نجي لذكريات الحلويات
حلاوة ساعة
حلاوة بنجرة
الإثنين نفس الطعم بس إنها شيييييييييييييييييييييي
حلاوة تفاريق
هذي معروفة كاكاو مغلفينه بشكل تفاريق
حلاوة طبقات
أول مرة اشتريتها بعد ما سمعت عنها في المدرسة إنه لونها يتغير مع الوقت فا رحت البيت وجربت وطلع صح اللون يتغير واشتغل عقل اينشتاين يحاول يعرف كيف يتغير اللون و قررت إني أسوي عملية جراحية للحلاوة وأجيب يد الهاون ودب واكسرها و ما نتبه إلا وأنا أزعق يوريكا يوريكا وأروح المدرسة من البكرة وأعلمهم إكتشافي الخطير "حلاوة طبقات تتكون من طبقات"
حلاوة نردز
عبارة عن حبوب صغيرة من السكر مغلفة بنكهات حامضة شوية بس طعمة
هذي الحلاوة عذاب لأنه بعد ما تخلص من العلبة يقعد لسانك مجرح يومين ثلاثة
حلاوة فواكه
الحلاوة المفضلة عندي بعد حلاوة طوب
كنت أشتري منها علبتين ثلاثة و اطحنهم وأحطهم في أكياس وأكلهم مثل الحبوبو والدقة حقت الحجة
حلاوة صفيرة
معروفة للجميع ماهي قد كذا لا طعم ولا تصفير
حلاوة حبوب
موجودة الآن في الأسواق بس بشكل ثاني
تحذير صحي "هذي الحلاوة حامضة مرة لذا ننصح بالإبتعاد عنها "
يكفي اليوم واللي يبغى يشوف حلويات زمان يزور هذا الموقع
http://www.oldtimecandy.com/pix1.htm
المفضلات