مالك بقلبي مكان
روح دور لك حد يهتم فيك
دور من يتحملك ويواسك
كنت بحياتي كل شي
كنت القلب ونبضه
والحين مالك داخل القلب مكان
كان وجودك يهمني و الحين بقولك
معد أنا مثل أول أعزف الحب بأوتاري
هذا كان زمان يوم كنت أحبك
لا تحسب إني مثل أول كل كلامي عنك وعن سواليفك
حشى ما جبت لك طاري وحبك ما يناسبني
من باعك مره يبيعك ألف مره
أنا من باعني بعته وشاريه لمن شاريني
وبتعب في رضى منهو يجاهد لين يوصلني
صدقني إني نسيتك
وأخرجتك من بين ضلوعي ونسيت
نسيت أيامي معاك
وذكرياتي بيك
حد مثلك ماله بقلبي مكان
كنت دايم أقول
لو قسي العالم أدري قلبك حنون
لكن لو قسي قلبك بهل العالم وين أكون
كنت أظن إني بدونك بعذاب
ما دريت انه وجودك هو العذاب
كنت أنفاسي كنت عيوني كنت دنيتي
لكن اليوم مالك بحياتي مكان
لا تحسب أن صمتي نكران
فالأرض تصمت وفي جوفها بركان
لا تقول ما تقدر
قدرت أقسى
قدرت أنسى
قدرت اهجر
ما راح اسمح للزمان يهزني بعد اليوم
بتكون وقفتي مثل الجبل
مهما تعصف به الريح عمره ما ينحني لها
كانت مشاعري ارض الكل يدوس عليها
والحين هي مثل السماء صعب توصلون ليها
ما عاد عندي وقت اسمع منك كلام وأكاذيب
هذي هي النهاية والسلام
تم حذف رابط الصورة من قبل مراقب القسم
لمخالفته قوانين القسم والمنتدى
حيث يمنع وضع روابط لمنتديات او مشاركات في منتديات
المفضلات