب لها طبشوره من الفصل الثاني

كانت وحده من المعلمات هي منظمة حفل مجلس الامهات
بس كان الحفل على ايدها نعم الحفل المثالي فقرات تمثيليه واناشيد نتدرب عليها قبل شهر من الحفل ونستعد بالملابس ونجهز معاها هدايا التوزيع وكنا كلنا قمة في الاتزام كل الطالبات ودهم يشاركون
واذا ماشاركنا نفرح اننا اليوم بنطلع الساعه 9 وربع

كنا الطالبات لما نشوف بعض برا المدرسه في فترة العصر مثلا او يوم الخميس نخجل من بعض
ليش ؟ الله اعلم


واذا وحده منا شافت بنت في الشارع تهددها انها بتقول للابله بكره انها شافتها بالشارع

وغالبا نطلع من المدرسه الظهر على بيت حرمة تبيع كل شي واهم شي اكياس العسكريم على قولة سعيدان







ونرجع تكون امي مجهزة الغدا وحاطة السفره كامله وفاتحه المكيف وطافيه الانوار عشان الذبان مايدخل
ونتغدى وبعدها امي تروح للمطبخ تكمل شغلها واحنا نحل واجباتنا ونذاكر استعدادا لاهم حدث في ذاك الوقت الا وهو :



فترة المسلسلا ت الكرتونية

من ننسدح عند التلفزيون مانقوم الا اذا انتهت الحلقه حتى لو كان الله يعز مقامكم لدورة المياه
نخاف يفوتنا شي









وكنا كلللللللللل مرة لازم نقرا اسامي الممثلين المؤدين والمخرج والمعد وكللللل شي ونتسابق قبل لايروح الاسم ويختفي




وكان الخاتمه افتح يا سم سم يكون اقترب وقت المغرب واتذكر الساعه 7 المغرب كانوا يجيبون مسلسل كويتي في محطة البحرين اللي اتذكره كان الى ابي وامي مع التحية





اعذروني طولت عليكم ولو اني حاولت اختصر كثير

.

[*الأميرة ياقوت*]

جوجو تحتفل



وجودك ياعسل إلوحده حفلة


جوجو >>>>أميرة منتدانا




والله ودي الواحد يسويلك أحلى احتفال بس سامحينا على قدنا




ملاحظة
لي عودة للمشاركة بس دخلت عشان أبارك للحلوين

بدأت كتابة الأسلة الله يعين بس

[اسطورة]

هذي موضة قديمة لقيت هالصور اللي ذكروني بشنطة قديمه كانت عندي لونها ابيض وطوليه شوي
ومطبوع عليها بنت تشبه البنت اللي لابسه ابيض واحمر







لقيت بعض الصور القديمة

هذي ما اتذكر السانتا بصراحه ولا عصير الطماط اللي علبته صفرا
واخر صوره انصدمت لما شفت ديووووووووووو انقرض











هنا اتذكر ليدا ميه بالميه مين يتذكره

وكلارا شايفتها بس مادري وين

هالشنطه الغبار لازالت تملك امي واحده مثلها

والباااااان القصيم

[اسطورة]

هذي النظارات كشخت فيها في احد الايام

[الوردة الجوريه]

و عليكم السلام ورحمة الله و بركاته
كيف حالالجميع
لاول مرة استشعر جو الاختبارات من زمان ما عشنا هذا الجو
جو مشوق مابين توزيع الجدول و تنسيقة و اختيار المواد و ما بين وضع جدول للمذاكرة
نحط جدول لاسبوع الاجازة الي قبل الاختبار على اساس اننا نذاكر فيه المواد الصعبه
هههه و ينقضي الاسبوع في متابعة الفيديو


حلم
الله يبارك في ايامك شكراً لكِ ^_^


Hotsuma

ألف مبروك اختي الكريمة لسنتك الثالثة في مكسات.
لك وزنك ولك صيتك في المنتدى والكل يشهد بذلك.
وهذا الموضوع خصيصا فيه جلّ مجهودك.

