السلام عليكم ..
اهلا ً بجميع المخضرمين والمخضرمات ..
صراحة الموضوع رائع .. خاصتن انه يبعدنا عن مواضيع ( الصغار ) ..
ونتذكر طفولتنا اللي مضت ونشارك الاشياء اللي كنا نشوفها بالماضي ..
حاب اعرض لكم صورة لفيلم قديم بفترة الثمانينات( 1984 ) اذا تذكرونه وانا متأكد اغلبكم يعرفه ..
the never ending story
اذكركم بالاحداث فتى يهرب من مضايقة زملاءه بالمدرسة ويدخل بمكان ما بالمدرسه وفيه كتاب عليه الكثير من الاتربة والغبار .. وتصير عيونه عليه يفتحه ويقراه .. وكل الاحداث تصير داخل الكتاب ( اللي فيها بطله الخاص ) ..وطبعاً يبي ينقذ الاميرة اللي بالقصة ..
وتتطور الاحداث يموت البطل ويدخل الولد اللي يقرى القصة داخل عالم الكتاب وياخذ البطولة بالفيلم ..
انا كان اخوي مأجر الفيلم ومعاه فيلم صائدوا الاشباح ( معروف للمخضرمين ) .. لكن يوم اعجبني قلت ما ابي ايجار باشتريه يعني باشتريه ومادفعنا له الايجار طبعاً .. كانت اذا تذكرون الافلام اصلية اغلبها ..
انا شخصيا ً كنت اسوي ساندوتش جبن لي واجيب عصير واتفرج وكان يوم انا صغير يخوفني مشهد الذيب الاسود ..
وهاذي مشاهد من الفيلم
البطل اللي داخل الكتاب يوم يقابل الذيب الاسود من احلى المشاهد بالفيلم ..
هذا الولد اللي يقرى كل شابتر وكل احداث تصير بالكتاب ..
هذا المشهد ما انساه من المشاهد المؤثره يوم Atreyu يغرق حصانه ويحاول يسحبه ..
هذا المشهد عند الاقزام اللي ساعدوه
هذا ( الله يكرمكم ) الكلب حق الاقزام اللي يطير ويساعد البطل ..
العالم القزم
الحجر الناطق .. هو من العوائق بطريق اي فارس ينقذ الاميره .. لكن شخصية طيبة تسمح للبطل بالمرور ( اذا تذكرون بالجزء الثاني يصير عنده ولد حجري )
الين ما يدخل البطل الرئيسي اللي يقرى الكتاب Bastian
Bastian مع الاميره
الكتاب
هذا البطل اللي داخل الكتاب مع السحلفاة العملاقة بعد ما غرق حصانه بالوحل .. لاحظوا الاخراج مع ان الفيلم قديم كان متقن .. المشهد هذا من اضحك المشاهد تعطس السلحفاة وتطيحه من الغصن اللي متعلق فيه ..
وهذا الموقع الرسمي للفيلم اللي اخذت منه الصور ..وفيه كل شي عن الفيلم ..
وهذا ميوزيك فيديو للفيلم على موقع اليوتيب .. يتضمن الـ Theme للفيلم ( الساوند تراك ) ..
وانا حالياً نزلت الفيلم من النت لكي استرجع الذكريات صراحة شعور لا يوصف ..
اتمنى ارى ارائكم وتعقيباتكم .. واتمنى ايضاً عندما تضعون صوراً نادرة تذكرون المصدر لكي تعم الفائدة ..
الى اللقاء ..
المفضلات