هذي صور لملاهي الزمن الجميل
ايام زمان العيد كان احلى وله طعم خاص فلمن مثلا لونا بارك اتكلم على جيلي كنا اطفال بين ال5 والسابعة بيقول لنا اقعدو شاطرين عشان نوديكم لونا بارك وكانت لونا بارك ملاهي جميلة ومن اجمل الملاهي واول ملاهي في جدة اتبنت تقريبا عام 1973 واغلقت فجاة عام 87 او 88م ومستغرب سبب اغلاقها بدري كانت ملاهي ناجحة كانت السيارات زحمة حول الملاهي وماكان فيه زحمة في الخط مثل الان وكان الحي اللي قدام المكلاهي بيسمعو اصوات الاطفال والشباب في الملاهي كان خلفها ملعب وبعد الملعب فيه مشتل مطل على الشارع كانت لونا بارك اغلب العابها للكبار ومن اللي اتذكر الثور اللي يتحرك وسيارات السكودر والمرايا السحرية وكان على ما افتكر فيه محل بداخل الملاهي يبيع كباب ومشويات وكان للملاهي بوابتين بوابة للشباب وبوابة للعوائل وكانت علامتها 3 بالونات احمر واصفر وازرق افتكر فوق البوابات ما لحقنا نستمتع فيها كثير
ملاهي السندباد كانت اتبنت في منتصف او نهاية الثمانينات وكانت في الحمراء طريق الكورنيش وكانت من اشهر الملاهي وافخمها بعد اغلاق لونا بارك وفيهاا لزحليقة الكبيرة اللي كنا نشوفها من بعيد قبل ما نوصل الملاهي وكانت وحليقة طويلة اول ما ندخلا لملاهي كنا نروح عليها على طول وبعدها نروح صالة ارعب او قلعة الرعب فيها حرمة عجوزة تخوفنا ودراكولا واشكال مفزعة واحنا نصرخ جوة الصالة وبعدها نروح نروق على جهاز الاركيد او صالة الاركيد كانت العابه صعبة لدرجة مرات قليلة اذا قدرنا نتجاوز مرحلة او حرلتين من اللعبة خصوصا لعبة كرة القدم superside kick ولعبة المصارعة wwf wrestlefest كانت العاب جميلة
ملاهي او منتزه بحيرة القطار كان عبارة عن ملاهي بسيطة ومنتزه وفي وسطه بحيرة وكان مكان هادىء جدا
ملاهي الابراج تقريبا مثل ملاهي السندباد وكانت فيه منافسة بينهم وكان الزحمة عليهم اكثر من اي ملاهي
صالة الليزر كانت عبارة عن مبنى من دورين مكانه كان قبل البيك في طريق الكورنيش وبعد المركز الادبي الثقافي يعني تقريبا في المنتصف بينهم كانت صالة جميلة اعلابها عبارة عن اجهزة اركيد وتنس طاولة وكرة المضرب وبلياردو والعاب اطفال منوعة وكنا نشوف البحر من فوق لمن نطلع للدور الثاني ونلعب كانت صالة جميلة وخصوصا الانوار الملونة اللي في الصالة تعطي جو جميل
هذي بعض من ذكرياتي في الطفولة والمراهقةو في العيد ياريت يشاركونا جيل اثمانينات والتسعينات وياريت لو احد يزودنا بصور لملاهي لونا بارك
احد يعرف المسلسل هذا ؟
كنت اتابع كل حلقاته و كان يعرض عام 1997 على ما اذكر
مسلسل مايك & انجلو اتمنى اني القى كل حلقاته
Cold War
اهلا اخي K A R A ~ مسلسل مايك وانجلو بدأ عرضة في التلفزيون السعودي عام 1995 وأعيد عرضة عام 2001 والممثلين في المسلسل تغيرو الا الأم
من يذكر هذة اللعبة
هذي مو ملاهي السندباد الي في الرياض ؟؟
لا اخت اوسكار هذي ملاهي السندباد اللي كانت في جدة في الحمراء الشمالية وكانت جدا مشهورة بس اللي في الرياض اول مرة اسمع فيها هل كان فيها ملاهي سندباد؟
انا من رائيي لو يتقفل هذا الموضوع احسن لا نه صارت المشاركة فيه ضئيلة واغلب الاعضاء في السنة مرة بيعلقو عليه وكمان تعليق بسيط على الماشي يعني الموضوع صار كئيب ولا فيه تفاعل
بالامس كنت ف بيت هايدي ف سويسرا ..
وقبل الرحله تابعت ٣ حلقات مع بنتي ..
وعند دخولي للبيت تفاجئت بالبيت والترتيبات مشابهه للانمي
خصوصاً غرفه هايدي ف العُليه ..
غرفه هايدي ..
عاد انا امس تابعت برنامج على تلفزيون الكويت عن سويسرا وجابو بيوت نفس تصميم اللي بهايدي وكمان نفس الصور اللي نزلتها وكان حياتهم روووووووووووووعهالرسالة الأصلية كتبت بواسطة الـــكـــايـــد
غرفه هايدي ..
انا لقيت فيلم قديم باليوتوب كانو يعرضونة بالقناة الثانية وعلى كثر ماعادوة ماامل منة ابدا
http://www.imdb.com/title/tt0098471/
https://www.youtube.com/watch?v=kAuGxAv6keY
مرحبا يامخضرمين
المسلسل القديم جحا الضاحك الباكي 14.00 على قناة dtv algerie تردد 12303
وعلى دبي زمان برامج ومسلسلات قديمة من ايام الطيبين
فيلم كوميدي رائع Three Fugitives 1989
مسلسل مايك وانجلو اتمنى القى كل الحلقات والمواسم والاهم الخمس مواسم الاولى
اما الباقي عاد\ي
او على الاقل الحلقات الي كانت تعرض على القناة الثانيه لان فيه حلقه نفسي اشوفها وبحثت في كل مكان ومتاكده انها مابين الجزء الاول والثاني
صراحة كلمة شكر قليلة بحقك
الفيلم كنت مدمنه عليه وكنت انتظر القناة الثانيه تعرضه حتى بعد انتهاءه
البنوته عصرت قلبي بالكواته اللي فيها
وبعدما تابعته الان وخلصت تاكدت اني لازلت من عشاق هذا الفيلم
اخر تعديل كان بواسطة » noronori في يوم » 25-08-2015 عند الساعة » 17:27
سؤال يا مخضرمين هل عرض مسلسل فتاة المراعي على التلفزيون السعودي ومتى
عدد زوار الموضوع الآن 2 . (0 عضو و 2 ضيف)
قوانين المشاركة
اضافة رد مع اقتباس
المفضلات