:: قصة جواهر وفهمي ::
نسخة خاصة بمنتدى القصص
كانت "جواهر" بائعة الطماطم واقفة عند باب العمارة تنتظرني انا "إيماجن" لحين عودتي من الكلية ..
جواهر : ايماجن بيه .. يا دكتور ايماجن .. عايزة منك خدمة
ايماجن : اهلا جواهر .. انتي تبيعي طماطم عند مدخل العمارة ولا ايش ؟! قولي عايزة ايه ؟
جواهر وهي تنظر للأرض ويبدو عليها التوتر : بصراحة .. بصراحة .. أردتك لموضع يخصني .. يخصني أنا والدكتور فهمي..
ايماجن : يخصك ويخص فهمي !.. قصدك فهمي زميلي بالكلية ؟! ماله عايزة منه شئ ؟ تعبانة مريضة ؟
جواهر : امممم لا لا .. مش مريضة بالزبط يعني .. أو يعني مريضة بيه .. مش عارفة منين ابدأ .. بس ياريت تعطيه هذا الكيس من الطماطم
واعطت جواهر ايماجن كيساً من الطماطم النضرة انتقتها هيام ثمرة ثمرة باناملها
ايماجن : طب ليه ما تعطيها ليه بنفسك انتي عارفة انه بالدور الرابع ؟
جواهر : هو يعني .. داخل الكيس فيه رسالة موجهة إليه ^_^"
ايماجن يمد يده في كيس الطماطم ويخرج الرسالة ويفتحها ويقرأها بسرعة البرق
جواهر تصرخ : ايش تسوي X___X مين قالك تفتحها ؟!!!
ايماجن : هع .. زي ما توقعت .. كاتباله اعتراف بحبك ليه .. لا تستغربي من سنين واضح عليك أنك تحبيه بس هو غشيم ما يحس ::
جواهر وهي تشعر بالاحباط ب_ب : هاه .. ايش خلاك تفتح الرسالة .. انت ما تعرف كم سنة ترددت لحتى انتقي كلمات هذه الرسالة .. كل ما افكر اعترفله بمشاعري اتوتر واتجمد اول ما اشوفه ولساني يعجز عن الكلام
ايماجن : فهمي كان دايما يخبرني أنك تعطيه كل يوم تقريبا كيس طماطم وخضار وترفضي تاخذي ثمنهم .. وهذا المفجوع ياكل طول هذه السنين بدون ما يسأل نفسه .. طيب جواهر اتركيلي الموضوع :: .. حكلمه واوصله الرسالة بنفسي .. وتقدري تختبئي في سطح العمارة لما نطلع انا وهو واكلمه عنك وتسمعي رده بنفسك .. لكن لازم تتقبلي رده ايا كان .. ما تنسي أنه دكتور وأنتي يعني ... مو قصدي انتي انسانة محترمة ومكافحة لكن ..
جواهر : عارفة ايماجن انا مقطوعة من شجرة .. ومجرد بائعة طماطم .. وما كملت الثانوية .. ابوي ترك البيت وأمي تزوجت راجل عينه زايغة حاول يؤذيني واضطريت اهرب لهنا للمدينة لأني ما لقيت حد يحميني .. نمت مع الكلاب والقطط بالشوارع .. لحد ما فهمي شافني مرة بالشارع مريضة وعطاني دواء وعشرة ريال .. هذه العشرة ريال ما صرفتها واشتريت بيها اول كيلو طماطم وبعته لأحد البيوت .. ومع الوقت بديت اصنع رأس مالي وتاجرت بالطماطم لحد ما قدرت ادبر لي مكان بمستودع هذه العمارة اسكن فيه .. عارفة اني ما اصلح اكون زوجة ليه بالمستقبل لأن الفارق الاجتماعي كبير .. بس انا احب القراءة وكل يوم اتعلم جديد عن الدنيا .. وكل يوم اسمع خطواته الصبح وهو خارج من مدخل العمارة .. وعارفة انه هذه اخر سنة ليه بالكلية .. وسمعت انه ممكن يرجع لمدينته الاصلية ويترك هذا المكان .. حسيت اني لازم افصحله عن مشاعري حتى لو كانت نتيجتها الرفض
ايماجن : اوك .. اليوم بكلمه .. هو راجع الحين .. اسمعي حطلب منه نتلكم على سطح العمارة وانتي اتبعينا متخفية واستخبي خلف خزان الماي ..
:
وما هي لحظات حتى جاء فهمي .. وطلبت منه أن نتحدث على سطح العمارة من اجل موضوع مهم ..
وصلنا لسطح العمارة .. وحكيت لفهمي عن مشاعر جواهر نحوه منذ سنوات ..
وهنا انفجر فهمي ضاحكا : هع هع هاااع .. يخربك يا ايماجن .. يعني انتي فاكرني ما اعرف عنها وحبها ليا وعيونها المفضوحة .. شئ طبيعي ان البنات تحبني وتتهبل علي .. طبعا مهو انا وسيم .. ودكتور ومن عيلة .. انت تدري انها احيانا تكويلي الملابس وتنظفلي البيت لما اطلب منها وترفض تاخد فلوس .. أكيد بسبب فضلي عليها زمان لما كانت مشردة بالشارع .. وكنت ناوي اشفق عليها وبعدين اتسلى بيها .. لكن كل ما افكر اخذها واتسلى بيها احصل قطط وكلاب الشارع تهددني بنباحها علي .. يا اخي طفشت منها كل شوية اشوف معاها قطة او كلب كانهم عارفين اللي بنيتي ويحرسوها .. عموما انا بستفيد منها وبسمحلها انها تحبني .. لكن واضح انها شطحت بخيالها .. نسيت انها مجرد متشردة وبنت شوارع ..