شكراً لك اخي الكريم عقبالك




اسطورة الله يبارك فيك ^_^
وين زدات اكسات ليته دخل و احتفل بالسنة الثالثة معنا

ذكرياتي ايام ماكانت المدرسه قمة في المثاليه مهوب مدارس الحين
مهزله والبنات مانعرف البنت من المتزوجه اختلطت الامور الحين

الله لا يوريك على اشياء تنشاف
اما المريول فكنت ابغاه بنفس شكل الرسمه حتى الجيوب المايلة و الياقات
باروح ادور في ملفاتي حقت المدرسة يمكن القى التعهد حق المريول

الكحلي عندنا لبنات المتوسط و الابتدائي رصاصي و الثانوية اخضر

فطورنا كاسة حليب بون شاهي حليب لوحدة و اما تميس او صامولي ما نلفه ولا شيء نغمس عادي في الجبن


السن توب كنت احب ابو الاناناس اكتشفت ان طعمه غير كله ولا العنب كان لذيذ


مافي غير انا و اختي يعني تقدر امي تجهزنا في الصباح
كانت تقرا علينا الجدول و احنا ندور على الدفاتر و الكتب و نرتبها في الشنطة
اتذكر يوم كانت تحفظني قران او تحضر لي قران
كنت اجلس قدامها و تحط المصحف على مخدة على رجلها و تبدا تقرا و انا اتابع معاها انتظر بس متى تخلص لان النوم يغلبني


اما الكتلوجات كنا نحب نتصفحها و نتخيل انفسنا لابسين الملابس الي داخل الكتالوج
خصوصاً في صفحة ملابس الاطفال
كانت الكتالوجات زمان كلها من كوريه

وشكراً على صور النظارات
باقي كم صورة ما طلعت


الاميرة ياقوت
الله يسعدك و يوفقك والله اسعدتيني بحفلتك البسيطة والله مو بسيطة انا اشوفها اروع حفلة تسلمين والله

[*الأميرة ياقوت*]

عدنا

جورية

تميس

>>احنا نقول تميز

والله خطيرة قصة الخاتم تحسي إلى الآن ودك تعرفي
أين اختفى ؟؟
طب استعيني بالمحقق كونان

أنا بهز الذاكرة اشوية بعدين إن شاالله أكتب بس أنا بصغري وإلى الآن غير إني أضيع أكسر وأخرب

صورتي وعمري سنة بداية الخراب شلت تلاجة القهوة وإنكبت على رجلي وكمان ماسكة حلاوة ماكنتوش

والسرير إلي ورايا هو إلي براديو

هههه و ينقضي الاسبوع في متابعة الفيديو

على أساس نفتح مادة أسبوع في صفحة من مادة وحدة بس عشان تأنيب الضمير
ولا دقت عليه وحدة من صاحباتي تقولي ختمت مادة يجيني مغص واندم ياليتني ختمت وأقول خلاااااص مرة ثانية إن شاالله أختم وكل سنة تمر على نفس الحال يمكن بس في الكلية الواحد يختم

كانت الكتالوجات زمان كلها من كوريه

شفت كاتلوجات كورية قديييييمة عند الخياطة

الله يسعدك و يوفقك والله اسعدتيني بحفلتك البسيطة والله مو بسيطة انا اشوفها اروع حفلة تسلمين والله

آمين ..المهم انبسطتي

أسطورة

وكنا نلتزم بالمرسوم عكس الحين
الطالبات صاروا عارضات وكأنهم في فاشن مول

أنا عاد كنت ملتزم بشكل ممل أفتكر كان على أيامنا في بالطو (عباية) مافيها موديل سادة الكل يلبسها مافي غيرها بعدين اطورت وطلع موديل بكلفة وامي تقولي حلو اشتري وانا لا مصرة البالطو إلي متعودة عليه خايفة يخاصموني في المدرسة ولما رحت المدرسة لقيت البنات كلهم عندهم الجديد

