ثمان سنين أجي نفس المكان بســاعة المغـــرب
لى الموعد بـ ( لهـــفه ) جيت لامانع ولا تأخير ...!
لفيت من العصر هايم مع إن الـمـوعــــــــد المغرب
وجتني بس مدري ليـــه شعرت الجيه هذي غير ...
وهي تقرب من عيوني شعرت إن الممات أقرب ...!
وقلت الله يهونها عسى في جيتك لي خير ...!؟
أنا من شفتك أقبلتي وأنا خايف ومستغـــرب ...
على كثر الحكي مدري ... كأنه خانها التعبير ...!
وقالت لي جمل وأشياء لاتـــكتـــب ولا تـــعـــرب
هدت فجأه تطالعني وأنا في حــــــــــاجة التفسير ...!
لجل نحكي بهدوء أكثر سألت: الحلوه وش تشرب ...!
فصاحت بي أنا أحبك ولك في هالحشا تقدير ...
وتدري إن المثل فينا وفي إحساسنا يضرب ...
وكنت إنت الوفي وإنت البرئ من تهمة التقصير
ولكن ذي عوايدهم من أيــــام وزمن يثـــرب ...!
تكون البنت لإبن العم ورغبات الكبار تصيـــــــــــــــر
وتدري الأقربون أولى ... مع إنك للخفوق أقرب ...!
وتدري للقدر كلمه ... ولعادات الاهل تـــأثير
لذا أرجـــــوك تتركني وأنا من واقعك بهرب
شعرت بحكيها كنه قصاص وأمر بالتعـــزير ...!
وشعرت الدنيا ضاقت بي من المشرق إلى المغرب
مشت خلت وراها طفل ... مايدرك وش التدبير
يحسب إن الغرام أبيات شعر وأغنية مطـــرب ...!
ضحكت وما قدرت إني ألاقـــي لضحكتي تبرير ...؟
من اللي بوقتنا مره ضحك من لدغة العـــقرب ...!
رفضت أستوعب اللي صار ولا إستسلمت للتغيير
ثمان سنين أجي نفس المكان بســاعة المغـــرب
اتمنى تعجبكم اول مشاراكاتي
اضافة رد مع اقتباس
المفضلات