كانت جواهر تسمع كل الحديث .. غير مصدقة ومصدومة .. معقولة أن هذا الشخص كان طوال هذه السنين ينظر لها تلك النظرة القذرة ؟! .. لم تتمالك جواهر نفسها وخرجت من مخبئها خلف خزان المياه .. لتقول لفهمي بعيون تملؤها الدموع وصوت متقطع من البكاء :
جواهر : أشكرك .. أشكرك لمشاعرك يا دكتور .. فعلا انا انسانة متشردة .. لكن تعرف انا حبيتك بجد .. وأي شئ سويته لك كان عن طيب خاطر وما انتظرت منك مقابل .. لا تعتقد اني منتظرة منك زواج او غيره مع اني حلمت بدا كثير .. كل ما اشوفك كنت احس بالامان لكن ما توقعت تكون نظرتك لي كذا .. وحتى لو كنت غدرت بي كنت حسامحك .. لكن لعلمك انا مش انسانة بنت شوارع .. انا انسانة شريفة اتحملت الجوع ايام وليالي وهربت من البيت عشان احمي نفسي .. سامحني لأن مشردة مثلي تكوَّن في قلبها مشاعر لإنسان عظيم ودكتور مثلك لكن هذا غصب عني .. ربنا يوفقك بحياتك .. واوعدك ما حزعجك ولا حتشوف وجهي تاني .. وسامحني لأني ما حقدر انظفلك البيت او حتى اوصلك الخضار .. طالما ان هذه نظرتك لي ..
وهنا ركضت جواهر مبتعدة بدموعها .. وفهمي يضحك بسخرية
ايماجن : فهمي يا وغد .. انا اسمع انك صايع وتمشي مع بنات بس ما صدقت وقلت ان هذه اشاعات ..دايم اقول صديقي انسان محترم .. اسمع يا فهمي انت زودتها ولازم تعتذر لهذه البنية المسكينة .. ولا اقولك اياك تقابلها تاني اتركها لحالها .. عالاقل كنت ارفض مشاعرها بدون تجريح ..
فهمي يستمر بالضحك : يا اخي انت غريب .. بالذمة هذه تسميها بنت .. هذه تفوح منها رائحة الطماطم .. اصلا شكلها مضحك وهي بجسمها الهزيل تشيل كرتون طماطم توصله للبيوت .. كثير اراقبها وما ابطل ضحك .. عموما شوف ايماجن ايش رايك بصور هذه البرنسيسة
فهمي يُّري ايماجن صورة فتاة على الجوال متأنقة وترتدي حذاء ابو رقبة من جلد الجاكوار
ايماجن : انت ليش توريني ومين ذي .. لحظة انا اعرفها .. مش هذه ناتاليا زميلتنا بالكلية
فهمي : ايوا .. الأميرة ناتاليا .. بنت أثرى طبيب بالمدينة .. تعرف أن ثمن الساعة اللي بيدها يساوي ثمن سيارة .. وتعرف انها كل شهر تسافر لندن يومين مخصوص عشان بس تاكل آيس كريم من محلها المفضل وهي تطعم البجع على البحيرة .. أخذتني معاها من اسبوع بطائرتها الخاصة .. وراح نتخطب قريب
ايماجن : هع .. ناتاليا تتزوجك انت ؟! .. ما إلا تتسلى بيك ..
فهمي : ايماجن ما اسمحلك بنص كلمة في ناتاليا .. قريب حتكون مراتي .. أو أقولك .. هههه .. روح اجري ورا بياعة الطماطم .. تلاقي قلبها مكسور .. روح خفف المها وتزوجها بالمرة هههههه
ايماجن : حريقة فيكم كلكم انا مالي ومال الدراما دي .. انا بس حاولت اكون وصلة خير .. يلا انا ماشي .. انا سويت اللي عليا وكل شئ بقى واضح .. عالاقل هي ما تظل تعطي خدمات ببلاش لواحد مثلك .. طب يا نذل حتى عطيها فلوس قاعد تاكل وتستفيد منها ببلاش يا نذل ..
فهمي : هي المغفلة .. وحدة تشتغلي ببلاش اقولها لا ؟ هههه .. وبعدين الأمر كان جدا مسلي اشوفها تنهبل علي وانا اطنشها .. شعور ما يوصف ..
:
ومرت الأيام .. وسمعت أن فهمي خطب ناتاليا .. لم اعد اقابل فهمي كثيرا رغم اننا بنفس العمارة ونذهب لنفس الكلية .. ليس بسبب اني اتجنبه .. بل لأنه أصبح مشغولا بها وبجواله الذي يراسلها به باستمرار ..
وبعد أربعة أشهر من الخطوبة :
واصبح فهمي يكلمني عن خطيبته ويشتكي من لسانها السليط .. وانها دائما تعايره أنها أغنى منه وافضل منه .. وبانها مزاجية وتطلب منه الكثير من الهدايا الغالية والعزومات المكلفة .. لدرجة أنه استدان مبلغ كبير من المال دون علم اهله بعد أن أنهي رصيده بالبنك !
وفي أحد الأيام لاحظت تغيب فهمي عن الكلية .. واستمر غيابه أسبوعاً .. وعرفت أنه بالمستشفى بعد ان اصيب بانهيار عصبي ..!!
:
يتبع...
المفضلات