خبزة فيها جبن طبعا هذا الفطور

انا واخويا فطورنا تميز وشاهي أو عيش صامولي وشاهي أو كورن فليكس

وبعدها امي تحط حق كل وحده منا ريال في جيب المريول وعصير في الشنطة
طبعا يكون الوالد مالي المخزن

احنا كمان مخزنا الناس يحسدونا عليه يقولون كأنه بقالة
سن توب وبيبسي قوارير وشطة وكاتشب كل شي كارتون

واحيانا كنا ناخذ المطارة بس مادري شتسمونها بصراحه

زمزمية

تمشط شعرنا من اليل قبل ماننام وكل

لما تصحوا مايخرب أنا عاد أمي ماتتعب لأني وحدة بس أخويا نعبها مسكينة بالقوة يصحى وتسحبه الحمام تغسل وجهه وبعدين تلقمه الفطور وهو منسدح حضرته
وتلبسه الشراب والجزمة وهو والله نايم

الله يحفظ والدتك وكل الأمهات ياليت الأولاد يعوضهم جزء من حقهم لا كبروا

نبدأ بالتحرك للمدرسه كنا نروح مشي مع بنات عمي اللي كانوا ساكن قريب لنا حيل
بس بنات عمي

أنا الإبتدائي والثانوي سيارة والمتوسط على رجلي مع الجيران
أفتكر في الإبتدائي أنا وبنات الجيران يوصلنا حارس المدرسة بالوينت وكنا نخرج آخر بنات في المدرسة و نصر عليه قبل مانوصل البيت بشوية نخليه يركبنا ورى
والله مدري اشسمه إلي ورى في الوينت المفتوح وكنا نحسه كأننا في ديزني من السعادة

كنا الطالبات لما نشوف بعض برا المدرسه في فترة العصر مثلا او يوم الخميس نخجل من بعض
ليش ؟ الله اعلم

هههههههه
والله صادقة أنا مرة قابلت صاحباتي ومستحيين ترى حتى الآن بنات أخويا لاشافه صاحبتهم يستحوا من بعض

اعذروني طولت عليكم ولو اني حاولت اختصر كثير

بالعكس أسطورة انا عشت الجو معاكي

[John Silver]

مرحبا بالمخضرمين الاعزاء
تحيه طيبه للجميع ..مبارك عليكم الثلاث سنوات
وكل عام وانتم بخير ..
احبب اهنئي اخوتي المخضرمين كلهم ، واخص بالذكر ام المخضرمين الورده الجوريه
كل عام وانتي بخير ..وكل عام وانتي الى مكسات اوفى ...

باذن الله لي عوده مع الذكريات
قريبا ان شاء الله
الى اللقاء ...

[الوردة الجوريه]

السلام عليكم ورحمة الله و بركاته

اممممم صافي اين اختفى ادور على خاتم امي و إلا على صافي

الاميرة ياقوت

والله خطيرة قصة الخاتم تحسي إلى الآن ودك تعرفي
أين اختفى ؟؟
طب استعيني بالمحقق كونان

ذحين صافي ضايع

صورتي وعمري سنة بداية الخراب شلت تلاجة القهوة وإنكبت على رجلي وكمان ماسكة حلاوة ماكنتوش

والسرير إلي ورايا هو إلي براديو

انا ترى كنت هادية ما كنت اسوي حركات تخريبية اختي كانت حركتها اكثر مني و مرة انكب تبسي مليان فناجين شاهي مع براد انكبوا على رجلها لانها بتنط من درجة لدرجة اتذكرها في العيد و كنا في بيت عمي بدل ما نعيد صرنا نعالج رجلها و اضطرينا نرجع بيتنا بدري بسببها

السرير ابو راديو من شكل الادراج تذكرت غرفة نوم خالي
جالسة افصفص الصورة شفت التفون الاحمر و الصورة الي في الخلف الي فيها مربعات ابيض و اسود هي صورة و إلا مرايه
حلوة الصور تلاقي فيها اشياء رهيبه

ولا دقت عليه وحدة من صاحباتي تقولي ختمت مادة يجيني مغص واندم ياليتني ختمت وأقول خلاااااص مرة ثانية إن شاالله أختم وكل سنة تمر على نفس الحال يمكن بس في الكلية الواحد يختم

يوم الامتحان يكرم المرء او يهان
كنت اكره الظهر علسان ابوية يذاكر لي رياضيات يحبسني في غرفه و يحبسني بعيد عن اخواني كنت مرة مريضة و حرارتي مرتفعة و على بالي انه بيحن علي و يقول مافي مذاكرة طيب لو ما ذاكر لي كان رسبت

آمين ..المهم انبسطتي

اكيد

أنا عاد كنت ملتزم بشكل ممل أفتكر كان على أيامنا في بالطو (عباية) مافيها موديل سادة الكل يلبسها مافي غيرها بعدين اطورت وطلع موديل بكلفة وامي تقولي حلو اشتري وانا لا مصرة البالطو إلي متعودة عليه خايفة يخاصموني في المدرسة ولما رحت المدرسة لقيت البنات كلهم عندهم الجديد

انا ما اعرف غير اب كلفه
يووه اول ما اشترينا بالطوا كنت احس نفسي اميرة
هذا اغير لما اشترينا طرحة و لبسناها
وبعدين لبسنا الغطاوي اللــــــــــــــه هنا قمة المتعة مدري على ايش
الصراحة ما بدات اغطي إلا لما دخلت 1 ثنوي باقي الفترة هذي كنت اروح الشارع اشتري عادي بس بطرحة و بالطو لحد ما وصلت ثالث متوسط وقتها ابوية صار يشتري لنا في العصر

والله مدري اشسمه إلي ورى في الوينت المفتوح وكنا نحسه كأننا في ديزني من السعادة

يتريقون على الونيت الي كذا يقولون صالون و حوش واذا كان بغمارتيت يقولوا له غرفتين و حوش
كان عند عمي ونيت له غطى من ورى ننبسط فيه نحس انفسنا في خيمة





سلفر الكبير
اهلا و سهلا بك و كل عام و انت بخير ^_^ في هذي السنة انت كنت مميز لها
ان شاء الله نرى عودتك قريباً

[ضواهن]

واااااو اخيرا قدرت ارد

اتوقع ان الرد رح يوصل .....

لاني بصراحه بغيت اموت يوزري اخت من طاع الله اخترب مدري شفيه ........!!!

يطلع رساله انه تم ايقاف عضويتي .......اصلا عادي انا من زمان ودي اغير اسمي لضواهن ويلا صارت فرصه



وقبل كل شي السلام عليكم ومبارك عليكم كل المواسم اللي مرت وانا ماكنت موجوده .........وبس برد بعد شوي رح ارد ....لانه تكسر اظهري عشان اوصل 300 ...انا موب متخيله اني ارد بكل (سطحيه ) على المواضيع واكتب (يسلمو وويعطيك العافيه ومن هالسوالف )عشان بس اوصل 300 ........

لاني من النوع اللي احب اسولف واتناقش في الموضوع ........


شوي وبرد واسولف عليكم

[John Silver]

السلام عليكم ورحمة الله وبركاته
احببت اشارك بالاحتفاليه ببعض الصور البسيطه التقطتها من الخزانه الأثريه ^ــ^
طبعا الصور التقطتها سريعا وبعضها بحاله كالجديده ، من حسن حظي



صوره قديمه لماجد عبدالله وبحاله نظيفه



مسطره قديمه لماجد عبدالله على طراز الثمانينات



يقال بان سبب تسمية الكابتن ماجد بهذا الاسم نسبه لماجد عبدالله ،اقدم غلاف لكابتن ماجد ،أكيد الكثير يذكره
ايام الفانيلا والعصير




ملصق قديم للكابتن ماجد ، على اليسار رامي الهداف ^ــ^



طوابع على الطريقه القديمه (ميكي والعم دهب)


ملصقات


طوابع الشناكل والسيده ملعقه







طوابع افتح ياسمسم المشهوره




اعلان قديم للشركه العالميه ، الشركه التي وزعت الهداف وكابتن ماجد واليس في بلاد العجائب..


لنا عوده باذن الله
مع المزيد من المشاركات ، في امان الله

[ضواهن]

السلام عليكم

من زمان عنكم والله كل ماقلت ابي ادخل اكتب شي اتعيجز مع اني مزينه كل شي ....
المهم كل عام وانتم بخير ومبروك عليكم الأ لفيه
صراحه انا مافهم في ذي الموضيع موعشان شي بس مالي كثير في المنتديات....
حبيت احط اشيا يمكن بعضها مالها علاقه في الموضوع بس رح اتكلم .....




مدري اذا تذكرون هذي الشنط ....اهي قديمه موجوده عندي في غرفتي احط فيها شهادة ميلادي والامور المهمه عندي مدري ليه مارتاح ااحط اشيائي الا فيها من زمان عندي الي يشوف شكلها يقول نيو .....اتذكر يوم كنت اصغيره كانو يجون المدرسات يدرسوني على قول المصاريه( درس اخصوصي) كانو لازم اتكون وياهم .....صرنا نسميها شنطت المصاريه ... بس ليه من زمان انحس الاشيا كبيره اذكر امي كانت تاخذ وياها شنط يوم اخواني اصغار كنت ع بالي كبيره الشنط وقبل فتره ورتني امي هالشنط استغربت قلت معقوله ذي نفس الشنط؟؟؟؟؟ صدق يوم تكون اصغير تشوف الاشيا كبيره ......





قبل فتره اعجبتني هالفكره ...أكيد سمعتوا عنها ( الفيصل شاهد وشهيد) ...كان معرض عن الملك فيصل
الله يرحمه انجازته وصوره وحياته ...شي جدا رائع بس ليتهم خلوه دائم ...انا طبعا رحت المعرض وصورت كل شي ... وهذي صوره من الصور اللي صورتها ان شاء الله المره الجايه راح احط موضوع عنه ....انا انبهرت بصراحه بالفكره ...ليه مايكون عندنا اشيا تراثيه مستمره ...حتى لو ذكريات زمان محلات أو اي شي ...ليه
كل شي يخلونه معرض او فتره وينتهي .......!!!




هذي الشنطه مدري تعرفونها اكيد .......
شكل باربي فيها قديم ....هالشنطه صغيره طبعا وحنا صغيرات كنا نحطها كنها بوك نحط فيها مصروف المدرسه
بس طبعا كنا وقتها كبار اشوي بس بما اني احب باربي كنت اشتر ي كل شي لها ....واستغربت اني لقيتها عندي ...قلت اصورها ......لاني بالعاده اذب الاشيا اللي مابيها .....

وعلى طاري باربي ....لفت انتباهي موضوع قريته

مشروع العرائس المستعمله

(بغض النظر عن فلسطين يارب يكون بعونهم ويرحمهم ....)
بس انا اقصد فكره المشروع
بشكل عام يعني سؤال هل يمكن انكم تفرطون بعرايسكم الخاصه لغيركم ..؟ او اي اشيا خاصه ...؟
بصراحه بصراحه انا لا ....رغم اني جربت اعطي غيري اشيائي لان اللي نحبه حنا مارح يحبه غيرنا مثلنا
اذا اختي ممكن ماتحس بقيمه الشي اللي احبه انا فـ مارح الوم غيري ...



يوم كنت ادرس بالابتدائي امي كانت تشتري لي دفتر معلمات ....ليش مدري مع اني عمري ماكان
طموحي اصير معلمه .......!!!
ولقيته وقلت اصوره وبعد ماصورته على طول ذبيته




قبل فتره بالصيفيه ...دخلت معهد تصوير ...وكان لازم اصور معالم تراثيه في جده او منطقه انتمي لها .....المهم قلت للسواق ودني الاماكن التراثيه في جده المهم خلال تصويري لفت نظري هالمحل .....قلت اصوره واوريكم اياه ....فكرته حلوه بس الموقع كان وووع ...





هذي سياره الايسكريم الجديده ....... بس حيبت اصورها ...مع اني صورت صوره اوضح بس مدري وين وديتها ....



لاتقولون وش دخل هالبيوت ...

لها ذكرى في قلبي خاصه ...كنا دايم لـ مرينا بيت عمتي ...نمر منها لازم نصادفها ....
كان عندي هالتفكير (ان السنافر وحكيم الاقزام فيها ...يعني ناس صغار عايشين فيها ....كنت اسئل امي وتقول لي ايه صح .....وكنت اتخيل نفسي سنفوره لين نوصل بيت عمتي ....) وكنت انقهر لو ابوي غير الاتجاه ومامرينا منها اقعد اقول لابوي يبه وين البيوت الصغار ...واذا ماودنا في الروحه يودينا في الرده ....



هذي العروسه ماكنا نشتريها غير من البحر بس القهر ...اني كل ماشريتها كنت ارد البيت القاها اختربت يعني مدري شتسمونها بس مشقوقه يعني مافي امل انفخها طبعا مين اللي سوى فيها كذا ...(اخواني ) لانهم منقهرين لانهم كلهم ياخذون بنك بانثر وانا الوحيده غير .......



هذا الببغا ...مدري ليش امي وحنا صغار كل ماشرته حطته عند باب المطبخ ...لحد الان مستغربه

مع ان الحين عندنا ببغا وامي ماتدانيه حاطته تحت الدرج ووتتمنى لو اخوي يتخلى عنه .....






هالمشط كنا رايحين جيان عشان نشتري خيمه .........فـ لقيته قلت لهالحين يبيعونه ......!!




طبعا هالبيبسي غني عن التعريف ترى انا مزينته حاولت اقرب الفكره .........نسميه بيبسي بو نص ....

[تحدوِهِـِِ ألبشِ ـ}ـِِـر]

سلامـــ
مشكوووور ع الموضوع الرئع بنتضار جديدك

[الوردة الجوريه]

و عليكم السلام ورحمة الله و بركاته
امس تذكرت شيء وسخ كنا نسوية
كنت انا و اختي نغسل البالونات من الداخل بعدين نعبيها مويه ونربطها نص ربطة و نلعب سندباد و علي بابا و نشرب الموية الي في النفيخة زي سندباد
تذكرت هذي الحركة امس و انا انفخ نفيخة و ارجع الهواء في فمي كنا نستمتع باشياء زي كذا
النفافيخ <<<< كذا نسميها
كنا ننفخها و نحاول اننا نحافظ عليها طائرة في الاعلى و نضربها بايادينا او باصابعنا واذا تعبنا ننسدح و نضربها بارجلنا المهم انها ما تسقط على الارض لفترة طويلة

العابنا كثيرة بالنفافيخ



ضواهن ( اخت من طاع الله )
اهلا و سهلا منورتنا والله احييكم على روحكم القتالية يابنات ما استسلمتوا و اصريتوا تكملون حتى توصلون للموضوع هذا افضل من الانسحاب
الغريب اني كل ما دخلت للادارة و ذكرت اسم وحدة فيكم على طول القاها كملت الـ300 مشاركة
امس كنت اتناقش مع المراقبين في موضوعك و تفاجات انك كملتي الـ300 و قادرة انك تردين
صرت افضل ان الموضوع يظل هنا علشان الكل يتعب و يحس بطعم النضال من اجل ذكريات المخضرمين ^_^

عضويتك ما اوقفت لكن تم تحديد المشاركين في القسم الجديد
سعيدة انك رجعتي و شاركتي معنا


نجي لصورك
شنطة المصارية ان شاء الله اصور لكم شنطة جدتي الي في حجم الكف نحط فيها فلوسها
عندنا شنطة من نفس النوع لكن القفل فيها دائري و قوي ما ينفتح بسهوله قديمة الشنطة من قبل ما انولد امي حاطه فيها صور البروجكتر الصغيرة

المعارض التراثية اتوقع كثيرة في جدة و الرياض
حتى في الطائف عندنا متحف قصر شبرا فيه صور و اشياء كثيرة

بس طبعا كنا وقتها كبار اشوي بس بما اني احب باربي كنت اشتر ي كل شي لها ....واستغربت اني لقيتها عندي ...قلت اصورها ......لاني بالعاده اذب الاشيا اللي مابيها .....

انتي لا مستحيل احس انك تحتفظين بكل شيء

اما العرائس طبعاً لا مو في هذا الوقت ابداً لو كانت عندي عروسة قديمة ما راح افرط فيها ابداً
ممكن نشتري لهم عروسة جديدة لكن ما اعطيهم حقتي الي فيها ذكرياتي
عموماً انا ما امتلك اي عروسة من عرائسي القديمة

ولقيته وقلت اصوره وبعد ماصورته على طول ذبيته

لا تذبين شيء
حطيها في كرتون و خليها يمكن انا اخذها
انتي ليش كذا احد يرمي ذكرياته حرام والله

هذي العروسه ماكنا نشتريها غير من البحر بس القهر ...اني كل ماشريتها كنت ارد البيت القاها اختربت يعني مدري شتسمونها بس مشقوقه يعني مافي امل انفخها طبعا مين اللي سوى فيها كذا ...(اخواني ) لانهم منقهرين لانهم كلهم ياخذون بنك بانثر وانا الوحيده غير .......

اخر شيء افكر اني اشتريه من البحر هي هذي العروسة
اذا مرة ما لقيت شيء غيرها اشتريها
كنت احب البطات و بنك بانثر


سلفر الكبير
الله يعطيك العافية على الصور ايش دخل رامي في فريق المجد



اتذكر هذي الطوابع بعد ما ننتهي من الطوابع كلها تظل الاطراف الي تربط بين كل ملصق و الاخر و يكون فيها رسمات كنا احيان نقصها و نلصقها كايطار في الدفتر


الي ادهشني هو طوابع افتح يا سمسم ماشاء الله عليك محتفظ بكل شيء و شكلها جديد و نظيف ماشاء الله

[ضربة النمر]

السلام عليكم

John Silver

مصلقاتك اكثر من رائعه بس هذا ايش يعمل في النص



الملصقات هذه كانت عندي ::سعاده::



شكرا جزيلا

ضواهن
الحمد لله على السلامه

لك وحشه ^^ من زمان عنك و عن قناتك شكرا جزيلا لعودتك



اسطوره

جننتني صورك من روعتها بالذات خبز الفطور

الاميره ياقوت
يااااه عن سراير الراديو
ما كنت احبها خخخخخخخخخخخخ


حبيت ادخل اسلم على ضواهن شفت صور رائعه شكرا جزيلا ^^

[مايـا]

ضواهن

بس ليه من زمان انحس الاشيا كبيره اذكر امي كانت تاخذ وياها شنط يوم اخواني اصغار كنت ع بالي كبيره الشنط وقبل فتره ورتني امي هالشنط استغربت قلت معقوله ذي نفس الشنط؟؟؟؟؟ صدق يوم تكون اصغير تشوف الاشيا كبيره ......

سبحان الله نفس إحساسي عندما كنت صغيرة كنت أرى الغرف أكبر و أوسع مما هي عليه اليوم

صورك رائعة ، و تلك المحفظة البنية لدينا مثلها تماما نضع فيها الصور التي لا مكان لها بالألبوم

[John Silver]

السلام عليكم ورحمة الله وبركاته

الوردة الجوريه

الله يعطيك العافية على الصور ايش دخل رامي في فريق المجد

فعلا الصور القديمه كانت دائما مايكون فيها خلط ،مثلا اذكر ملصقات زينه ونحول فيها صور لبشار ..


ضربة النمر

الله يحييك اختي ضربة النمر،ويسعدني ان الصور اعجبتك ^ــ^ ..

مشاركتي اليوم ستكون عن كتب ودفاتر التلوين ، انتشرت كتب التلوين في المكتبات وكثيرا ماتاجر اصحاب المكتبات بهالنوعيه من الاشياء ،وكلما كان الأنمي ذو شعبيه كبيره كلما تنوعت دفاتر التلوين له ..

بالنسبة لنا جمعنا الكثير من هذه الدفاتر الخاصه بأنميات كلاسيكيه عرفناها مثل سالي وليدي ليدي وساندي بيل وغيرها ...
قبل سنه فقط اذكر باني شاهدت دفاتر ساندي بيل وليدي في المخزن القديم ولكن بحثت عنها اليوم للاسف ولم اجدها ، لكن احضرت معي صور سوبر مخضرمه ^ـــ^ ..







صور لدفاتر التلوين اللي كانت تحمل شخصيات لانمي ياباني تشبه شخصيات كاندي وليدي جورجي




كتب لتدوين المذكرات



دفتر تلوين غرانديزر دار ميوزيك ، لايذكره الا السوبر مخضرمين ^ـــ^



هذه صوره لقصص طرزان وقد صدرت اواخر السبعينات
لم تكن قصص مصوره كقصص بساط الريح والمطبوعات المصوره ،بل روايات فقط


قصص المكتبه الخضراء الطبعات القديمه
الى اليوم يعاد طباعتها ،ولكن ليست كالطباعه القديمه

بالتوفيق احبائي

[*الأميرة ياقوت*]

السلام عليكم ورحمة الله وبركاته

كيف حالكم جميعاً

الوردة الجورية

ذحين صافي ضايع

صح والله لازم نلاقي صافي

الي في الخلف الي فيها مربعات ابيض و اسود هي صورة و إلا مرايه

لا صورة لأبوية الله يحفظه وأنا طبعاً الحمدلله أكثر وحدة من أخواني مستفيدة من التصوير >>فرحانيين فيه

حلوة الصور تلاقي فيها اشياء رهيبه

وانا أحس إني من زماااااااااااااااااااااااااااااااااااان ( بس هذا مايمنع إننا لسه صغااااااااار)

الصراحة ما بدات اغطي إلا لما دخلت 1 ثنوي

أنا كمان وما أنسى أبوية لما قلي خلاص يابنتي لازم تغطي والله يابكيت بكى كأنه أحد ضاربني والقهر بنات عمي أصغر مني ماغطوا معايا .. ولا في العيد مارحت اعيد وهم يعيدوا

كنا ننفخها و نحاول اننا نحافظ عليها طائرة في الاعلى و نضربها بايادينا او باصابعنا واذا تعبنا ننسدح و نضربها بارجلنا المهم انها ما تسقط على الارض لفترة طويلة

هههه ياالله أحب العبها إلا الأن النفيخة شافت نفسها وصارت بلونة

ضواهن

أهلين مبروك الوصول والله حاسة فيكي

(يسلمو وويعطيك العافيه ومن هالسوالف

ههه أنا نفس الشي ولا لما اضريت ألعب X O وغيرها

هالمشط كنا رايحين جيان عشان نشتري خيمه .........فـ لقيته قلت لهالحين يبيعونه

أحس هذا المشط صاحب بلكريم

سيارة الإيسكريم ... كانت حتى في الحارة تلف ولما نسمعها ياالله بنطير من الفرحة ونجري عشان يشتري

وكمان كان في هندي يبيع ايسكريم ملون بالترمس البرتقالي وكان طعمه يجنن طبعاً هو الله يعلم كيف تسوى

بس ربي سلمنا من الأمراض

بشكل عام يعني سؤال هل يمكن انكم تفرطون بعرايسكم الخاصه لغيركم ..؟ او اي اشيا خاصه ...؟

لا مستحيل

ضربة النمر

يااااه عن سراير الراديو
ما كنت احبها خخخخخخخخخخخخ

ليه والله حركات سرير وراديو

John Silver

أهلاً وسهلاً بك وبما أحضرت بصراحة مني عارفة أعلق على أي صورة فعلاً فعلاً كلها

سووووووبر مخضرمة الله يعطيك العافية

هذي كراستي نفس الغلاف إلي حاطه

دفتر التلوين يجنن ودفتر المذكرات والطوابع ووووو مشكوووووور